Yeremiya 5:1 - Xitsonga (Bibele)

¹ “Fambani hi switarata swa Yerusalema, mi languta, mi vutisa mi lava emitsendzeleni ya kona loko mi nga kuma munhu, hambi a ri un'we, la phikelelaka ku famba hi ku lulama, la lavaka leswo saseka, leswaku ndzi ta tsetselela muti.

BIBELE Mahungu Lamanene

¹ HOSI Xikwembu xi ri: “Rhendzelekani hi magondzo ya Yerusalema, mi xiyaxiya leswi humelelaka. Lavisisani etimbaleni ta muti, kutani loko mi nga tshuka mi kuma munhu la tsakelaka ntiyiso ni ku endla leswi lulameke, mina ndzi ta rivalela Yerusalema.

Yeremiya 5:1 Referans Kwoze

Ezekiele 22:30

Kutani ndzi lave munhu exikarhi ka vona leswaku xana a nga va kona la nga biyaka rihlampfu, a yima exivangweni emahlweni ka mina ku lwela tiko, leswaku ndzi nga ti ri lovisa, kambe a ndzi n'wi kumangi.

2 TIKRONIKA 16:9

Hikuva mahlo ya Yehovha ma fambafamba emisaveni hinkwayo ku tiyisa lava nga va yena hi timbilu hinkwato ta vona. U endlile hi vuhunguki emhakeni leyi, hikuva ku sungula sweswi, u ta va ni tinyimpi.”

Esaya 59:4

A ku na munhu la yaka eku tengeni hi ku lulama, ku hava loyi a tivulavulelaka hi ntiyiso! Va tiseketela hi swahava, va vulavula hi vunwa; va xurha lunya kutani ku velekiwa ku dyoha.

Pisalema 14:3

Hinkwavo va hambukile, va tionhile swin'we; A ku na la endlaka swinene, hambi a ri un'we.

Swivuriso 20:6

Lava tivulaka vunene va tele, Kambe munhu la tshembekaka a nga kumiwa hi mani?

Pisalema 12:1

Hi hlayise, Yehovha! Hikuva vanhu lavanene va hela, Lavo tshembeka va lova exikarhi ka vana va vanhu.

2 Vatesalonika 2:10

ni ku kanganyisa hinkwako ka ku homboloka ka lava lovaka, hikuva a va amukelangi ni ku rhandza ntiyiso leswaku va hanyisiwa.

Luka 14:21

Nandza yeloyi a tlhela, a ya tivisa n'wini wa yena timhaka teto, Kavaloko n'wini wa yindlu a kariha, a ku eka nandza wa yena: ‘Hatlisa u ya etihubyeni, ni le mitsendzeleni ya muti, u tisa halenu vapfumari, ni swilema, ni lavo fa mahlo, ni lava khwitaka.’

Zakariya 2:4

yi ku eka yona: “Tsutsuma, u byela ndzisanyana loyi, u ku: ‘Yerusalema u ta akiwa kukota muti lowu nga riki na rirhangu, hikwalaho ka vunyingi bya vanhu ni swifuwo leswi nga ta va eka wona.

Amosi 8:12

Va ta famba va huma elwandle rin'wana va ya eka rin'wana, va ta tsutsuma va huma en'walungwini ku ya fika evuxeni, va tsendzeleka va ri karhi va lava rito ra Yehovha, kambe va nga ka va nga ri kumi!

Yuwele 2:9

Va hangalakela emutini, va tsutsuma ehenhla ka makhumbi ni tindlu, va nghena hi mafasitere kukota vayivi.

Daniele 12:4

“Kutani wena, Daniele, funengeta timhaka leto, u lemela buku leyi ku yisa enkarhini wa makumu; lavo tala va ta yi xiya, kutani ku tiva ku ta engeteleka.”

Risimu ra Tinsimu 3:2

Ndzi ta pfuka sweswi, ndzi fambafamba emutini, ni le mitsendzeleni ni le tindleleni; Ndzi n'wi lava la rhandziwaka hi moya wa mina; Ndzi n'wi lavile kambe a ndzi n'wi kumanga!

Swivuriso 23:23

Xava ntiyiso u nga wu xavisi, Hambi byi ri vutlhari, ni dyondzo ni ku anakanya.

Swivuriso 8:3

Byi huwelela etinyangweni, ni le tihubyeni, Ni le mindyangwini, byi ku:

1 TIHOSI 19:10

Yena a ku: “Ndzi khomiwile hi rilondzo hikwalaho ka Yehovha, Xikwembu xa mavandla; hikuva vana va Israele va tshikile ntwanano wa wena, va mbundzuxile tialitari ta wena, va dlayile vaprofeta va wena hi tlhari, ndzi sala ndzi ri swanga, kutani va lava ku ndzi dlaya!”

Yeremiya 2:29

“Mi tenga yini na mina, n'wina lava ndzi tshikeke hinkwenu,” ku vula Yehovha.

Yeremiya 44:15

Kutani vavanuna hinkwavo lava nga tiva leswaku vasati va vona va hisele swikwembu swimbe mirhi ya risuna, ni vavasati hinkwavo lava nga yima kona, yi ri nhlengeletano leyikulu, ni tiko hinkwaro leri akeke etikweni ra Egipta, ePatroso, va hlamula Yeremiya, va ku:

Pisalema 14:2

Yehovha u langutile vana va vanhu a ri etilweni, A ta vona xana u kona la nga ni ku twisisa, La lavaka Xikwembu.

Pisalema 94:16

I mani la nga ta ndzi lwela eka lavo biha? Ni ku ndzi pfuna emahlweni ka vadyohi?

Yeremiya 8:6

Ndzi tshama ndzi yingisela kutani ndzi twa loko va vulavula, kambe a va vuli leswi lulameke; a ku na un'we la khomiwaka hi tingana hikwalaho ka ku biha ka yena, a tshamaka a ku: ‘Ndzi endle yini?’ Hinkwavo va tsutsuma kukotisa hanci leyi tsutsumelaka enyimpini.

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Yeremiya 9:7

Hikwalaho, Yehovha wa tinyimpi u vula, a ku: “Ndzi ta va n'okisa, ndzi va ringa, hikuva ndzi nga endlisa ku yini eka n'wana wa tiko ranga xana?

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’