Yeremiya 49:7 - Xitsonga (Bibele)

⁷ Ku vula Yehovha wa tinyimpi: “Xana a ka ha tlharihanga eTemani? Xana miehleketo yi lahlekile eka vatsundzuxi-ke? Xana vutlhari bya vona byi herile?

BIBELE Mahungu Lamanene

⁷ Ta va le Edomu hi leti: HOSI ya matimba hinkwawo yi vurisa sweswo, yi ri: “Xana vanhu va le Temani a va ha ri na vutlhari ke? Vatsundzuxi va vona va lahlekeriwe hi mano xana? Xana vutlhari bya vona byi lo nyamalala xana?

Yeremiya 49:7 Referans Kwoze

Yeremiya 49:20

“Hikwalaho, yingisani makungu ya Yehovha lawa a ma kaneleleke Edomu, ni miehleketo ya yena leyi a yi anakanyeleke vaaki va Temani: Hakunene va ta ta va koka kukota leswitsongo swa ntlhambi; hakunene vuako bya vona byi ta onhiwa swin'we na vona!

Yeremiya 25:21

na Edomu, na Mowabu, ni vana va Amoni;

Genesa 36:15

Tihosana ta tinyimba ta vana va Esawu hi leti: eka vana va Elifasi, n'wana Esawu wa mativula, hosana i Temani, ni hosana Omara, ni hosana Sefo, ni hosana Kenazi,

Genesa 25:30

Kutani Esawu a ku eka Yakobo: “Ndzi nyike ndzi dya leswo tshwuka, leswo tshwuka leswi, hikuva ndzi karhele.” Hilaha va nga thya vito ra yena Edomu (hileswaku swo tshwuka).

Ntirho 2:11

Vanakulobye va Yobo ha vanharhu, va twa khombo leri n'wi weleke, kutani un'wana ni un'wana a suka eka rikwavo, Elifasi wa ka Temani, Bilidada wa ka Xuwaka, na Sofara wa ka Naama, va hlangana marito, va ta swin'we ku ta tsetsa Yobo ni ku n'wi chavelela.

Genesa 36:11

Vana va Elifasi: Temani, na Omara, na Sefo, na Gatamu, na Kenazi.

Habakuku 3:3

Xikwembu xa ta, xi pfa le Temani, Mukwetsimi u pfa entshaveni ya Parani! Ku kwetsima ka yena ku funengete matilo, misava yi tele ku dzuna ka yena.

Yuwele 3:19

Egipta u ta hundzuka mananga, na Edomu u ta va makwandzasi hikuva va pfukele vana va Yuda matimba, va halatile ngati leyi nga riki na nandzu etikweni ra vona.

Daniele 11:41

U ta nghena ni le tikweni ra nkoka, kutani ku ta wa lavo tala, kambe ku ta chupuka emavokweni ya yena Vaedomu, ni Vamowabu, ni lavakulu eka vana va Amoni.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Yeremiya 18:18

Va ri karhi va ku: “Tanani, hi endla makungu ku lovisa Yeremiya; hikuva nawu wu nga ka wu nga heri eka muprista, ni ku tsundzuxa ku nga ka ku nga heri eka la tlhariheke, ni loko ri ri rito eka muprofeta. Tanani, a hi n'wi tlhaveni hi ririmi, kutani hi nga anakanyi ku vulavula ka yena, ni kun'we.”

Esaya 29:14

Hikwalaho, ndzi ta endla ehenhla ka tiko leri, mitirho leyi hlamarisaka ni masingita; ku tiva ka tintlhari ta vona ku ta hela, ni ku twisisa ka va mano va vona ku ta lova.”

Pisalema 137:7

Yehovha, anakanya vana va Edomu, Hi laha va nga te hi siku ra khombo ra Yerusalema: “Hlanhlani, hlanhlani ku ya fika emasungulweni ya wona!”

Ntirho 4:1

Kutani Elifasi wa Temani, a hlamula, a ku:

1 TIKRONIKA 1:53

hosana Kenazi, hosana Temani, hosana Mibisara,

Duteronoma 23:7

“U nga tshuki u sandza Vaedomu, hikuva i vamakwenu; u nga sandzi Vaegipta, hikuva u luvele etikweni ra vona.

Genesa 36:34

Yobabu a fa, kutani ndzhaku ka yena ku fuma Huxama, wa tiko ra Vatemani.

Genesa 36:8

Kavaloko Esawu a ya aka entshaveni ya Seyira; Esawu hi yena Edomu.

Genesa 27:41

Kutani Esawu a venga Yakobo hikwalaho ka ku katekisiwa loku tata wa yena a nga n'wi katekisa hakona. Esawu a ku embilwini ya yena: “Masiku ya nkosi wa tatana ma kusuhi, kutani ndzi ta dlaya Yakobo, makwerhu.”

Genesa 32:3

Kavaloko Yakobo a rhangisa tintsumi emahlweni, ti ya eka Esawu, makwavo, etikweni ra Seyira, ebanyini ra Edomu,

Yeremiya 8:9

Lavo tlhariha va ta khomiwa hi tingana, va ta rhurhumela, kutani va ta khomiwa va sandzile rito ra Yehovha, va ni vutlhari byihi-ke?

Yeremiya 12:14

Ku vula Yehovha ehenhla ka hinkwavo lavo biha lava xaxameleke na mina, lava phangeke rifuwo ra mina, leri ingi ndzi ri averile tiko ra mina ra Israele: “Vonani ndzi ta va susa etikweni ra vona ni yindlu ya Yuda, ndzi ta yi pambula hi le xikarhi ka yona, ndzi yi susa.

Yeremiya 25:23

na Dedani na Tema, na Buzi, ni hinkwavo lava byewulaka xilepfu;

Ezekiele 32:29

“Hi loyi Edomu, tihosi ta yena, ni tihosana ta yena hinkwato, leti vekiweke ni lava dlayiweke hi fumu, hambi leswi ingi va ri va matimba; va ta etlela ni lava nga yimbangiki, na vona lava nghenaka enceleni.

Esaya 21:11

Rito ri huwelela ri huma eSeyira, ri fika eka mina, ri ku: “Mulanguteri, timhaka ta vusiku hi tihi? Mulanguteri, timhaka ta vusiku hi tihi?”

Swirilo 4:21

Tsaka, u tsakisisa, nhwanyana wa Edomu, La akeke etikweni ra Usi! Xinwelo xi ta fika ni le ka wena; Na wena u ta pyopya, u va u hluvula tinguvu.