Yeremiya 49:4 - Xitsonga (Bibele)

⁴ “U tidzunisela yini hi mikova, hi nkova lowu pfelelaka mati, n'wana wa wansati la tiarisaka, la tidzuniselaka rifuwo ra wena, u ku: ‘I mani la nga ndzi hundzukelaka xana?’

BIBELE Mahungu Lamanene

⁴ N'wina vaaki va Rhaba lavo ka va nga tshembeki, mi tidzunisela yini hi masimu ya n'wina ya le minkoveni, mi ku: ‘Minkova ya hina ya khuluka mati!’ Mi tshemba ngopfu rifuwo ra n'wina, mi ku: ‘Hi nga tekeriwa hi mani ke?’

Yeremiya 49:4 Referans Kwoze

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Yeremiya 21:13

“Vona, ndzi ni mhaka na wena, muti lowu tshameke enkoveni, eribyeni ra mananga, ku vula Yehovha ndzi ni mhaka na n'wina lava nge: ‘Hi nga hlasela hi mani, kumbe i mani la nga nghenaka etindlwini ta hina?’

Yeremiya 9:23

Yehovha u vurisile, a ku: “La nga ni vutlhari a nga tshuki a tidzunisa hi vutlhari bya yena, la nga ni matimba a nga tidzunisi hi matimba ya yena; na yena mufuwi a nga tidzunisi hi rifuwo ra yena;

Yeremiya 48:7

“Hikuva loko u titshembele mitirho ya wena, ni vukosi bya wena, na wena, u ta byisiwa, kutani Kemoxi u ta yisiwa eku bohiweni swin'we ni vaprista va yena ni vakulukumba va yena.

Yeremiya 3:14

“ ‘Tlhelani, n'wina vana lava hambukeke, ku vula Yehovha. A ku: Hi mina n'wini wa n'wina. Ndzi ta teka un'wana wa n'wina emutini wun'wana; vambirhi, ndzi va teka erixakeni rin'wana; kutani ndzi mi tlherisela eSiyoni.

Pisalema 62:10

Mi nga tshuki mi tshemba mahlundzu; Mi nga tikuriseni hi ku vutla; Loko mi andzeriwe hi rifuwo, mi nga vekeni timbilu ta n'wina eka rona.

Pisalema 52:7

“Hi loyi munhu la nga titekelangiki Xikwembu ku va khokholo ra yena, Loyi a tshembiseke rifuwo ra yena lerikulu, Loyi a titiyisaka hi vumbabva bya yena!”

Pisalema 49:6

Va tshemba rifuwo ra vona, Va tidzunisa hi vukulu bya ku fuwa ka vona.

Nhlavutelo 18:7

Mi n'wi xanisa, mi n'wi hlomukisa mbilu, mi n'wi ringanisela leswi a nga tidzunisa, ni leswi a nga titsakela ha swona. Hikuva u te embilwini ya yena: ‘Ndzi tshamile ndzi ri hosi, ndzi nga ri nsati wa noni, ndzi nga ka ndzi nga tivi nhlomulo’;

Hosiya 4:16

Hikuva Israele wa tiarisa u fana ni thokazi leri nga xitlalu. Sweswi, Yehovha u ta va risa ku fana ni xinyimpfana emananga.

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Yeremiya 7:24

Kambe a va yingisanga, ni loko ku ri ku rhiya tindleve; kambe va tifambela hi makungu ya vona ni le ku tinonon'hwiseni ka timbilu ta vona leto biha, kutani va tlhelele endzhaku, a va yanga emahlweni.

Swivuriso 10:15

Vukosi bya mufuwi i khokholo ra yena, Kambe vusiwana bya xisiwana i ku lova ka xona.

Yeremiya 31:22

U ta pepetseka ku yisa kwihi, wena nhwanyana la tiarisaka? Hikuva Yehovha u ta vumba xilo lexintshwa emisaveni: wansati u ta rhendzela wanuna exikarhi.”