Yeremiya 49:3 - Xitsonga (Bibele)

³ Kololani Hexiboni! Hikuva Ayi wu onhiwile; huwelelani vana va Rhaba, mi ambala tinguvu to khwaxa; rilani, mi famba erirhangwini, hikuva Milikomo u ta yisiwa ekhotsweni swin'we ni vaprista ni tindhuna ta yena.

BIBELE Mahungu Lamanene

³ “Tlhavani mukhosi n'wina va le Hexiboni, hikuva muti wa Ayi wu herisiwile! Na n'wina mi nga swimitaneni leswi nga kusuhi na Rhaba, banani nkalanga! Rilani nkosi mi ambarile leswo khwaxa, tsutsumani mi ya hala ni hala, mi tumbela erihlampfini, hikuva Milikomo xikwembu xa n'wina xi ta yisiwa evukhumbini, xi famba ni vaprista va xona ni varhangeri va tiko ra xona.

Yeremiya 49:3 Referans Kwoze

Yeremiya 48:7

“Hikuva loko u titshembele mitirho ya wena, ni vukosi bya wena, na wena, u ta byisiwa, kutani Kemoxi u ta yisiwa eku bohiweni swin'we ni vaprista va yena ni vakulukumba va yena.

Yeremiya 48:37

Hikuva tinhloko hinkwato ti byewuriwile, ni malebvu hinkwawo va byewurile va tlhavele mavoko hinkwawo, kutani tinguvu ta ku khwaxa ti le swisutini hinkwaswo swa vona.

Esaya 15:2

Va tlhandlukela etempeleni, ni le Diboni, ni le switsungeni leswi tlakukeke va ya rila kona. Mowabu wa rila ehenhla ka Nebo na Medeba: nhloko yin'wana ni yin'wana yi byewuriwile, ni malebvu hinkwawo ma byewuriwile.

Yeremiya 46:25

Ku vula Yehovha wa tinyimpi Xikwembu xa Israele: “Vonani, ndzi ta ba Amoni wa No, na Faro, na Egipta, ni swikwembu swa vona, ni tihosi ta vona, na Faro ni lava n'wi tshembeke.

Yeremiya 4:8

Hikwalaho mi tiboha swisuti hi nguvu leyi khwaxaka, mi rila, mi vovola; hikuva vukari lebyi hisaka bya Yehovha a byi hi tlhelelanga.

2 TIHOSI 23:13

A nyamisa ni switsunga leswi langutaneke na Yerusalema evokweni ra ximatsi ra ntshava ya ku Lova, leswi Solomoni, hosi ya Israele, a swi akeleke Astarte, ma nga manyala ya Vasidoni, na Kemoxi, manyala ya Vamowabu, na Milikomo, manyala ya vana va Amoni.

1 TIHOSI 11:33

Ndzi ta endla sweswo hikuva va ndzi fularhele va khinsamile emahlweni ka Astarte, xikwembu xa Vasidoni ni le mahlweni ka Kemoxi, xikwembu xa Mowabu, ni le mahlweni ka Milikomo, xikwembu xa vana Vaamoni; a va fambangi etindleleni ta mina ku endla leswi lulameke emahlweni ka mina, ni ku hlayisa milawu ya mina ni ku lerisa ka mina hilaha Davhida tata wa Solomoni, a endleke hakona.

1 TIHOSI 11:5

Solomoni a landza Astarte, swikwembu swa Vasidoni, ni Milikomo, manyala ya Vaamoni.

Yakobo 5:1

Sweswi, ndzi ta eka n'wina vafuwi! Rilani, mi kolola hikwalaho ka makhombo ya n'wina, lama nga ta mi humelela.

Sofoniya 1:5

ni lava khinsamelaka huvo ya tilo va ri ehenhla ka tindlu; ni lava khinsamaka, va hlambanya ha Yehovha, ni lava hlambanyaka ha Milikomo;

Amosi 1:15

Hosi ya vona yi ta ya evukhumbini swin'we ni tindhuna ta yona,” ku vula Yehovha.

Yeremiya 51:8

Babilona u wile kan'we, kutani u tshovekile. Kololani hikwalaho ka yena, mi tekela ku vaviseka ka yena murhi; kumbe u ta hanya.

Yeremiya 49:1

Ku vula Yehovha: “Xana Israele a nga na vana, xana a nga na mudyandzhaka xana? Milikomo u dyela yini ndzhaka ya Gadi, ni tiko ra yena ri akise ku yini emitini ya yena?

Yeremiya 48:20

Mowabu u khomisiwile tingana, hikuva u tshoviwile. Rilani mi kolola, mi byela Arinoni leswaku Mowabu u onhiwile.

Yeremiya 48:2

Ku kwetsima ka Mowabu a ka ha ri kona. Le Hexiboni, va anakanya swo biha hikwalaho ka yena, va ri: ‘Tanani hi n'wi herisa, a nga ha ti tshama a va tiko.’ Na wena, Mademeni, u ta dlawa; fumu ri ta ku fambela endzhaku.

Yeremiya 6:26

N'wana wa tiko ra mina, tibohe duku lero khwaxa, u vumbuluka enkumeni, u tirilela kukotisa loko va rilela n'wana la nga swakwe, u ba nkosi lowukulu wa ku vaviseka hikuva muonhi u ta hi humelela hi xipuku.

Esaya 23:6

Pelelani eTarxixi, vovolani, n'wina va xihlale.

Esaya 23:1

Vovolani n'wina, tingalava ta Tarxixi, hikuva u lovile! Tindlu, ku hava! A ka ha ngheni munhu kona! Mahungu lawa ma huma etikweni ra Kitimi.

Esaya 16:7

Mowabu u ta rilela Mowabu! Tiko hinkwaro ri ta va enkosini! Rilani, mi rilela swipambana swa Kiri-Harasete!

Esaya 14:31

“Wena nyangwa, kolola! Bana huwa, wena muti! Wena tiko hinkwaro ra Vafilista, hela mbilu! Hikuva ku ta huma musi lowu humaka en'walungwini. A ku na la nyengaka emavandleni ya valala!”

Esaya 13:6

Vovolani, hikuva siku ra Yehovha ri kusuki: ri ta tanihi ku onha loku rhumiweke hi Lowa matimba hinkwawo.

Yoxuwa 8:28

Yoxuwa a hisa Ayi, a endla rhumbi ha wona hilaha ku nga heriki; kambe swi tano ni namuntlha.

Yoxuwa 7:2

Yoxuwa, loko a a ri Yeriko, a rhuma vanhu eka Ayi, ekusuhi na Beta-Avene, evuxeni bya Betele, a ku eka vona: “Khandziyani mi ya kamba tiko. Kutani vanhu lava va khandziya, va ya kamba Ayi.

Yoxuwa 8:1

Yehovha a ku eka Yoxuwa: “U nga chavi, u nga heli mbilu! Famba ni hinkwavo lava hlomaka, u ya lwa na Ayi. Vona, ndzi nyiketile emavokweni ya wena hosi ya Ayi, ni vanhu va yona, ni muti wa yona, ni tiko ra yona.

2 SAMIELE 11:1

Kutani hi lembe leri tlhandlamaka, enkarhini lowu tihosi ti humaka nyimpi, Davhida a rhuma Yowabu, ni malandza ya yena, ni Vaisraele hinkwavo, va ya hlasela tiko ra vana va Amoni, kutani va rhendzela Rhaba; kambe Davhida a sala eYerusalema.

Ezra 2:28

Vanhu va Betele ni va Ayi, 223.