Yeremiya 49:23 - Xitsonga (Bibele)

²³ “Hamata u khomisiwe tingana na Aripadi; hikuva va twile mhaka yo biha, va tsanile; i lwandle leri bobomaka, ri hluleka ku miyela.

BIBELE Mahungu Lamanene

²³ Ta Damaska hi leti. HOSI Xikwembu xi ri: “Vanhu va le Hamata ni va le Arpadi va hlangene tinhloko, hikuva va twile mahungu layo biha; va le ku chaveni, va ya hala ni hala kukota lwandle, a va na ku rhula.

Yeremiya 49:23 Referans Kwoze

Esaya 10:9

A ndzi ku: “Kalino a nga onhiwanga tanihi Karkemixi, na Hamata tanihi Aripadi, na Samariya tanihi Damaska xana?

2 TIHOSI 18:34

Swi kwihi swikwembu swa Hamata ni swa Aripadi? Swi kwihi swikwembu swa Sefari-Vhayimi, ni swa Hena, ni swa Ivha xana? Xana Samariya wu kutsuriwile evokweni ra mina-ke?

Esaya 57:20

Kambe lavo biha va fana ni lwandle leri kariheke, leri nga swi kotiki ku rhula, leri mati ya rona ma tlakusaka sava ni ndzhope;

Genesa 14:15

Kutani a pambula malandza ya yena ku ya lwa na tona nivusiku, a ti hlula, a ti tsutsumisa ku fikela eHoba, eximatsini xa Damaska.

Nahume 2:10

Ka byisiwa, ka phangiwa, ka onhiwa! Mbilu ya n'oka, matsolo ma gudlagudla, swisuti hinkwaswo swi khomiwe hi ku vaviseka, mimombo hinkwayo yi ondzile!

2 TIHOSI 19:13

Yi kwihi hosi ya Hamata, ni hosi ya Aripadi, ni hosi ya muti wa Sefari-Vhayimi, ni ya Hena ni ya Ivha xana?’ ”

Tinhlayo 13:21

Kutani va tlhandluka, va ya kamba tiko, va suka emananga ya Sini, va ya fika eRehobo, endleleni ya Hamata.

Genesa 15:2

Abrama a ku: “Hosi Yehovha, u ta ndzi nyika yini-ke? Ndza tifambela ndzi nga ri na vana, ni mudyandzhaka wa yindlu yanga, hi loyi Eliezere wa Damaska.”

2 Vakorinto 11:32

Siku ndzi nge Damaska, ndhuna ya hosi Areta a ndzi rindza emutini wa va Damaska, a rhandza ku ndzi khoma;

Timhaka 27:20

Kambe hikuva dyambu a ri nga vonaki hi masiku layo tala, hambi ti ri tinyeleti, kambe xihuhuri xi ri karhi xi chavisa, hi lahlekeriwa hi ku tshemba hinkwako ka ku pona.

Timhaka 9:2

a kombela eka yena mapapila lama tsaleriweke masinagoga ya Damaska leswaku kutakuloko a kuma van'wana va dyondzo yoleyo, hambi va ri vavanuna, kumbe vavasati, a va yisa eYerusalema, va bohiwile.

Amosi 6:2

“Yanani le Kaline, mi vona, loko mi suka kona, mi hundzela eHamata lonkulu, kutani mi ta rhelela le Gati wa Vafilista. Xana miti yoleyo yi sasekile ku tlula miti leyi ya n'wina xana? Kumbe tiko ra vona i rikulu eka tiko ra n'wina xana?

Esaya 37:13

Yi kwihi hosi ya Hamata, ni hosi ya Aripadi ni hosi ya muti wa Sefari-Vhayimi, ni ya Hena ni ya Ivha xana?’ ”

Esaya 13:7

Hikwalaho mavoko hinkwawo ma we nkorha, ku herile timbilu hinkwato ta vavanuna.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

2 TIKRONIKA 16:2

Kavaloko Asa a humesa silivhere ni nsuku exumeni xa yindlu ya Yehovha ni xa yindlu ya hosi, kutani a swi rhumela Bene-Hadada, hosi ya Siriya, la akeke eDamaska, a ku:

2 TIHOSI 17:24

Hosi ya Asiriya yi tisa vanhu va Babilona, ni va Kuta, ni va Avha, ni va Hamata, ni va Sefari-Vhayimi, yi va akisa emitini ya Samariya ematshan'weni ya vana va Israele, kutani va fuma tiko ra Samariya, va aka emitini ya rona.

1 TIHOSI 11:24

A tihlengeletela vanhu; kambe a a ri ndhuna ya vandla loko Davhida a dlaya nyimpi ya hosi ya yena kutani va ya eDamaska, va aka kona va fuma eDamaska.

2 SAMIELE 17:10

Kutani hambi la tiyeke ku tlurisa, ni lowa mbilu leyi kotisaka ya nghala, u ta chava; hikuva Vaisraele hinkwavo va tiva leswaku tata wa wena i wanuna wa matimba ni leswaku u landziwa hi tinhenha.

2 SAMIELE 8:9

Kambe Toyi, hosi ya Hamata, a twa leswaku Davhida a a hlurile tinyimpi hinkwato ta Hadadi-Esere;

Yoxuwa 14:8

Vamakwerhu lava khandziyeke na mina a va tsema mihlana ya tiko, kambe mina ndzi landzele swinene Yehovha, Xikwembu xa mina.

Yoxuwa 2:11

Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Duteronoma 20:8

Tindhuna ti ta engeta ti vulavula ni tiko, ti ku: ‘I mani la chavaka la pfumalaka mbilu xana? A a fambe, a timukela eka rikwavo, leswaku timbilu ta vamakwavo ti nga tshuki ti nyuka kukotisa ya yena.’

Eksoda 15:15

Tihosana ta Edomu ta rhurhumela; Tinhenha ta Mowabu ti dlayiwa hi mapfalo; Vaaki hinkwavo va Kanana va khomiwa hi ku rhurhumela.

2 TIHOSI 5:12

Milambu ya Damaska, Abana na Paripari, a yi tluri mati hinkwawo ya tiko ra Israele xana? A ndzi nga swi koti ku ya hlamba kona, ndzi tenga xana?” Sweswo a tlhela a famba, a kariha.

Esaya 7:8

Hikuva nhloko ya Siriya i Damaska, kutani nhloko ya Damaska i Resini, kutani malembe ya 65, loko ma hundzile, Efrayimi a nga ka a nga ha hlayiwi exikarhi ka matiko.

Esaya 36:19

Swi kwihi swikwembu swa Hamata ni swa Aripadi? Swi kwihi swikwembu swa Sefari-Vhayimi? Xana Samariya wu kutsuriwile evokweni ra mina-ke?

Yeremiya 39:5

Kambe nyimpi ya Vakalediya yi va landza, yi kuma Sedekiyasi emananga ya Yeriko. Va n'wi khoma, va n'wi tisa eka Nebukadnetsara, hosi ya Babilona eRibila, etikweni ra Hamata a avanyisiwa kona.

Ezekiele 27:18

Va Damaska a va bindzula na wena, va xava mitirho ya tinxakaxaka hi vhinyo ya Heliboni, ni voya lebyo basa bya tinyimpfu.