Yeremiya 49:19 - Xitsonga (Bibele)

¹⁹ “Vona, kukota nghala, u huma eswihlahleni swa Yordani, u tlhandlukela evuakweni lebyo tiya; kan'we ndzi ta balekisa Edomu, a suka kona; kutani yeloyi ndzi n'wi hlawuleke, ndzi ta lerisa yena ehenhla ka byona. Hikuva i mani la kotaka mina? I mani la nga ndzi vitelaka ehubyeni? I mani, murisi la nga yimaka emahlweni ka mina?

BIBELE Mahungu Lamanene

¹⁹ “Hakunene ndzi ta hatla ndzi hangalasa va le Edomu, ku fana ni nghala leyi humaka exihlahleni xa Yordani, yi hangalasa tinyimpfu leti nga madyelweni ya rihlaza; kutani etikweni ra vona ndzi ta veka loyi ndzi n'wi rhandzaka. Xana i mani loyi a ringanaka na mina, ndzi lerisiwa hi mani xana? I murhangeri wihi la nga lwaka na mina ke?

Yeremiya 49:19 Referans Kwoze

Yeremiya 12:5

“Swi tsandza ni loko u siyisanile ni va milenge, kutani va ku karhatile; xana u nga siyisananisa ku yini ni va tihanci? Ni loko u nga chavi nchumu etikweni ra ku rhula, Xana eswihlahleni swa Yordani u nga endla yini?

Yeremiya 30:21

Hosi ya wena yi ta huma eka yena mufumi wa yena u ta huma exikarhi ka yena ndzi ta n'wi tshineta, kutani u ta ta eka mina; hikuva i mani la nga ta kanya mbilu leswaku a tshinelela ka mina, ku vula Yehovha.

Ntirho 41:10

A ku na nhenha leyi nga tiyaka mbilu ku yi pfuxa, Kambe i mani la nga yimaka emahlweni ka mina?

Ntirho 9:19

Loko ndzi tivitela matimba! U ri, hi mina wa matimba, Kumbe ku lulama! U ri, i mani la nga ta ndzi vitana ehubyeni?

Yoxuwa 3:15

Kuteloko vaprista lava rhwalaka areka va fika eYordani, ni loko mikondzo ya vona yi nghena ematini (kambe nambu wa Yordani wu tala, wu huma eribuwini hinkwako enkarhini hinkwawo wa ku tshovela),

Eksoda 15:11

“I mani la fanaka na wena, Yehovha, exikarhi ka swikwembu! I mani la kwetsimaka, la tengeke kukotisa wena, La fanelaka ku dzunisiwa hi tinsimu, U endle masingita!

Nhlavutelo 6:17

hikuva siku lerikulu ra ku kariha ka xona ri humelele, kutani i mani loyi a nga ri tiyelaka?”

Zakariya 11:3

Ku twakala swirilo swa varisi, hikuva ku tibombisa ka vona ku herisiwile ku twakala ku vuvula ka swinghalana hikuva ku tidzunisa ka Yordani ku herisiwile.

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Esaya 40:25

“Mi ta ndzi fanisa na mani leswaku ndzi fana na yena xana?” ku vula la hlawulekeke.

Pisalema 143:2

U nga tengisani na nandza wa wena! Hikuva a ku na munhu eka lava hanyaka, La nga kumiwaka a lulamile emahlweni ka wena.

Pisalema 89:8

Oho Yehovha, Xikwembu xa tinyimpi, i mani la fanaka, na wena hi matimba? Ku tshembeka ka wena ku ku rhendzela hi matlhelo hinkwawo.

Pisalema 89:6

Hikuva i mani, le tilweni, la nga tiringanisaka na Yehovha? Exikarhi ka vana va Xikwembu, i mani la fanaka na Yehovha?

Pisalema 76:7

Wena, wa chaveka! I mani la nga yimaka emahlweni ka wena, Loko vukari bya wena byi pfuka?

Ntirho 9:21

Hambi ndzi lulamile, a ndzi tivi mbilu ya mina, Ndzi phiriwa hi vutomi bya mina.

1 TIKRONIKA 12:15

Hi vona lava peleke Yordani hi n'hweti yo sungula loko wu halaka emabuweni ya wona, va hlongorisa hinkwavo vaaki va mikova, evuxeni ni le vupeladyambu.

Tinhlayo 16:5

Kutani a byela Kora ni vandla ra yena, a ku: “Mundzuku Yehovha u ta tivisa loyi a nga wa yena, ni la hlawuriweke ku tshinela ekusuhi na yena; kutani loyi Yehovha a nga ta n'wi hlawula, u ta n'wi tshinetela eka yena.

Esaya 46:9

Tsundzukani swilo leswi humeleleke khale; hikuva hi mina Xikwembu, a ku na xin'wana; ndzi Xikwembu, kutani a ku na loyi a fanaka na mina.

2 TIKRONIKA 20:6

kutani a ku: “Oho! Yehovha, Xikwembu xa vatata wa hina, a hi wena Xikwembu xa matilo, ni mufumi wa matiko hinkwawo xana? Evokweni ra wena ku ni matimba ni ntamu, a ku na munhu la tivaka ku lwa na wena.

Pisalema 76:8

Hi le henhla etilweni, u tivisile ku avanyisa ka wena, Kutani misava yi miyele hi ku chava,

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Daniele 7:4

Lexo sungula a xi fana ni nghala, xi ri ni timpapa ta gama. Kutani ndzi languta ku fika loko timpapa ti hluviwa, kutani xi tlakusiwa ehansi, xi yimisiwa hi milenge ya xona kukotisa munhu, kutani xi nyikiwa mbilu ya munhu.