Yeremiya 49:16 - Xitsonga (Bibele)

¹⁶ Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

BIBELE Mahungu Lamanene

¹⁶ Ndlela leyi vanhu va ku chavaka ha yona, ni leswi mbilu ya wena yi ku byelaka swona, swa ku lahla. U tshama emakocokocweni, etinhlohlorhini ta tintshava, kambe hambi u nga tiakela xisaka kwale henhla ku fana ni gama, mina HOSI ndzi ta ku hawula!

Yeremiya 49:16 Referans Kwoze

Amosi 9:2

Hambi va nga boxa xivandla xa vafi va chavela kona, na kona voko ra mina ri ta va humesa; ni loko va nga tlhandlukela etilweni ndzi ta va xikisa kona.

Esaya 49:25

“Ina,” ku vula Yehovha, “leswi khomiweke hi munhu wa matimba, na swona swi ta tshunxiwa, ni leswi phangiweke hi munhu wa vukari swi ta vutleriwa yena! Mina, ndzi ta lwa ni valala va wena, ndzi ta ponisa vana va wena ndzi ri mina.

Ntirho 39:27

Xana i ku lerisa ka wena loko gama ri tlhandluka, Ri ya aka xisaka xa rona emaninginingini xana?

Swivuriso 29:23

Ku tikukumuxa ka munhu ka n'wi tsongahata, Kambe wa mbilu yo titsongahata u ta fikela eku vonakaleni.

Swivuriso 16:18

Ku tikurisa ku rhangela ku lova, Ku tidzunisa ku rhangela ku wa.

Esaya 2:21

loko va balekela emabakweni ya tintshava ni le tinfeni ta maribye, emahlweni ka Xikwembu lexi chavisaka ni vukulukumba bya xona lebyi vangamaka loko xi ta yima ku ta chavisa misava.

Risimu ra Tinsimu 2:14

Tuva ra mina, leri nga emipatseni ya maribye, Ni le mabakweni ya mawa, ndzi kombise mombo wa wena, a ndzi twe rito ra wena; Hikuva ra nandziha rito ra wena, ni mombo wa wena wu sasekile.

Swivuriso 18:21

Ku fa ni ku hanya swi kota hi ririmi, Lava ri rhandzaka va ta dya mihandzu ya rona.

2 TIHOSI 14:7

A dlaya vavanuna va 10 000 Vaedomu enkoveni wa Munyu, enyimpini yoleyo a teka Sela, a wu thya Yokitele; wu hlayisile vito leri ku fika namuntlha.

Esaya 10:14

Voko ra mina ri tshumbile xuma xa matiko kukotisa leswi nga exisakeni xa tinyanyana, tanihi leswi ku oleriwaka mandza lama tshikiweke ndzi tihlengeletele misava hinkwayo hi sweswo. A ku na la bubumeleke hi timpiko, ni la ahlamiseke nomu, ni la rileke.”

Yeremiya 49:15

Hikuva vonani, ndzi ta ku endla lontsongo exikarhi ka matiko, ni la sandziwaka exikarhi ka vanhu.

Yeremiya 50:29

“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.

Yeremiya 51:53

Loko ngi Babilona a nga titlakusa etilweni, a va a nonon'hwisa khokholo leri tlakukeke ra yena, vaonhi lava humaka eka mina va ta n'wi kuma, ku vula Yehovha.

Habakuku 2:9

U ni khombo la fuwelaka yindlu ya yena rifuwo lero biha, la vekaka vuako bya yena ehenhla, leswaku a tisirheleta khombo!

Malakiya 1:3

A ndzi ku: “Esawu a a ri makwa Yakobo!” ku vula Yehovha: “kutani, ndzi rhandze Yakobo, kasi Esawu, yena, ndzi n'wi vengile; ndzi onhe tintshava ta yena, ni ndzhaka ya yena ndzi yi nyike timhungubye ta mananga.”

Yeremiya 48:14

Mi nga vurisa ku yini, mi ku: ‘Hi tinhenha, hi hlomile ku huma nyimpi’?