Yeremiya 48:9 - Xitsonga (Bibele)

⁹ Nyikani Mowabu timpapa, leswaku a haha, a suka! Miti ya yena yi ta herisiwa, ku ta pfumala ni muaki eka yona.

BIBELE Mahungu Lamanene

⁹ Celani sirha ra tiko ra Mowabu, hikuva tiko leri ra herisiwa: Miti ya rona yi ta hundzuka marhumbi, a ku nga ha tshami munhu eka yona.

Yeremiya 48:9 Referans Kwoze

Yeremiya 48:28

Sukelani miti ya n'wina, mi aka emaribyeni, n'wina vaaki va Mowabu, kutani mi kotisa matuva lama tiakelaka enon'wini wa bako!

Esaya 16:2

Tanihi tinyanyana leti hahaka hinkwako, tanihi mavondlo ya tona lama humesiweke exisakeni, vanhwanyana va Mowabu va ta va tano emahlalukweni ya Arinoni.

Pisalema 11:1

Ndzi tshembile Yehovha; Xana mi nga vurisa ku yini eka moya wa mina: “Tsutsumela etintshaveni ta n'wina tani hi nyanyana”?

Nhlavutelo 12:14

Kutani wansati a nyikiwa timpapa timbirhi ta gama lerikulu, leswaku a hahela emananga exivandleni xa yena, laha a phameriwaka kona hi nkarhi wun'we, ni mikarhi mimbirhi, ni hafu ya nkarhi, a ri ekule ni nyoka.

Sofoniya 2:9

Hikwalaho, Yehovha wa mavandla, Xikwembu xa Israele, u ri: “Ndza hanya, ndzi ri, Mowabu u ta kotisa Sodoma, vana va Amoni va kotisa Gomora, yi nga ndzhaka ya mitwa, ni migodi ya munyu, ni mananga hilaha ku nga heriki; nsalo wa tiko ra mina wu ta va phanga, ni lava seleke va tiko ra mina va ta va fuma hi mukhuva wa ndzhaka.”

Yeremiya 46:19

U tilunghisele nhundzu ya ku ya eku bohiweni, wena muaki, n'wana wa wansati wa Egipta! Hikuva Nofu u ta endliwa swahava, a hundzuka mananga, a va a pfumala muaki.

Pisalema 55:6

Hi laha-ke ndzi nge: “Aa! Ingi loko ndzi ri ni timpapa ta tuva, A ndzi ta haha ndzi ya wisa kun'wana;

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.