Yeremiya 48:46 - Xitsonga (Bibele)

⁴⁶ U ni khombo wena Mowabu, tiko ra Kemoxi ri herile, hikuva vana va wena va xinuna va yisiwa eku bohiweni, ni vana va wena va xisati va yisiwa eku khotsiweni.

BIBELE Mahungu Lamanene

⁴⁶ N'wina Vamowabu mi le khombyeni, hikuva Kemoxi xikwembu xa n'wina xi mi tshikile mi lova; vana va n'wina va xinuna ni va xisati, xi va tshikile va khomiwa va yisiwa evuhlongeni.

Yeremiya 48:46 Referans Kwoze

Tinhlayo 21:29

Khombo ri na wena Mowabu! U lovile, tiko ra Kemoxi! Ri nyiketile vana va rona eku balekeni, Ni vanhwanyana va rona va va makhumbi ya Sihoni, hosi ya Vaamori.

Yeremiya 48:13

Mowabu u ta khomisiwa tingana hi Kemoxi, kukota loko yindlu ya Israele yi tshama yi khomisiwa tingana hi Betele, ku tshemba ka vona.

Yeremiya 48:7

“Hikuva loko u titshembele mitirho ya wena, ni vukosi bya wena, na wena, u ta byisiwa, kutani Kemoxi u ta yisiwa eku bohiweni swin'we ni vaprista va yena ni vakulukumba va yena.

1 TIHOSI 11:7

Kavaloko Solomoni a akela Kemoxi manyala ya Mowabu, na Moloko, manyala ya vana va Amoni, xivandla lexi tlakukeke entshaveni leyi langutanaka na Yerusalema.

Vaavanyisi 11:24

Xana u nga ka u nga fumi leswi Kemoxi, xikwembu xa wena, xi ku fumisaka swona xana? Na hina hi kuma tiko ra hinkwavo lava Yehovha, Xikwembu xa hina, xi va hlongoriseke emahlweni ka hina.

2 TIHOSI 23:13

A nyamisa ni switsunga leswi langutaneke na Yerusalema evokweni ra ximatsi ra ntshava ya ku Lova, leswi Solomoni, hosi ya Israele, a swi akeleke Astarte, ma nga manyala ya Vasidoni, na Kemoxi, manyala ya Vamowabu, na Milikomo, manyala ya vana va Amoni.

Esaya 16:2

Tanihi tinyanyana leti hahaka hinkwako, tanihi mavondlo ya tona lama humesiweke exisakeni, vanhwanyana va Mowabu va ta va tano emahlalukweni ya Arinoni.