Yeremiya 48:36 - Xitsonga (Bibele)

³⁶ “Hikwalaho mbilu ya mina yi rila kukota tinanga hikwalaho ka Mowabu; mbilu ya mina yi rila kukota tinanga hikwalaho ka vanhu va Kiri-Herexe, hikuva leswi hlengeletiweke hi vona, swi lovile.

BIBELE Mahungu Lamanene

³⁶ Hikokwalaho ndzi rilela tiko ra Mowabu ni vanhu va le Kiri-Herese; mpfumawulo wa kona wu fana ni wa xitiringo, hikuva xuma lexi a va xi hlengeletile, xi lovele makumu.

Yeremiya 48:36 Referans Kwoze

Esaya 15:7

Hikwalaho leswi seleke, ni timbuva ta vona, va swi yisa entsungeni wa nambu wa nsekeseke.

Esaya 16:11

Hikwalaho marhumbu ya mina ma pfuma ehenhla ka Mowabu, tanihi xitendze, ni mbilu yanga yi endlisa sweswo ehenhla ka Kiri-Herexe.

Esaya 15:5

Mbilu ya mina yi rilela Mowabu; vabaleki va yena va fika eSowara ni le Egilata-Xelixiya; hikuva va tlhandlukela va ri karhi va rila entsungeni wa Luhiti; endleleni ya Horonayimi va ba mikosi.

Yeremiya 17:11

Loyi a hlengeletaka rifuwo hi mukhuva lowu nga lulamangiki, i n'hwari leyi fukamelaka leswi nga tshikeriwangiki hi yona; exikarhi ka masiku ya yena u ta swi tshika, kutani eku heleni ka yena, u ta va xihunguki.

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Esaya 63:15

Languta u ri ematilweni, u vona u le ndlwini ya wena leyo kwetsima, leyo twala: Ku chivirika ka wena ku kwihi ni matimba ya wena? Ku tshuka ka marhumbu ya wena, ni tintswalo ta wena a swa ha tirhi ka mina.

Swivuriso 18:11

Rifuwo ra mufuwi i khokholo ra yena, Eku anakanyeni ka yena, i rirhangu ra xichavelo.

Swivuriso 13:22

Munhu lonene u siyela vatukulu ndzhaka, Kambe rifuwo ra mudyohi ri siyeriwa la lulameke.

Swivuriso 11:4

Rifuwo a ri pfuni nchumu esikwini ra vukari, Kambe ku lulama ku lwela munhu eku feni.

2 TIHOSI 3:25

Va mbundzuxa miti, kutani wanuna un'wana ni un'wana a hoxa ribye ra yena emasin'wini hinkwawo layo saseka, va ma tata, va siva swihlovo hinkwaswo swa mati, va tsema ni mirhi hinkwayo leyo saseka; lava hoxaka hi swipelupelu va rhendzela Kiri-Harasete, va wu hlasela, va tshika maribye ntsena eka wona.

Yeremiya 48:31

Hikwalaho ndzi rilela Mowabu, ndzi rilela Mowabu hinkwaro; ka ririwa hikwalaho ka vanhu va Kiri-Herexe.