Yeremiya 48:27 - Xitsonga (Bibele)

²⁷ Xana a ku endlanga Israele xisandzu xa wena xana? A lo khomiwa hi vukhamba leswi u n'wi nikinelaka nhloko loko u vulavula ta yena xana?

BIBELE Mahungu Lamanene

²⁷ N'wina va le Mowabu, tsundzukani hilaha mi hlekuleke Vaisraele hakona: Loko mi kanela ta vona, a mi hlakahla tinhloko, onge hi loko mi vulavula hi ta swigevenga!

Yeremiya 48:27 Referans Kwoze

Yeremiya 2:26

“Hilaha khamba ri khomisiwaka tingana loko ri khomiwa, yindlu ya Israele yi ta khomisiwa tingana hi mukhuva wolowo, yona ni tihosi ta yona ni vakulukumba va yona, ni vaprista va yona, ni vaprofeta va yona;

Sofoniya 2:8

“Ndzi twile ku sandza ka Mowabu ni tinhlambha ta vana va Amoni lava sandzeke tiko ra mina, va tikurisa hi le ndzilakaneni wa vona.”

Ezekiele 25:8

“Hosi Yehovha u ri: Leswi Mowabu na Seyira va nga te: Vonani, yindlu ya Yuda yi fana ni matiko hinkwawo;

Matewu 27:38

Swidyohi swimbirhi swi vambiwe na yena, xin'wana evokweni ra xinene, xin'wana eka lera ximatsi.

Matewu 26:55

Enkarhini wolowo. Yesu a ku eka vunyingi: “Mi humile ku ta ndzi khoma, mi ri ni timpanga ni tinhonga, kukotisa loko ndzi ri khamba, a ndzi ri karhi ndzi tshama na n'wina hi masiku, ndzi dyondzisa etempeleni, a mi ndzi khomanga.

Matewu 7:2

hikuva mi ta avanyisiwa hi ku avanyisa loku mi avanyisaka van'wana hakona; kutani mpimo lowu mi pimaka van'wana ha wona, mi ta pimiwa ha wona, na n'wina.

Sofoniya 2:10

Leswo swi ta va humelela hikwalaho ka ku tikukumuxa ka vona; hikuva va sandzile, kutani va tikukumuxela ehenhla ka tiko ra Yehovha wa mavandla.

Ezekiele 36:4

hikwalaho ka swona, tintshava ta Israele, yingisani rito ra Hosi: Hosi Yehovha u vulavula sweswo eka tintshava ni switsunga, eka mikova ni swinkobyana, eka marhumbi ya mananga, ni ka miti yo siyeriwa hi vanhu, leyi phangiweke ni ku thyathyaseriwa hi lava seleke va matiko ya le matlhelweni;

Ezekiele 36:2

Hosi Yehovha u vulavula sweswo, a ku: Leswi nala a vuleke ha n'wina, a ku: ‘Ha! Ha! Tintshava leti, leta khale, hi ti fumile kutani!’

Ezekiele 35:15

Kukotisa loko u tsakele rifu ra yindlu ya Israele, hilaha ingi ri onhake hakona, ndzi ta ku endla sweswo; u ta va mananga wena ntshava ya Seyira, ni tiko ra Edomu hinkwaro; va ta tiva leswaku hi mina Yehovha.

Yeremiya 18:16

kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

Pisalema 79:4

Hi hundzukile xisandzu eka lava akisaneke na hina, Ku tlanga, ni xihlekiso xa lava nga ematlhelweni.

Pisalema 44:13

U endle ha hina xilo xa ku soriwa eka lava akeke na hina, Hi vungunyiwa ni ku hlekiwa hi lava hi rhendzelaka exikarhi;

Ntirho 16:4

Na mina a ndzi ta vulavula kukotisa n'wina, Loko ngi mi ri exitshan'weni xa mina, A ndzi ta luka timhaka ehenhla ka n'wina, Ndzi nonon'hwisa nhloko eka n'wina,

Pisalema 64:8

Tindzimi ta vona ti va wisa ehansi, Hinkwavo lava va vonaka va ninginisa tinhloko.

Swirilo 1:7

Emasikwini ya mahlomulo ni ya ku onhaka ka yena, Yerusalema, u tsundzuka swilo swa yena hinkwaswo leswi rhandzekaka, leswi ngi a ri na swona emikarhini yo rhanga. U swi tsundzuka sweswi loko tiko ra yena ri wele emavokweni ya valala, Ku nga ri na loyi a n'wi pfunaka; Valala va n'wi vona, kutani va hlekela ku onhaka ka yena.

Swirilo 1:12

“Xana a hi nchumu eka n'wina hinkwenu lava mi fambaka endleleni! Tsundzukani, mi vona loko ku vaviseka ku ri kona loku fanaka ni loku ndzi humeleleke, Loku Yehovha a nga ndzi vavisa hakona Esikwini ra vukari lebyi pfurhaka bya yena.