Biblia Todo Logo
Bib sou entènèt

- Piblisite -




Yeremiya 48:26 - Xitsonga (Bibele)

26 “N'wi pyopyiseni, hikuva u tiarisele Yehovha! Mowabu u ta puluvundza emahlanteni ya yena, kutani u ta endliwa xisandzu.

Gade chapit la Kopi

BIBELE Mahungu Lamanene

26 Leswi tiko ra Mowabu ri tikurisaka ri lwa na HOSI Xikwembu, ri fanele ku nwisiwa vhinyo, ri ko ri khuguka ri wela emahlanteni ya rona, kutani ri hundzuka xihlekiso na rona.

Gade chapit la Kopi




Yeremiya 48:26
37 Referans Kwoze  

Kutakuloko va kufumela, ndzi ta va endlela nkhuvo, ndzi va pyopyisa, leswaku va ta tshuka, va kondza va ya etlela vurhongo lebyi nga heriki, va nga ha tlheli va pfuka, ku vula Yehovha.


Mowabu u ta herisiwa, a nga ha endli tiko hikuva u tiarisile eka Yehovha.


Yimani, mi hlamala! Tisiveni mahlo, mi swinya! Va pyopyiwile, ku nga ri hi vhinyo; va tsekatseka, ku nga ri hi ku hlula hi byalwa.


Yehovha u va chele moya wa sululwana, va dedelekisa Egipta eswilweni hinkwaswo leswi a swi endlaka hilaha xipyopyi xi dedelekaka loko xi hlanta.


Kambe u tikurisile emahlweni ka Hosi ya matilo; ku tisiwile emahlweni ka wena mindzheko ya yindlu ya yena; kutani wena, ni tindhuna ta wena, ni vasati va wena, ni swigangu swa wena, mi nwile vhinyo emindzekweni yoleyo, kutani u dzunisile swikwembu swa silivhere, ni swa nsuku, ni swa koporo, ni swa nsimbhi ni swa mitsandze, ni swa maribye, leswi nga riki na ku vona, ni ku yingisa, ni ku tiva; kasi Xikwembu lexi nga fumbarhela ku hefemula ka wena, ni mitila hinkwayo ya wena evokweni ra xona, a ku xi dzunisanga.


Tsaka, u tsakisisa, nhwanyana wa Edomu, La akeke etikweni ra Usi! Xinwelo xi ta fika ni le ka wena; Na wena u ta pyopya, u va u hluvula tinguvu.


Babilona a wu ri ndzheko wa nsuku evokweni ra Yehovha, lowu phyophyisaka matiko hinkwawo; matiko ma tshama ma nwa vhinyo ya yena; hikwalaho matiko ma ve ni rihuhu.


U tshovisiwe ku yini! Kololani! Mowabu u fularhele a ri ni tingana! Mowabu u sandziwile a va a chaviwa hi hinkwavo lava n'wi rhendzelaka exikarhi.”


Kutani Faro a ku: “Yehovha i mani leswaku ndzi yingisa rito ra yena, ndzi tshika Israele a famba? Yehovha a ndzi n'wi tivi, na Israele ndzi nga ka ndzi nga n'wi tshiki a famba.”


Muti lowukulu wu avanyisiwa hi matlhelo manharhu; kutani miti ya matiko yi hirimuka; kambe Xikwembu xi anakanya Babilona lowukulu ku wu nwisa xinwelo xa vhinyo ya vukari lebyi hisaka bya xona.


la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.


U tixurhise tingana ematshan'weni ya ku kwetsima; n'wana u ri wena, u ta kombisa vukhuna bya wena. Xi ta tlhelela eka wena, xinwelo lexi nga evokweni ra xinene ra Yehovha, kutani mahlanta ya tingana ma ta va kona ehenhla ka ku kwetsima ka wena.


Na wena, u ta pyopya, u va u tifihla; na wena, u ta va u lava xichavelo ku tisirheleta eka valala.


“Kutani hosi yi ta endla hilaha yi rhandzaka hakona, yi ta tikurisa, yi titlakusa ehenhla ka swikwembu hinkwaswo, kutani yi ta hleva Xikwembu xa swikwembu hi swisandzu leswi hlamarisaka, yi ta khuluka ku ko ku fika ku hetisekeni ka vukari, hikuva lexi lerisiweke xi ta endlakala.


U ndzi xurhisile leswo bava, U ndzi pyopyisile hi nkaka.


“Va ndzi twile loko ndzi ri karhi ndzi hefemuteka, ku hava loyi a nga ndzi chavelelaka! Valala va mina hinkwavo va twile khombo ra mina, Kutani va tsakela leswi u swi endleke; Va ta fana na mina siku leri u nga ta humelerisa mhaka leyi u yi vekeke.


Ndzi pyopyisa tihosana ta yena, ni tintlhari ta yena, ni tindhuna ta yena, ni vafumi va yena, ni tinhenha ta yena; va ta etlela vurhongo lebyi nga heriki, kutani va nga ha ti tshama va pfuka, ku vula Hosi; Yehovha wa tinyimpi, i vito ra yena.


Ndzi pyanyaterile matiko evukarini bya mina, ndzi va pyopyisile eku kariheni ka mina, ndzi halatile ngati ya vona emisaveni.”


Pfuka, pfuka, Yerusalema, la nweke evokweni ra Yehovha ndzheko wa vukari bya yena, la nweke, a va a heta ndzheko wa ku pyopyisa!


Xana xihloka xi nga tidzunisa eka la tsemaka ha xona, ni saha yi nga tikurisa eka la sahaka ha yona xana? Kukotisa leswo nge nkhavi wu nga tsekatsekisa voko ra loyi a wu yimiseke, ni loko nhonga yi nga tlakusa loyi a nga riki murhi!


Hikuva ku ni ndzheko evokweni ra Yehovha, Lowu ku vilaka eka wona, vhinyo leyi teleke leswi pfanganyetiweke. Kutani yena wa chela ha wona; kunene lavo biha hinkwavo va misava, Va ta tswontswa, va nwa, va ko va heta.


U kombisile tiko ra wena swilo leswo nonon'hwa; U hi nwise vhinyo leyi pyopyisaka.


Kambe wena Yehovha, wa va hleka, U hleka matiko hinkwawo.


Loyi a tshameke ematilweni wa va hleka; Hosi yi va sandza.


Vutlhari ni matimba hinkwawo swi na xona: I mani la nga kanetanaka na xona, a vuya a hanya?


Loko u tikurisa ehenhla ka tiko ra mina, u engeta u ala ku ri tshunxa,


Matafula hinkwawo ma tele mahlanta ni thyaka, ku nga siyiwangiki ndhawu!


kutani ri leha ku ya fika emavandleni ya le tilweni, kutani ri wisela ehansi mavandla man'wana ya tinyeleti, ri ti kandziyela.


Hikuva u tshambulutile voko ra yena ku lwa na Xikwembu, U yeyisile Lowa matimba hinkwawo.


“Vitanani Babilona, vuvutelani hinkwavo lava copaka hi vurha; mi n'wi rhendzela ku nga poni nchumu; mi tlherisela eka yena hi ku endla ka yena, hinkwaswo leswi a swi endleke, n'wi endleni sweswo, hikuva u tiarisile eka Yehovha, Mukwetsimi wa Israele.


Swiv nou:

Piblisite


Piblisite