Yeremiya 48:2 - Xitsonga (Bibele)

² Ku kwetsima ka Mowabu a ka ha ri kona. Le Hexiboni, va anakanya swo biha hikwalaho ka yena, va ri: ‘Tanani hi n'wi herisa, a nga ha ti tshama a va tiko.’ Na wena, Mademeni, u ta dlawa; fumu ri ta ku fambela endzhaku.

BIBELE Mahungu Lamanene

² Ku dzuneka ka tiko ra Mowabu ku herile. Valala va endla makungu ya ku lwa na rona va ri le Hexiboni, va ku: ‘A hi yeni hi ya ri herisa, ri nga ha vi tiko!’ Na n'wina va le Mademeni, a mi nga ha vulavuli, hikuva tinyimpi ti ta mi landza hi le ndzhaku.

Yeremiya 48:2 Referans Kwoze

Yeremiya 31:36

“Loko milawu yoleyo yi nga hundzuka emahlweni ka mina, ku vula Yehovha, na rona rixaka ra Israele ri ta tshika ku va tiko emahlweni ka mina hilaha ku nga heriki.”

Esaya 16:14

Kambe sweswi Yehovha u vurisa sweswo, u ri: “Ku ta hundza malembe manharhu lama fanaka ni malembe ya mutirhi, kutani Mowabu swin'we ni ntshungu lowukulu wa yena, u ta tekeriwa ku vonakala ka yena, lexi nga ta sala xi ta va xilo lexitsanana, lexi nga ha riki nchumu.”

Tinhlayo 32:37

Vana va Rhuveni va aka Hexiboni, na Eleyale na Kiriyatayimi, na Nebo, na Baala-Meoni (mavito ya miti leyi ma hundzuluxiwile),

Yeremiya 49:3

Kololani Hexiboni! Hikuva Ayi wu onhiwile; huwelelani vana va Rhaba, mi ambala tinguvu to khwaxa; rilani, mi famba erirhangwini, hikuva Milikomo u ta yisiwa ekhotsweni swin'we ni vaprista ni tindhuna ta yena.

Yeremiya 48:45

“Vatsutsumi va yimile endzhutini wa Hexiboni; va karhele, kambe ndzilo wu hume eHexiboni, ni langavi ri hume exikarhi ka Sihoni; wu ya ematsheveni ya Mowabu ni le tinhlokweni ta vana va madzolonga.

Yeremiya 48:42

Mowabu u ta herisiwa, a nga ha endli tiko hikuva u tiarisile eka Yehovha.

Yeremiya 48:17

N'wina va le kusuhi na yena, hinkwenu, n'wi tweleni ku vaviseka: na n'wina hinkwenu lava tivaka vito ra yena, mi ku: ‘Yi tshovisiwile ku yini nhonga leyi ya matimba, nhonga ya vumbhurhi?’

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Yeremiya 33:24

“Xana a ku voni lexi tiko leri ri xi vulavulaka, loko va ku: ‘Tinxaka timbirhi leti Yehovha a nga ti hlawula u tlhele a ti tshika’? Va sandza tiko ra mina swonghasi, leswaku emahlweni ka vona, a ra ha ri tiko.”

Yeremiya 25:17

Kutani ndzi teka xinwelo evokweni ra Yehovha, ndzi nwisa matiko hinkwawo lawa Yehovha a ndzi rhumeleke eka wona.

Yeremiya 25:15

Hikuva Yehovha Xikwembu xa Israele, u ndzi byerile, a ku: “Teka xinwelo lexi xa vhinyo ya ku kariha xa le vokweni ra mina, u xi nwisa matiko hinkwawo lawa ndzi ku rhumeke eka wona,

Esaya 25:10

Hikuva voko ra Yehovha ri ta tlhandlekiwa ehenhla ka ntshava leyi; kambe Mowabu u ta kandziyeriwa laha a nga kona, tanihi mungu wa koro loko wu gandleteriwa endzhopeni wa vulongo;

Esaya 15:5

Mbilu ya mina yi rilela Mowabu; vabaleki va yena va fika eSowara ni le Egilata-Xelixiya; hikuva va tlhandlukela va ri karhi va rila entsungeni wa Luhiti; endleleni ya Horonayimi va ba mikosi.

Esaya 15:1

Hi vusiku lebyi Ara-Mowabu a weriweke hi byona, swi herile! Hi vusiku lebyi Kiri-Mowabu a weriweke hi byona u herile!

Yeremiya 49:37

Ndzi ta rhurhumerisa Elamu emahlweni ka lava nga valala eka yena, ni le mahlweni ka lava lavaka vutomi bya vona; ndzi ta va humesela khombo, ku nga ku kariha loku hisaka ka mina, ku vula Yehovha; kutani ndzi va landzelela hi mafumu, ndzi ko ndzi va herisa.