Yeremiya 48:17 - Xitsonga (Bibele)

¹⁷ N'wina va le kusuhi na yena, hinkwenu, n'wi tweleni ku vaviseka: na n'wina hinkwenu lava tivaka vito ra yena, mi ku: ‘Yi tshovisiwile ku yini nhonga leyi ya matimba, nhonga ya vumbhurhi?’

BIBELE Mahungu Lamanene

¹⁷ N'wina hinkwenu mi akelaneke na rona, na n'wina hinkwenu mi ri tivaka hi vito ra rona, ri tweleni vusiwana, mi ku: ‘Yo, vuhosi lebyo tiya lebyi, ni mfumo lowu wo saseka swonghasi, swi onheteriwile!’

Yeremiya 48:17 Referans Kwoze

Esaya 9:4

Hikuva mpingu lowu ngi ri wu rhwala, ni nkhavi lowu ngi wu ba makatla ya rona, ni nhonga ya muxanisi wa rona, u swi tshovile kukotisa esikwini ra Midiyani.

Yeremiya 48:39

U tshovisiwe ku yini! Kololani! Mowabu u fularhele a ri ni tingana! Mowabu u sandziwile a va a chaviwa hi hinkwavo lava n'wi rhendzelaka exikarhi.”

Esaya 16:8

Hikuva mitanga ya Hexiboni yi tshikiwile, na yona mitanga ya vhinya ya Sibima leyi ngi yi pyopyisa vini va matiko, leyi nga nava ku fikela eYazere, ni le kule emananga, leyi nga yisa mahluke ya yona entsungeni wa lwandle!

Esaya 10:5

Khombo eka Asiriya, nkhavi wa vukari bya mina! Nkhavi lowu ndzi wu vekaka evokweni ra yena, wu ta ndzi rihisela.

Pisalema 110:2

Yehovha u ta tshambuluta hi le Siyoni nhonga ya matimba ya wena: “Tlhoma ku fuma ka wena exikarhi ka valala va wena!”

Esaya 14:6

Yehovha u tshovile nhonga ya vabihi ni xigombo xa tihosi leti ngi ti ba matiko evukarini bya tona, hi ku ba loku nga heriki: leti nga xanisa matiko ti nga ma nyiki nkarhi!