Yeremiya 48:15 - Xitsonga (Bibele)

¹⁵ Mowabu u onhakile, miti ya yena yi tlhandluka wu ri musi; lavantshwa, lava hlawuriweke va yena va xikela eku dlayiweni, ku vula loyi vito ra yena a nga Yehovha wa tinyimpi.

BIBELE Mahungu Lamanene

¹⁵ Kasi tiko ra Mowabu ri ta hlaseriwa, valala va ta tlhandlukela emitini ya rona, kutani loko tinhenha ta Mowabu ti huma ku ya lwa na vona, ti ta dlayiwa hinkwato. Loyi a vulaka sweswo i Mufumi, vito ra yena i HOSI ya matimba hinkwawo.

Yeremiya 48:15 Referans Kwoze

Yeremiya 50:27

Tlhavani tinkunzi hinkwato ta vona ti xikiseleni eku dlaweni. Ku ni khombo vona hikuva ku tile siku ra vona, nkarhi wo holoveriwa ka vona.

Yeremiya 46:18

Ndza hanya, ku vula Hosi leyi, Yehovha wa tinyimpi ri nga vito ra yona, leswaku kukota Taboro a nga exikarhi ka tintshava, kukota leswi Karmele a nghenaka elwandle, wa ta.

Yeremiya 51:57

Ndzi pyopyisa tihosana ta yena, ni tintlhari ta yena, ni tindhuna ta yena, ni vafumi va yena, ni tinhenha ta yena; va ta etlela vurhongo lebyi nga heriki, kutani va nga ha ti tshama va pfuka, ku vula Hosi; Yehovha wa tinyimpi, i vito ra yena.

Malakiya 1:14

Kambe ku rhukaniwa muxisi, ku nga loko a hlambanya, a humesela Hosi xifuwo lexo biha, kasi lexa matsune xi kona entlhambini wa yena, hikuva ndzi Hosi leyikulu, ku vula Yehovha wa mavandla, kutani vito ra mina ri chaviwa exikarhi ka matiko.

Nhlavutelo 19:16

Kutani u ni vito leri tsariweke engubyeni ni le ndzhumbini wa yena, ri nge: Hosi ya tihosi, ni Mufumi wa vafumi.

Yakobo 5:4

Vonani, hakelo ya vatirhi lava tshoveleke masimu ya n'wina leyi va yi tsoniweke hi n'wina, ya huwelela, kutani ku huwelela ka vatshoveri ku fikile etindleveni ta Hosi ya tinyimpi.

Zakariya 14:9

Yehovha u ta va hosi ya misava hinkwayo hi siku rolero Yehovha u ta va un'we ni vito ra yena ri va rin'we.

Daniele 4:37

Sweswi, mina, Nebukadnetsara, ndza dzunisa, ndza vonga, ndza kurisa Hosi ya le matilweni hikuva mitirho ya yena i ya xiviri, ni tindlela ta yena i ku lulama, kutani u ni matimba ya ku tsongahata lava fambaka hi ku tikurisa.

Yeremiya 51:40

Ndzi ta va xikisela eku tlhaviweni kukota swinyimpfana, kukota swiphongo kun'we ni makhuna.

Yeremiya 48:4

Mowabu u tshovekile; tihuwa ta lavatsongo va yena ta twakala.

Pisalema 47:2

Hikuva Yehovha, La nge henhlahenhla, wa chaveka; Hi yena hosi leyikulu emisaveni hinkwayo.

Amosi 4:10

“Ndzi mi rhumele ntungu lowu fanaka ni wa le Egipta, ndzi dlayile majaha ya n'wina hi tlhari, tihanci ta n'wina ti phangiwa, ku nun'hwa loku humaka emixaxeni ya n'wina ndzi ku fikisile etinhompfini ta n'wina; hambiswiritano, a mi tlhelelanga eka mina,” ku vula Yehovha.

Yeremiya 50:34

Kambe mukutsuri wa vona u ni matimba, Yehovha wa tinyimpi i vito ra yena. Kunene, u ta va avanyisela ku nyika tiko ku wisa, kutani a pfilunganya vaaki va Babilona.