Yeremiya 48:14 - Xitsonga (Bibele)

¹⁴ Mi nga vurisa ku yini, mi ku: ‘Hi tinhenha, hi hlomile ku huma nyimpi’?

BIBELE Mahungu Lamanene

¹⁴ “N'wina vavanuna va Mowabu, mi nga vurisa ku yini mi ku: ‘Hi tinhenha hina, enyimpini a hi chavi nchumu!’

Yeremiya 48:14 Referans Kwoze

Pisalema 33:16

Hosi a yi ponisiwi hi nyimpi leyikulu, Nhenha a yi tshunxiwi hi matimba lamakulu

Esaya 10:16

Hikwalaho Hosi ya tinyimpi yi ta ondzisa swihontlovila swa Asiriya, kutani ehansi ka ku vangama ka yena ku ta pfukeka ku pfurha kukotisa ku pfurha ka ndzilo.

Esaya 10:13

hikuva u te: “Ndzi endlile sweswo hi matimba ya voko ra mina ni vutlhari bya mina, hikuva ndzi tlharihile! Ndzi tshinetile mindzilekana ya matiko, ndzi titshumbele xuma xa wona; tanihi nhenha, ndzi wisile lava tshameke eswiluvelweni!

Sofoniya 2:10

Leswo swi ta va humelela hikwalaho ka ku tikukumuxa ka vona; hikuva va sandzile, kutani va tikukumuxela ehenhla ka tiko ra Yehovha wa mavandla.

Ezekiele 30:6

“Yehovha u ri: Loko va ri lava tiyisaka Egipta, va ta wa, ku tikukumuxa ka kona loka matimba ku ta tsongahatiwa; ku suka eMigidolo ku fika eSeyene, vanhu va ta wa hi fumu, ku vula Hosi Yehovha.

Yeremiya 49:16

Ku tikukumuxa ka wena ni ku tikurisa ka mbilu ya wena, swi ku kanganyisile wena la akeke etinfeni ta maribye u tshamile etihlohlorhini ta switsunga, ni loko u nga aka yindlu ya wena ehenhla ngopfu, u kotisa gama, ndzi ta ku wisa kona, ku vula Yehovha.

Yeremiya 9:23

Yehovha u vurisile, a ku: “La nga ni vutlhari a nga tshuki a tidzunisa hi vutlhari bya yena, la nga ni matimba a nga tidzunisi hi matimba ya yena; na yena mufuwi a nga tidzunisi hi rifuwo ra yena;

Yeremiya 8:8

Mi nga vurisa ku yini leswaku: ‘Hi tlharihile hi ni nawu wa Yehovha?’ Hakunene peni ya vuhunguki bya vatsari yi hembile vunwa.

Esaya 16:6

Ha tiva ku tikukumuxa ka Mowabu la tiarisaka, ni manyunyu, ni ku tikurisa, ni xintsaka, ni ximonyo xa yena.

Eklesiasta 9:11

Ndzi tlherile kambe ndzi vona ehansi ka dyambu leswaku eku siyisaneni, switsutsumi a swi siyi van'wana hi masiku kumbe tinhenha a ti hluri hi masiku ni swakudya a hi swa lavo tlhariha hi masiku, ni rifuwo a hi ra lava nga ni ku twisisa hi masiku, ni ku fundziwa a hi ka tintlhari hi masiku, hikuva nkarhi ni khombo, i swa hinkwavo.

Pisalema 11:1

Ndzi tshembile Yehovha; Xana mi nga vurisa ku yini eka moya wa mina: “Tsutsumela etintshaveni ta n'wina tani hi nyanyana”?