Yeremiya 48:12 - Xitsonga (Bibele)

¹² Hikwalaho, vonani, masiku ma ta, ku vula Yehovha, lawa ndzi nga ta rhuma eka wona vahalati, va ta halata timbita ta yena, kutani va faya swikutsu swa yena.

BIBELE Mahungu Lamanene

¹² “Hikokwalaho, yingisani! Mina HOSI ndzi ri, ku nga ri khale ndzi ta rhuma vanhu va ya etikweni ra Mowabu, va ya chulula vhinyo ya rona va fayetela ni makhuwana ya kona.

Yeremiya 48:12 Referans Kwoze

Nahume 2:2

Hikuva Yehovha u ta tiyisa ku kwetsima ka Yakobo, ku nga ku kwetsima ka Israele; hikuva vaonhi va onhile va hetile marhavi ya vhinya ya vona.

Yeremiya 48:38

Etindlwini hinkwato ta Mowabu ni le mitsendzeleni hinkwayo ya yena va kolola; hikuva ndzi fayile Mowabu kukotisa mbita leyi sandziwaka, ku vula Yehovha.

Esaya 30:14

ku mbundzuka ka rona ku humelela kan'we, ri fayeka tanihi mbita ya vumba loko yi fayiwa ha vomu, leyi ku nga sariki xirhengele lexi munhu a nga okaka ndzilo ha xona, kumbe ku ka mati exihlobyeni ha xona.”

Pisalema 2:9

U ta ma tshova hi nhonga ya nsimbhi, U ta ma fayetela kukotisa mbita ya muvumbi.”

Yeremiya 48:15

Mowabu u onhakile, miti ya yena yi tlhandluka wu ri musi; lavantshwa, lava hlawuriweke va yena va xikela eku dlayiweni, ku vula loyi vito ra yena a nga Yehovha wa tinyimpi.

Yeremiya 48:11

“Mowabu a tshama a titsakela a ha ri evutsongwaneni bya yena, a a titshamela exisenseni xa yena, a nga halatiwanga, mbita yin'wana embiteni yin'wana, a nga si ya eku bohiweni; hikwalaho ku nun'hwa ka yena ku tshame ku va kona, ku twala ka yena a ku hundzukanga.

Yeremiya 48:8

Muonhi u ta nghena emutini wun'wana ni wun'wana, a ku na muti lowu nga ta pona; nkova wu ta lova, ni mananga ma ta onhiwa hilaha Yehovha a vuleke hakona.

Yeremiya 25:34

Kololani, n'wina varisi, mi huwelela, puluvundzani enkumeni, n'wina vini va ntlhambi, hikuva ku fikile masiku ya n'wina ya ku dlayiwa, kutani ndzi ta mi hangalasa, mi wa kukotisa swibya swa nxavo wa nkoka.

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Yeremiya 19:10

“Kwalaho u ta faya mbita emahlweni ka vanhu lava ngi va yile na wena,

Yeremiya 14:3

Vakulukumba exikarhi ka vona va rhuma lavatsongo ematini, kutani va ya emakheleni, kambe a va kumi mati, va tlhela, timbita ti nga ri na nchumu, va khomisiwa tingana, kutani va kanakana, va tifunengeta tinhloko.

Esaya 16:2

Tanihi tinyanyana leti hahaka hinkwako, tanihi mavondlo ya tona lama humesiweke exisakeni, vanhwanyana va Mowabu va ta va tano emahlalukweni ya Arinoni.

Yeremiya 48:13

Mowabu u ta khomisiwa tingana hi Kemoxi, kukota loko yindlu ya Israele yi tshama yi khomisiwa tingana hi Betele, ku tshemba ka vona.