Yeremiya 47:7 - Xitsonga (Bibele)

⁷ U ta wisisa ku yini? Yehovha u ri lerisile hikwalaho ka Axikeloni, ni ka ribuwu ra lwandle, laha a ri kongomiseke kona?”

BIBELE Mahungu Lamanene

⁷ Kambe banga ra kona ri nga wisisa ku yini xana? Hi mina HOSI ndzi ri leriseke ku ya ba Axikeloni ni lava akeke eribuweni ra lwandle; ndzi ri rhwexile ntirho etindhawini teto!”

Yeremiya 47:7 Referans Kwoze

Mikiya 6:9

Rito ra Yehovha ri huwelele muti; kutani la nga ni vutlhari u ta chava vito ra wena! “Yingisani nhonga ni loyi a yi leriseke.

Ezekiele 14:17

“Ni loko ngi ndzi tisa fumu ehenhla ka tiko, ndzi ku: Fumu ri ta tsemakanya etikweni ku lovisa vanhu swin'we ni swifuwo,

Esaya 10:6

Ndza n'wi rhuma ku ya lwa ni tiko lero homboloka, ndzi n'wi lerisa ku ya lwa ni tiko leri ndzi ri kariheleke, a ta tshumba swilo swa rona, a phanga xuma, a ri kandziyela tanihi ndzhope wa mitsendzele.

Amosi 3:6

Nanga loko yi yimbiwa emutini, xana vanhu a va tshuki hinkwavo xana? Xana khombo ri nga humelela emutini ri nga humesiwi hi Yehovha?

Ezekiele 25:16

hikwalaho, Hosi Yehovha u ri: Vonani, ndzi ta tshalambutela Vafilista voko ra mina, ndzi tsema Vakereti, ndzi lovisa lava seleke eribuwini ra lwandle.

Esaya 37:26

“ ‘A ku swi twangi hilaha ndzi lunghiseke hakona swilo leswi khale xana? Ndzi swi kanerile emasikwini ya khale ngopfu, sweswi ndza swi tshika, swi humelela leswaku u endla marhumbi hi miti ya makhokholo.

Esaya 13:3

Ndzi lerisile vahlawuriwa va mina, eku tirihiseleni ka mina ndzi vitanile tinhenha ta mina leti tsakelaka vukulukumba bya mina.

1 SAMIELE 15:3

Sweswi, famba u ya hlasela Amaleke, mi yirisa hinkwaswo leswi nga swa yena; u nga tshuki u n'wi tsetselela, kambe u ta dlaya vavanuna ni vavasati, ni vana ni swihlangi leswi an'waka ni tihomu ni tinyimpfu, ni tikamela ni timbhongolo.’ ”

Yeremiya 48:10

A ku rhukaniwe la nga ta endla ntirho wa Yehovha hi ku loloha; ku rhukaniwa la alelaka fumu ra yena ngati!

Ezekiele 21:30

“Loko u ri wena, hosana ya Israele, leyi nyameke, leyo biha, leyi siku ra wena ri fikaka enkarhini lowu swo biha swi hetisekeke ha wona!

Ezekiele 21:9

Leswi ndzi nga ta tsema lava lulameke ni lavo biha lava nga eka wena, hilaha ripanga ra mina ri nga ta huma enkotlotweni ku dlaya nyama hinkwayo, ku suka edzongeni ku fika en'walungwini.

Ezekiele 21:14

“N'wana wa munhu, profeta, u ku: Yehovha u vulavula, a ku: Fumu hi lero! Fumu hi lero! Ri lotiwile, ri vuya ri hatimisiwile.