Yeremiya 47:3 - Xitsonga (Bibele)

³ Vanhu va huwelela, ni vaaki hinkwavo va misava va kolola, hikwalaho ka mpfumawulo wa ku kandziya ka mikondzo ya tihanci ta yena ta matimba, ni ku tsutsuma ka tigolonyi ta yena, ni ku dzumadzuma ka masondzo ya tona, vatatana a va languti vana va vona, hikuva ku karhele mavoko.

BIBELE Mahungu Lamanene

³ Loko va twa huwa ya tihanci leti paletelaka ritshuri, ni vugedle-gedle bya makalichi ya nyimpi, ni vuntswikiri-ntswikiri bya mavhilwa ya kona, vavanuna va ta tsemeka nhlana hi ku chava, va rivala ni ku sirhelela vana va vona.

Yeremiya 47:3 Referans Kwoze

Yeremiya 8:16

Mpfumawulo wa tihanci ta yena wu twakala eDani, misava hinkwayo yi tsekatseka hi swirilo leswi chavisaka swa wona; va ta ku ta herisa tiko ni hinkwaswo leswi nga eka rona, ni miti, ni vaaki va yona;

Vaavanyisi 5:22

Enkarhini lowu masondzo ya tihanci ma vandza ehansi Hi ku tsutsuma, hi ku tsutsuma ka tinhenha ta vona.

Nahume 2:4

Tigolonyi ti tsutsuma hi matimba etindleleni; ti tsutsuma erivaleni; ti languteka tanihi swisa; ti hatima kukotisa rihati.

Yeremiya 46:9

Khandziyani tihanci! Tigolonyi, tsutsumani hi matsamba! Tinhenha a ti rhange emahlweni; Vakuxi ni Vaputu lava tamelaka switlhangu, ni Valudu lava khomaka mavurha!

Nhlavutelo 9:9

A ti ri ni swisirhelelo eswifuveni kukota swisirhelelo swa nhumbu, mpfumawulo wa timpapa ta tona a wu fana ni mpfumawulo wa tigolonyi ta tihanci leto tala, lama tsutsumelaka enyimpini.

Yeremiya 50:42

Va tamele mavurha ni mafumu, va kariha, a va tsetseleli munhu; rito ra vona ri pfuma kukota lwandle va khandziyile tihanci, va humile nyimpi kukota munhu a ri un'we la taka ku lwa na wena n'wana wa Babilona.

Ezekiele 23:24

Va ta eka wena hi matlhari, ni tigolonyi ni masondzo, ni vandla ra vanhu, hi switlhangu ni switlhangwana, ni swihuku swa nsimbhi, va ta ku rhendzela. Ndzi ta veka ku avanyisa emahlweni ka vona, va ku avanyisa hi mukhuva wa vona.

Nahume 2:8

Emikarhini ya khale Ninivha a kotisa mati lamanyingi ya tiva; kambe sweswi va tsutsuma, va ku: “Yimani, yimani,” kambe ku nga ri na loyi a langutaka endzhaku.

Esaya 5:28

Miseve ya vona ya kariha, mavurha ya vona ma kungiwile masondzo ya tihanci ta vona ma fana ni maribye, mavhilwa ya tigolonyi ta vona ma haha tanihi xidzedze.