Yeremiya 46:10 - Xitsonga (Bibele)

¹⁰ “Kambe siku rero eka Hosi, Yehovha wa tinyimpi, i siku ro rihisa, ku tirihisela eka valala va yena! Fumu ri ta dya, ri xurha, ri pyopyiwa hi ngati ya vona; hikuva ku ni magandzelo ya Hosi, Yehovha wa tinyimpi, emisaveni ya n'walungu, enambyeni wa Yufrata.

BIBELE Mahungu Lamanene

¹⁰ Siku leri i ra HOSI ya matimba hinkwawo N'wini wa hina, i siku ra yena ro rihiseta, a tirhihisela eka valala va yena. Matlhari ma ta tlhavetela vanhu ma kolwa, ma pyopyiwa hi ku nwa ngati ya vona. Hakunene, enambyeni wa Yufrata le n'walungwini, HOSI ya matimba hinkwawo N'wini wa hina ú endleriwa magandzelo ya ngati.

Yeremiya 46:10 Referans Kwoze

Duteronoma 32:42

Ndzi ta pyopyisa miseve ya mina hi ngati, Tlhari ra mina ri ta xurha hi nyama, Hi ngati ya lava tlhaviweke, ni ya vakhomiwa, Ni tinhloko ta tihosi ta valala.’

Yuwele 1:15

Hikuva siku ra Yehovha ri tshinele, ra ta kukota xirha xa Lowa matimba hinkwawo.

Yeremiya 46:2

Hikwalaho ka Egipta, ni ka nyimpi ya Faro Neko, hosi ya Egipta, loyi ngi a ri ekusuhi ni nambu wa Yufrata, eKarkemixi, loyi Nebukadnetsara, hosi ya Babilona a nga n'wi hlula, hi lembe ra vumune ra Yoyakimi, n'wana Yosiya, hosi ya Yuda.

Yeremiya 46:6

La nga ni matsambu a nga tsutsumi, ni tinhenha a ti nga phonyoki! Hi tlhelo ra n'walungu, eribuwini ra nambu wa Yufrata va rhurhumela, va wela kona.

Luka 21:22

Hikuva masiku walawo, i masiku ya ku rihisa, leswaku hinkwaswo leswi tsariweke swi hetiseka.

Yuwele 2:1

Yimbani timhalamhala eSiyoni, mi yimba tinanga entshaveni ya mina leyo kwetsima! Vaaki hinkwavo va tiko a va rhurhumele, hikuva siku ra Yehovha ra ta, ri fikile,

Yeremiya 51:6

Tsutsumani eBabilona, kutani un'wana ni un'wana a ponisa vutomi bya yena, leswaku mi nga lahleki hi ku homboloka ka yena, hikuva nkarhi wa ku rihisa ka Yehovha hi wona wolowo, u ta n'wi tlherisela hakelo.

Yeremiya 50:15

Phalalani hinkwako, mi n'wi rhendzela! U tlakuse mavoko ya yena; masungulo ya yena ma tsekatseka, rirhangu ra mbundzuka, hikuva ku rihisa ka Yehovha ku fikile; mi tirihisela eka yena, hilaha a nga mi endla hakona n'wi endleni sweswo.

Esaya 63:4

Hikuva siku ra ku tirihisela a ri ri kona embilwini ya mina, kutani lembe ra vakutsuriwa va mina ri fikile.

Esaya 13:6

Vovolani, hikuva siku ra Yehovha ri kusuki: ri ta tanihi ku onha loku rhumiweke hi Lowa matimba hinkwawo.

2 TIHOSI 24:7

Hosi ya Egipta a ya ha engetanga yi huma etikweni ra yona, hikuva hosi ya Babilona a yi tekile hinkwaswo leswi ngi swi ri swa hosi ya Egipta, ku suka exinambyaneni xa Egipta ku fika enambyeni wa Yufrata.

Esaya 61:2

ni ku vula lembe lerinene ra Yehovha, ni siku ra ku tirihisela ka Xikwembu xa hina ku chavelela hinkwavo lava vavisekaka;

Ntirho 24:1

“Mikarhi leyi vekiweke a yi hlayisiwi hi Lowa matimba hinkwawo xana? Lava n'wi chavaka a va tivi ha yini masiku ya yena xana?

Esaya 31:8

“Kutani Asiriya u ta herisiwa hi tlhari leri nga riki ra munhu, ni fumu leri nga riki ra munhu ri ta n'wi dya, a baleka emahlweni ka rona, kutani majaha ya yena ma ta endliwa makhumbi.

Yeremiya 12:12

Vaonhi va karhi va fika eswitsungeni hinkwaswo swa mananga, hikuva fumu ra Yehovha ri lovisa ku suka eku heteleleni hitlhelo rin'wana ra tiko, ku ya fika emakumu man'wana; a ku na nyama ni yin'we leyi nga ni ku rhula.

Yeremiya 46:14

“Tivisani Egipta, mi byela Migidolo; mi byela Nofu, na Tahapanese, mi ku: ‘Yima, u tilunghisa, hikuva fumu ri dya hi matlhelo ya wena.

Yeremiya 50:18

Hikwalaho, ku vula Yehovha wa tinyimpi, Xikwembu xa Israele: Vonani, ndzi ya holovela hosi ya Babilona, ni tiko ra yena, hilaha ndzi holoveleke hosi ya Asiriya hakona.

Ezekiele 21:28

Loko va ri vona, emahlweni ya vona, i ku bvumbha ka swahava; ndzi ri, eka vona lava hlambanyaka hi swihlambanyo; kambe yena u tsundzuxa vuhomboloki bya vona, leswaku va ta khomiwa.

Zakariya 6:6

Tihanci ta golonyi yin'wana, ti ri leta ntima, ti humela etikweni ra n'walungu, to basa ti landzela mitila ya tona; ta mavala ti humela etikweni ra le dzongeni,”

Esaya 2:12

Hikuva ku ni siku ra Yehovha wa tinyimpi, ra ku tsongahata hinkwaswo leswi tlakukeke, ni hinkwaswo leswi tikukumuxaka;