Yeremiya 45:5 - Xitsonga (Bibele)

⁵ Loko u ri wena xana u ta tilavela swilo leswikulu-ke? U nga tshuki u swi lava! Hikuva waswivo, ndzi ta tisela nyama hinkwayo makhombo, ku vula Yehovha; kambe ndzi ta ku nyika vutomi bya wena xi va xuma xa wena, hinkwako laha u nga ta ya kona.”

BIBELE Mahungu Lamanene

⁵ Kutani xana u navela ku kuma swilo leswikulu ku tlula van'wana xana? Tshika ku navela koloko, hikuva mina HOSI ndzi le ku tiseni ka makhombo ehenhla ka vanhu hinkwavo. Kambe wena, hinkwako laha u nga ta ya kona, u ta ponisa vutomi bya wena.’ ”

Yeremiya 45:5 Referans Kwoze

Yeremiya 39:18

Hikuva ndzi ta ku lamulela, u nga ka u nga wi hi fumu, kutani vutomi bya wena byi ta va ku phanga ka wena, hikuva u ndzi tshembile, ku vula Yehovha.’ ”

Vaheveru 13:5

Mikhuva ya n'wina yi nga tshuki yi va ya ku navela xuma, kambe mi kolwa hi leswi mi nga na swona, hikuva Xikwembu, hi xiviri xa xona, xi te: “Ndzi nga ka ndzi nga ku tshiki ndzi nga ka ndzi nga ku lahli.”

Yeremiya 21:9

La nga ta sala emutini lowo u ta fa hi matlhari, kumbe hi ndlala, kumbe hi ntungu; kambe la humaka ku ya tinyiketa eka Vakalediya lava mi siveleleke, u ta hanya; vutomi bya yena ku ta va lexi a xi phangaka.

Varhoma 12:16

Mi namarhelana kun'we hi mbilu yin'we; mi nga tshuki mi navela leswi tlakukeke, kambe xaxamelani ni lava titsongahataka; mi nga tivoni lavo tlhariha.

Yeremiya 25:26

ni tihosi hinkwato ta n'walungu, leti nga ekusuhi, ni ta le kule, un'wana ni un'wana, ni ku fuma hinkwako ka misava eku anameni ka yona, kutani hosi ya Xexaka (Babilona) yi ta nwa endzhaku ka vona.

Sofoniya 3:8

“Hikwalaho, ndzi languteleni,” ku vula Yehovha, “esikwini lero ndzi nga ta yima ha rona ku phanga, hikuva ndzi kanerile ku hlengeleta matiko ni ku hlanganisa ku fuma, ndzi ta chela ehenhla ka wona vukari bya mina, ni ku pfurha hinkwako ka vukari bya mina; hikuva misava hinkwayo yi ta hisiwa hi ndzilo wa rilondzo ra mina.

Yeremiya 38:2

“Ku vula Yehovha: La salaka emutini lowo u ta fa hi matlhari, kumbe hi ndlala kumbe hi ntungu, kambe la humelaka eka Vakalediya u ta hanya, vutomi bya yena byi ta va ku phanga ka yena a tshama a hanya.

2 TIHOSI 5:26

Kambe Elixa a ku eka yena: “Xana moya wa mina a wu yanga kona loko munhu loyi a xika egolonyini ya yena ku ta hlangana na wena xana? Xana hi nkarhi wa ku teka mali, ni tinguvu ni mitlhwari, ni tivhinya, ni swifuwo leswitsongo ni leswikulu, ni malandza ya xinuna ni ya xisati xana?

Genesa 6:12

Xikwembu xi languta misava, kutani maswivo, a yi onhakile, hikuva nyama yin'wana ni yin'wana a yi onhile ndlela ya yona emisaveni.

Esaya 66:16

Hikuva Yehovha u yimisa ku lulama ka yena hi ndzilo, u laya nyama hinkwayo hi tlhari kutani lava Yehovha a nga ta va dlaya, va ta tala ngopfu.

1 TIHOSI 3:9

loko swi ri tano, nyika nandza wa wena mbilu ya ku tiva ku avanyisa tiko ra wena ni ku hlawula leswo saseka eka leswo biha! Hikuva i mani la nga tivaka ku avanyisa tiko leri teleke leronghasi, leri nga ra wena?”

1 TIHOSI 3:11

Kutani Xikwembu xi ku eka yena: “Leswi u kombeleke swona, u nga tikombelelanga masiku layo tala, hambi rifuwo, hambi vutomi bya valala va wena, kambe u tikombelele ku twisisa ku yingisisa leswo lulama;

Pisalema 131:1

Yehovha! Mbilu ya mina a yi kukumukanga, Ni mahlo ya mina a ma tlakukanga; A ndzi yangi etimhakeni letikulu, leti ndzi tlulaka hi vukulu.

Yeremiya 25:31

Mpfumawulo wu ta fika emakun'wini ya misava, hikuva Yehovha u ni mitengo ni matiko, u tenga ni hinkwavo valavo yi nga nyama; u ta nyika lavo biha fumu, ku vula Yehovha.’

Yeremiya 25:15

Hikuva Yehovha Xikwembu xa Israele, u ndzi byerile, a ku: “Teka xinwelo lexi xa vhinyo ya ku kariha xa le vokweni ra mina, u xi nwisa matiko hinkwawo lawa ndzi ku rhumeke eka wona,

Yeremiya 25:16

leswaku ma ta nwa, ma tsekatseka, ma hlanya emahlweni ka matlhari lawa ndzi ma rhumelaka exikarhi ka wona.”