Yeremiya 45:4 - Xitsonga (Bibele)

⁴ U ku eka yena: Ku vula Yehovha, a ku: Waswivo, leswi ndzi swi akeke ndzi ta swi mbundzuxa, ni leswi ndzi swi byaleke, ndzi ta swi tsuvula; swi tano emisaveni hinkwayo.

BIBELE Mahungu Lamanene

⁴ Kambe HOSI Xikwembu xi ndzi lerisile ku ku tivisa marito ya xona lama nge: ‘Yingisa! Ndzi faya leswi ndzi swi akeke; leswi ndzi swi byaleke, ndza swi tsuvula; ndzi endlisa sweswo emisaveni hinkwayo.

Yeremiya 45:4 Referans Kwoze

Yeremiya 31:28

Kutani, kukotisa leswi ndzi tshamaka ndzi va langutela ku yimbula, ni ku hahlula, ni ku mbundzuxa, ni ku onha, ni ku endla swo biha, na kona ndzi ta va langutela ku aka, ni ku simeka, ku vula Yehovha.

Yeremiya 1:10

Languta, hi siku leri, ndza ku lerisa eka matiko ni vuhosi, ku tsuvula ni ku hlanhla, ni ku onha ni ku herisa, ni ku aka ni ku simeka.”

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Duteronoma 28:63

Kukotisa leswi Yehovha a titsakeleke ku mi katekisa, ni ku mi andzisa, hi sweswo, Yehovha u ta titsakela ku mi lovisa, ni ku mi herisa; kambe mi ta tsuvuriwa emisaveni leyi mi nga ta nghena eka yona ku yi fuma.

Yeremiya 12:2

U va simekile va va va engetela timitsu, va mirile, kutani va vekile mihandzu; u kusuhi ni milomu ya vona, kambe u kule ni timbilu ta vona.

Eklesiasta 3:3

Nkarhi wu kona wa ku dlaya, wu kona nkarhi wa ku horisa; nkarhi wu kona wa ku hlanhla, wu kona nkarhi wa ku aka.

Swirilo 2:6

U hahlurile rirhangu ra yena kukotisa loko ngi wu ri ntanga; U herisile xivandla xa tinhlengeletano ta yena; Yehovha u va rivarisile Siyoni, mikhuvo ni Tisavata, Kutani a sandza hi vukari byo leva bya yena tihosi ni vaprista.

Hosiya 2:14

“Hikwalaho, vonani, ndzi ta n'wi khorwisa, ndzi n'wi yisa emananga, ndzi vulavula leswi nga ta khorwisa mbilu ya yena.