Yeremiya 45:2 - Xitsonga (Bibele)

² “Ku vula Yehovha, Xikwembu xa Israele, eka wena, Baruku:

BIBELE Mahungu Lamanene

² “We Baruku, HOSI Xikwembu xa Israele xi ni rito eka wena,

Yeremiya 45:2 Referans Kwoze

Vaheveru 4:15

Hikuva muprista lonkulu, loyi hi nga na yena, a hi loyi a nga tsandzekaka ku hi twela vusiwana emikarhalweni ya hina, kambe hi loyi a ringiweke ematlhelweni hinkwawo, a kotisa hina, kambe a nga vanga na xidyoho.

Vaheveru 2:18

Hikuva leswi a tweke ku vaviseka ni ku ringiwa, wa swi kota ku pfuna lava ringiwaka.

2 Vakorinto 7:6

Kambe Xikwembu lexi chavelelaka lava titsongahataka xi hi chavelele hi ku fika ka Tito;

2 Vakorinto 1:4

lexi hi chavelelaka emakhombyeni hinkwawo ya hina, leswaku lava nga emakhombyeni, hambi ma ri wahi ni wahi, hi ta tiva ku va chavelela hi ku chavelela loku na hina hi chaveleriwaka hakona hi Xikwembu;

Marka 16:7

Fambani, mi ya byela vadyondzisiwa va yena, na Petro, leswaku u ta mi rhangela emahlweni ku ya eGaleliya; mi ta n'wi vona kona hilaha a mi byeleke hakona.”

Esaya 63:9

Eku karhatekeni ka vona, a a karhateka na yena, kutani ntsumi ya mombo wa yena yi va ponisile. Erirhandzwini ra yena ni le vuneneni bya yena, u va kutsurile a ri yena, u va seketerile, u va tlakurile emasikwini hinkwawo ya khale.

Yeremiya 45:1

Rito leri muprofeta Yeremiya a ri byeleke Baruku, n'wana Neriya, enkarhini lowu a tshamaka a tsala marito lawa ebukwini, a ri karhi a byeriwa hi Yeremiya, hi lembe ra vumune ra Yoyakimi, n'wana Yosiya, hosi ya Yuda, a ku:

Yeremiya 45:3

U te: ‘Yo mina! Hikuva Yehovha u ndzi engeterile ku vaviseka hi nhlomulo. Ndzi tikarhata hi ku konya, kambe a ndzi kumi ku wisa.’