Yeremiya 45:1 - Xitsonga (Bibele)

¹ Rito leri muprofeta Yeremiya a ri byeleke Baruku, n'wana Neriya, enkarhini lowu a tshamaka a tsala marito lawa ebukwini, a ri karhi a byeriwa hi Yeremiya, hi lembe ra vumune ra Yoyakimi, n'wana Yosiya, hosi ya Yuda, a ku:

BIBELE Mahungu Lamanene

¹ Hi lembe ra vumune ra ku fuma ka Yoyakimi n'wana Yosiyasi hosi ya Yuda, Baruku n'wana Neriya, a heta ku tsala ebukwini marito hinkwawo lama humaka enon'weni wa muprofeta Yeremiya. Kutani Yeremiya a vulavula na Baruku, a ku:

Yeremiya 45:1 Referans Kwoze

Yeremiya 36:1

Hi lembe ra vumune ra Yoyakimi, n'wana Yosiya, hosi ya Yuda, rito leri ri huma eka Yehovha ri ta eka Yeremiya, ri ku:

Yeremiya 36:4

Kutani Yeremiya a vita Baruku, n'wana Neriya, kutani Baruku a tsala ebukwini, hi nomu wa Yeremiya marito hinkwawo lawa Yehovha a nga n'wi byela wona.

Yeremiya 32:12

ndzi nyika tsalwa ra nxavo eka Baruku, n'wana Neriya, n'wana Mahaseya, emahlweni ka Hanamele, n'wana wa tatana lontsongo, ni le mahlweni ka timbhoni leti tiyiseke tsalwa ra nxavo, ni le mahlweni ka Vayuda, hinkwavo lava nga tshama erivaleni ra khotso:

Yeremiya 36:32

Kutani Yeremiya a teka buku yin'wana a yi nyika Baruku, n'wana Neriya, mutsari, a tsala eka yona hi nomu wa Yeremiya marito hinkwawo ya buku leyi Yoyakimi, hosi ya Yuda, ingi a yi hisile hi ndzilo; kambe va yi engetela hi marito yo tala kukotisa layo rhanga.

Yeremiya 32:16

“Kuteloko ndzi nyikile Baruku, n'wana Neriya, tsalwa ra nxavo, ndzi khongela Yehovha, ndzi ku:

Yeremiya 25:1

Rito leri tshamaka ri ta eka Yeremiya ematshan'weni ya tiko hinkwaro ra Yuda, hi lembe ra vumune ra ku fuma ka Yoyakimi, n'wana Yosiya, hosi ya Yuda, ri nga lembe ro rhanga ra Nebukadnetsara, hosi ya Babilona,

2 TIKRONIKA 36:5

Yoyakimi a a ri wa malembe ya 23 loko a sungula ku fuma, kutani a fuma malembe ya 11 eYerusalema, a endla leswo biha emahlweni ka Yehovha, Xikwembu xa yena.

Yeremiya 36:26

Kutani hosi yi byela Yerahamiele, n'wana wa hosi, na Seraya n'wana Aziriele, na Xelemiya n'wana Abideli, leswaku va khoma Baruku, mutsari, ni muprofeta Yeremiya; kambe Yehovha a va fihla.

Yeremiya 26:1

Eku sunguleni ka ku fuma ka Yoyakimi, n'wana Yosiya, hosi ya Yuda, rito leri humaka eka Yehovha ri ta eka mina, ri ku:

2 TIHOSI 24:1

Enkarhini wa yena, Nebukadnetsara, hosi ya Babilona, a huma nyimpi, kutani Yoyakimi a va ehansi ka yena malembe manharhu; kambe ndzhaku a n'wi hundzukela, a n'wi pfuka.

Yeremiya 45:2

“Ku vula Yehovha, Xikwembu xa Israele, eka wena, Baruku:

Yeremiya 46:2

Hikwalaho ka Egipta, ni ka nyimpi ya Faro Neko, hosi ya Egipta, loyi ngi a ri ekusuhi ni nambu wa Yufrata, eKarkemixi, loyi Nebukadnetsara, hosi ya Babilona a nga n'wi hlula, hi lembe ra vumune ra Yoyakimi, n'wana Yosiya, hosi ya Yuda.

Yeremiya 51:59

Hi leri rito ra muprofeta Yeremiya leri a nga lerisa rona Seraya, n'wana Neriya, n'wana Mahaseya, loko a ya eBabilona na Sedekiyasi, hosi ya Yuda, hi lembe ra vumune ra ku fuma ka yena, Seraya a a ri ndhuna ya valanguteri va makamara.

Daniele 1:1

Hi lembe ra vunharhu ra ku fuma ka Yoyakimi, hosi ya Yuda, Nebukadnetsara, hosi ya Babilona, a ta eYerusalema, a sivelela muti hi matlhari.

Yeremiya 36:2

“U titekela buku u ta tsala eka yona marito hinkwawo lawa ndzi tshamaka ndzi ku byela wona hikwalaho ka Israele ni hikwalaho ka Yuda, ni hikwalaho ka tiko hinkwaro, ka ha ri mpfhuka ndzi vulavula na wena, enkarhini wa Yosiya, ku fika siku leri.