Yeremiya 44:4 - Xitsonga (Bibele)

⁴ Ndzi tshama ndzi mi rhumela malandza ya mina hinkwawo, va nga vaprofeta, ndzi va rhuma wa ha ri mixo, leswaku mi nga endli swilo swa manyala leswi ndzi swi vengaka.

BIBELE Mahungu Lamanene

⁴ Minkarhi hinkwayo ndzi mi rhumerile vaprofeta malandza ya mina, kutani vona va mi tsundzuxile leswaku mi nga tshuki mi endla swilo leswi swa manyala, hikuva mina HOSI ndza swi venga.

Yeremiya 44:4 Referans Kwoze

Yeremiya 26:5

ni ku yingisa marito ya malandza ya mina vaprofeta, volavo ndzi tshameke ndzi va rhumela eka n'wina, volavo ndzi va rhumaka ndzi pfuka wa ha ri mixo, kambe a mi va yingisanga;

Yeremiya 7:25

Ka ha ri mpfhuka ndzi humesa vatata wa n'wina va khale etikweni ra Egipta ku fika ni namuntlha, ndzi mi rhumela malandza ya mina hinkwawo va nga vaprofeta, ndzi ri karhi ndzi pfuka ka ha ri mixo hi siku rin'wana ni rin'wana ku va rhuma.

Yeremiya 7:13

Kambe sweswi, leswi mi endleke sweswo hinkwaswo, ku vula Yehovha, kambe ndzi tshama ndzi vulavula na n'wina, ndzi ri karhi ndzi pfuka ka ha ri mixo ndzi va ndzi vulavula, kambe a mi yingisanga; kutani ndzi tshama ndzi mi vita, kambe a mi pfumelanga.

Zakariya 7:7

Xana a mi tsundzuki marito lawa Yehovha a nga vulavula hi vaprofeta vo sungula, loko muti wa Yerusalema, wa ha akiwile wu tshamile hi ku rhula, miti ya wona yi ri matlhelo ya wona, tiko leri nga edzongeni ni banyi swa ha akiwile xana?”

Ezekiele 16:47

A ku fambanga hi mitila ya vona ntsena, ni ku landza mikhuva ya vona ntsena, a swi ri leswitsongo leswo; kambe u va tlurile emanyaleni ya wena hinkwawo.

Ezekiele 8:10

Kavaloko ndzi nghena, ndzi vona swifaniso leswo tala swa swikokovi ni swa swivandzana leswi yilaka, ni swa swikwembu hinkwaswo swa yindlu ya Israele, swi tsariwile emakhumbini ematlhelweni hinkwawo.

Yeremiya 29:19

Hikuva a va yingisanga rito ra mina, ku vula Yehovha, loko ndzi ri karhi ndzi va rhumela malandza ya mina vaprofeta, ndzi va rhuma wa ha ri mixo, kambe a va yingisanga, ku vula Yehovha.’

Yeremiya 16:18

Kambe, eku sunguleni, ndzi ta va rihisela kambirhi ku homboloka ka vona ni ku dyoha ka vona, hikuva va nyamisile tiko ra mina hi manyala ya vona, kambe va tatile ndzhaka ya mina hi mitsumbu ya swikwembu swa vona leswi sandzekaka.”

2 TIKRONIKA 36:15

Yehovha, Xikwembu xa vatata wa vona, a va layile emikarhini leyo tala hi tintsumi ta yena, hikuva a a rhandza ku ponisa tiko ra yena ni vuako bya yena.

1 Petro 4:3

Hikuva swi ringene loko hi endlile leswi rhandziwaka hi vamatiko, emikarhini leyi hundzeke ya ku hanyaka hina loko ha ha tifambela hi vumbhisa ni ku navela, ni ku pyopyiwa, ni madyo, ni rinwo, ni ku gandzela hi mukhuva lowo biha swikwembu swahava.

Ezekiele 16:36

Ku vula Hosi Yehovha a ku: Leswi u hangalaseke xuma xa wena, ni leswi u kombiseke vusweti bya wena evuoswini bya wena, ni hikwalaho ka swifaniso swa wena swa manyala, ni ngati ya vana va wena lava u nyikeke vona,

Yeremiya 35:17

“Hikwalaho Yehovha, Xikwembu xa Israele u vula a ku: Vona, ndzi ta humesela Yuda ni vaaki hinkwavo va Yerusalema, swo biha hinkwaswo leswi ndzi swi vuleke hikwalaho ka vona, hikuva ndzi tshama ndzi vulavula na vona, kambe a va ndzi yingisanga, ndzi va vitanile, kambe a va hlamulanga.”

Yeremiya 32:33

Va ndzi fularhele va nga ndzi langutanga, kasi mina ndzi va dyondzisa, ndzi pfuka nimpundzu ku va dyondzisa, kambe a va yingisanga leswaku va amukela ku tshinyiwa.

Yeremiya 32:34

Kambe va vekile manyala ya vona endlwini leyi vito ra mina ri vuriwaka ehenhla ka yona va yi nyamisa.

Yeremiya 32:35

Va akele Baali swivandla leswi tlakukeke eriweni ra n'wana Hinomu, va ta hisela Moloko vana va vona va xinuna ni va xisati, swi nga leswi ndzi nga va byelangiki swona, kambe a swi humangi embilwini ya mina leswaku va endla manyala layo tano ku dyohisa Yuda.

Yeremiya 35:15

Ndzi tshama ndzi mi rhumela malandza ya mina hinkwawo vaprofeta, ndzi va rhuma wa ha ri mixo, ndzi ku: ‘Hundzukani un'wana ni un'wana emikhuveni ya yena leyo biha, mi hundzuka eku endleni ka n'wina, mi nga landzeri swikwembu swin'wana ku swi tirhela, mi tiakela etikweni leri ndzi nga ri nyika n'wina ni vatata wa n'wina,’ kambe a mi rhiyanga tindleve, a mi ndzi yingisanga.

Daniele 9:6

Kutani a hi yingisangi vaprofeta, malandza ya wena, lava nga vulavula hi vito ra wena eka tihosi ta hina, ni ka tindhuna ta hina, ni ka vatata wa hina, ni ka vanhu hinkwavo va tiko.

Nehemiya 9:30

U va byarha hi malembe yo tala, u va laya hi moya wa wena, u vulavula na vona hi vaprofeta va wena, kambe a va rhiyanga tindleve; hikwalaho u va nyiketeke emavokweni ya matiko ya misava.

Nehemiya 9:34

Tihosi ta hina, ni vakulu va hina, ni vaprista va hina, ni vatata wa hina a va endlanga hi nawu wa wena, a va tsundzukangi ku lerisa ka wena ni milawu ya wena, hilaha u endleke vumbhoni exikarhi ka vona hakona.

Yeremiya 7:17

Xana a ku voni leswi va swi endlaka emitini ya Yuda, ni le mitsendzeleni ya Yerusalema?

Yeremiya 7:18

Vana va rhotela tihunyi, vatata wa vona va tshivela ndzilo, kutani vavasati va pfuva mbila, va endlela nkosikazi ya matilo swinkwa, kutani va chelela swikwembu swin'wana tinyiko ta swakunwa leswaku va ndzi karihisa.

Ezekiele 18:31

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?