Yeremiya 44:3 - Xitsonga (Bibele)

³ Hikwalaho ka ku biha hinkwako loku va ku endleke ku ndzi pfuka, va ya hisela swikwembu swin'wana mirhi ya risuna, va tirhela leswi va nga swi tiviki hambi mi ri n'wina, hambi va ri vatata wa n'wina.

BIBELE Mahungu Lamanene

³ hikuva va ndzi hlundzukisile hi ku hisa mirhi ya risuna, va tirhela swikwembu swimbe leswi va nga swi tiviki, leswi na n'wina ni vatata wa n'wina mi nga swi tivangiki.

Yeremiya 44:3 Referans Kwoze

Duteronoma 29:26

kutani va tifambela, va ya tirhela swikwembu swin'wana va khinsama emahlweni ka swona, swi ri swikwembu leswi va nga swi tivangiki, ni leswi va nga swi averiwangiki.

Duteronoma 32:17

Va gandzerile mademona ku nga ri Xikwembu, Ni swikwembu leswi va nga swi tivangiki, Swi ri leswintshwa, leswi fikeke sweswi, Leswi vatata wa n'wina va nga swi chavangiki.

Duteronoma 13:6

“Kungakuloko makwenu, a nga n'wana wa mana wa wena, kumbe n'wana wa wena wa wanuna, hambi wanhwana wa wena, hambi nsati wa mbilu ya wena, hambi nakuloni loyi u n'wi rhandzaka kukotisa mbilu ya wena, a ku kokela exihundleni, a ku: ‘A hi yeni hi ya tirhela swikwembu swin'wana,’ leswi wena ni vatata wa wena mi nga swi tivangiki,

Daniele 9:5

Hi dyohile, hi endlile leswo homboloka: hi endle hi vuphukuphuku ni ku tiarisa, hi hambukile ku leriseni ka wena.

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Nehemiya 9:33

Loko u ri wena, u endlile hi ku lulama etimhakeni hinkwato leti humeleleke, u endlile swinene, kambe hina hi endlile leswo biha.

Ezekiele 9:9

A ku eka mina: “Ku homboloka ka yindlu ya Israele ni ya Yuda ku kurile ngopfu; tiko ri tele hi ngati, ni muti wu tele hi lunya, va ri: ‘Yehovha u fularhele tiko, Yehovha a nga voni nchumu.’

Swirilo 4:13

Swona swi humelele hikwalaho ka swidyoho swa vaprofeta va yena, Ni vukanganyisi bya vaprista va yena, Lava nga halata exikarhi ka wona Ngati ya lava lulameke.

Swirilo 1:8

Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Yeremiya 22:9

Kutani va ta ku: Hi leswi va riveleke ntwanano wa Yehovha, Xikwembu xa vona, va khinsamela swikwembu swin'wana, va swi tirhela.” ’ ”

Yeremiya 11:17

Yehovha wa tinyimpi la ku byaleke u lerisile ku biha ehenhla ka wena, hikwalaho ka ku homboloka ka yindlu ya Israele, ni ka va yindlu ya Yuda, kuloku va ku endleke leswaku va ndzi karihisa hi ku hisela Baali mirhi ya risuna.

Yeremiya 7:19

Xana hakunene va ndzi karihisa xana, ku vula Yehovha? A ndzi ri va tikarihisa va ri vona; va ta khomiwa hi tingana emimombyeni ya vona.

Yeremiya 5:29

Xana ndzi nga tshika ku tshinya swilo leswo tano xana?” ku vula Yehovha; “kumbe ndzi nga tshika ku tirihisela eka tiko lero tano xana?

Yeremiya 5:19

Kambe loko mi nga vula, mi ku: ‘Xana Yehovha, Xikwembu xa hina, a hi endla swilo sweswo hinkwaswo hikwalaho ka yini?’ U va hlamula, u ku: ‘Hilaha mi ndzi tshikeke, mi va mi tirhela swikwembu swimbe etikweni ra n'wina, mi ta tirhela sweswo matiko etikweni leri nga riki ra n'wina.’

Vaheveru 3:16

Hikuva i vamani xana lava a va kariheleke hi malembe ya mune wa makume xana?

Esaya 3:8

Hikuva Yerusalema wa tsekatseka, Yuda wa dedeleka, hikuva marito ya vona ni mitirho ya vona swi lwa na Yehovha, ku karihisa mahlo ya yena lama kwetsimaka.

Yeremiya 32:30

“Hikuva vana va Israele ni vana va Yuda va endlile leswo biha emahlweni ka mina ka ha ri evuntshweni bya vona; hikuva vana va Israele va ndzi pfukile ntsena hi ku endla ka mavoko ya vona, ku vula Yehovha.

Yeremiya 44:23

Hikuva mi hisile mirhi ya risuna, mi va mi dyohela Yehovha, kutani a mi yingisanga rito ra Yehovha, a mi hlayisangi nawu wa yena, ni swileriso swa yena, ni switsundzuxo swa yena, hikwalaho makhombo lawa ma mi fikerile hilaha swi vonekaka namuntlha hakona.”

Duteronoma 29:25

Va ta humula, va ku: ‘Hi leswi va tshikeke ntwanano wa Yehovha, Xikwembu xa vatata wa vona, lowu a wu tiyiseke na vona loko a va humesa etikweni ra Egipta;

Yeremiya 16:10

Kutakuloko u tivisile tiko leri timhaka teto hinkwato, loko va ku: ‘Xana Yehovha u vula ha yini khombo lerikulu lero tano ehenhla ka hina xana? Kambe ku biha ka hina ku kwihi, ni xidyoho xa hina hi xihi lexi hi nga dyohela Yehovha, Xikwembu xa hina, ha xona xana?’

Yeremiya 29:19

Hikuva a va yingisanga rito ra mina, ku vula Yehovha, loko ndzi ri karhi ndzi va rhumela malandza ya mina vaprofeta, ndzi va rhuma wa ha ri mixo, kambe a va yingisanga, ku vula Yehovha.’