Yeremiya 44:23 - Xitsonga (Bibele)

²³ Hikuva mi hisile mirhi ya risuna, mi va mi dyohela Yehovha, kutani a mi yingisanga rito ra Yehovha, a mi hlayisangi nawu wa yena, ni swileriso swa yena, ni switsundzuxo swa yena, hikwalaho makhombo lawa ma mi fikerile hilaha swi vonekaka namuntlha hakona.”

BIBELE Mahungu Lamanene

²³ Namuntlha mi wele ni makhombo lawa hikuva mi dyohele HOSI Xikwembu hi ku hisa mirhi ya risuna, mi ala ku yingisa marito ya xona, mi fularhela milawu ya xona, mi tshika swiletelo ni switsundzuxo swa xona!”

Yeremiya 44:23 Referans Kwoze

1 TIHOSI 9:9

va ta ku: ‘Yehovha u endlele leswi, tiko leri ni Yindlu leyi, ha yini xana?’ Va ta ku: ‘Hi leswi va tshikeke Yehovha Xikwembu xa vona, lexi humeseke vatata wa vona etikweni ra Egipta, kutani va namarhele swikwembu swin'wana, va khinsama emahlweni ka swona, va swi tirhela: Hikwalaho ka swona, Yehovha u rhumile ehenhla ka vona, makhombo lawa hinkwawo.’ ”

Pisalema 119:150

Lava landzaka swo biha, va tshinele, Va ri karhi va yimela kule ni nawu wa wena.

Nehemiya 13:18

Xana leswi Xikwembu xa hina xi hi humeseleke hina ni muti lowu makhombo walawo hinkwawo, xana a hi leswi vatata wa hina va tshamaka va endla leswo tano-ke? Kasi na n'wina mi engetelela Israele vukari, hi ku nyamisa Savata.”

2 Vakorinto 6:16

Tempele ya Xikwembu yi ni ku pfumelelana kwihi ni swifaniso leswi khongeriwaka? Hikuva hi n'wina mi nga tempele ya Xikwembu lexi hanyaka, kukotisa leswi Xikwembu xi nga te: “Ndzi ta tiakela exikarhi ka vona, ndzi tifambela kona, ndzi ta va Xikwembu xa vona, kutani vona va ta va tiko ra mina.”

1 Vakorinto 10:20

A ndzi vurisi sweswo, kambe ndzi ri: Swilo leswi vamatiko va swi tlhavelaka egandzelweni, va swi tlhavela mademona, a va tlhaveri Xikwembu. Kutani ndza ala leswaku mi hlangana ni mademona.

Swirilo 1:8

Yerusalema, u dyohile, u dyohile; Hikwalaho-ke, u hundzukile manyala, Hinkwavo lava nga n'wi fundzha, sweswi va n'wi tsan'wa, hikuva va vona vusweti bya yena, Na yena, wa hefemuteka, kutani u tshinela endzhaku.

Yeremiya 44:21

“Xana Yehovha a nga tsundzukanga, a va a anakanya mirhi ya risuna leyi mi yi hiseke emitini ya Yuda ni le mitsendzeleni ya Yerusalema, n'wina, ni vatata wa n'wina, ni tihosi ta n'wina, ni tindhuna ta n'wina, ni vanhu va tiko-ke?

Yeremiya 44:18

Kambe mpfhuka hi tshika ku humesela nkosikazi ya matilo mirhi ya risuna, ni ku yi chelela swakunwa, hi pfumarile hinkwaswo, hi va hi herisiwa hi tlhari ni ndlala.”

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Yeremiya 40:3

Kutani Yehovha u ku humesile, u endlile hilaha a nga vula hakona, hikuva mi dyohele Yehovha, a mi yingisanga rito ra yena, hikokwalaho mi humeleleke hi mhaka yoleyi.

Pisalema 119:155

Ku hlayiseka ku le kule ni lavo biha, Hikuva a va vuri nchumu hi timfanelo ta wena.

Pisalema 78:56

Kambe va ringa Xikwembu Lexi nge henhlahenhla, va xi dzumadzumela, Kutani a va hlayisangi ku lerisa ka xona.

2 TIKRONIKA 36:16

Kambe a va rhukana tintsumi ta Xikwembu, va sandza marito ya xona, va hleka vaprofeta va xona, vukari bya Yehovha byi ko byi pfuka tiko ra yena swonghasi leswaku ku nga ha vi na ku ponisiwa.

Pisalema 78:10

A va hlayisanga ntwanano wa Xikwembu, Va arile ku famba enawini wa xona.

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

Yeremiya 26:4

“U va byela, u ku: ‘Ku vula Yehovha: Kungakuloko mi nga ndzi yingisi, ku famba emilawini leyi ndzi yi vekeke emahlweni ka n'wina,

Yeremiya 44:2

“Ku vula Yehovha wa mavandla, Xikwembu xa Israele: Mi vonile ku biha hinkwako loku ndzi ku humeseleke Yerusalema, ni miti hinkwayo ya Yuda; vonani, yi onhakile kutani, a ka ha ri na muaki eka yona.

Yeremiya 44:3

Hikwalaho ka ku biha hinkwako loku va ku endleke ku ndzi pfuka, va ya hisela swikwembu swin'wana mirhi ya risuna, va tirhela leswi va nga swi tiviki hambi mi ri n'wina, hambi va ri vatata wa n'wina.

Yeremiya 44:10

Ku fikela siku leri, a ku si va na loyi a titsongahateke, hambi, va ri lava chavaka, ni lava fambaka hi milawu ya mina, ni ku lerisa ka mina loku ndzi ku vekeke emahlweni ka n'wina ni le mahlweni ka vatata wa n'wina.

2 TIHOSI 17:15

Va sandza milawu ya yena, ni ntwanano wa yena lowu a wu endleke ni vatata wa vona, ni ku layiwa loku a va layeke hakona; va landza swahava, kutani va hundzuka swahava, va ri karhi va famba endzhaku ka matiko lawa ma va rhendzeleke, lawa Yehovha a va leriseke leswaku va nga tshuki va endla kukotisa wona.

Daniele 9:13

Kukotisa loko ku tsariwile enawini wa Muxe, swo biha leswi hinkwawo swi hi humelele sweswo. Kambe a hi olovisanga mombo wa Yehovha, Xikwembu xa hina, hi ku tshika swidyoho swa hina, ni ku tlharihela ntiyiso wa wena.