Yeremiya 44:13 - Xitsonga (Bibele)

¹³ Ndzi ta ba lava akeke etikweni ra Egipta, kukotisa loko ndzi bile Yerusalema, hi matlhari, ni ndlala ni ntungu.

BIBELE Mahungu Lamanene

¹³ Ndzi ta ba lava tshamaka etikweni ra Egipta, kukota leswi ndzi beke muti wa Yerusalema, hi matlhari ni tindlala ni mintungu.

Yeremiya 44:13 Referans Kwoze

Yeremiya 43:11

U ta ta onha tiko ra Egipta: Lava lulameleke rifu a va ye eku feni, lava lulameleke ku khotsiwa a va ye ekhotsweni lava lulameleke tlhari a va ye etlharini.

Yeremiya 11:22

Hikwalaho Yehovha wa tinyimpi u vula a ku: ‘Langutani, ndzi ta va ba! Lavantshwa va ta fa hi tlhari, ni vana va vona va xinuna ni va xisati va fa hi ndlala.

Yeremiya 42:18

Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

Yeremiya 24:10

Ndzi ta rhuma matlhari exikarhi ka vona, ni ndlala, ni ntungu; va ta hela etikweni leri ndzi tshamaka ndzi ri nyika vona, ni vatata wa vona.”

Yeremiya 21:9

La nga ta sala emutini lowo u ta fa hi matlhari, kumbe hi ndlala, kumbe hi ntungu; kambe la humaka ku ya tinyiketa eka Vakalediya lava mi siveleleke, u ta hanya; vutomi bya yena ku ta va lexi a xi phangaka.

Yeremiya 42:16

matlhari lawa mi ma balekelaka ma ta ya mi kuma kona etikweni ra Egipta ni ndlala leyi mi yi chavaka, yi ta mi namarhela eEgipta, mi fela kona.

Yeremiya 42:17

Vanhu hinkwavo lava phikelelaka ku ya eEgipta ni ku aka kona, va ta fa hi matlhari, ni ndlala, ni ntungu, a ku nga ha poni munhu emahlweni ka ku biha kuloku ndzi nga ta va humesela kona.

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

Yeremiya 42:15

loko mi endlisa sweswo, yingisani rito ra Yehovha, n'wina masalela ya Yuda! Ku vula Yehovha, Xikwembu xa Israele: Loko mi phikelela ku ya eEgipta, mi ya luvela kona,

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.