Yeremiya 44:1 - Xitsonga (Bibele)

¹ Rito leri nga ta eka Yeremiya hikwalaho ka Vayuda hinkwavo lava akeke etikweni ra Egipta, lava akeke eMigidolo, na Tahapanese, na Nofu, ni le tikweni ra Patroso, ri ku:

BIBELE Mahungu Lamanene

¹ Yeremiya a ya vulavula ni va ka Yuda hinkwavo lava tshamaka etikweni ra Egipta, eMigidolo ni le Tahapanese ni le Nofu ni le matlhelweni ya Patroso, a va tivisa marito ya HOSI Xikwembu lama nge:

Yeremiya 44:1 Referans Kwoze

Yeremiya 46:14

“Tivisani Egipta, mi byela Migidolo; mi byela Nofu, na Tahapanese, mi ku: ‘Yima, u tilunghisa, hikuva fumu ri dya hi matlhelo ya wena.

Esaya 11:11

Kambe enkarhini wolowo, Hosi yi ta yimisa ra vumbirhi voko ra yona, yi kutsula masalela ya tiko ra yona, lama siyiweke ematikweni ya Asiriya, ni ya Egipta, ni ya Patroso, ni ya Kuxi, ni ya Elamu, ni ya Xinara, na Hamata ni le swihlaleni swa lwandle.

Eksoda 14:2

“Byela vana va Israele va hambuka va dzima mitsonga emahlweni ka Pi-Hahiroto, exikarhi ka Migidolo ni lwandle, ku langutana na Baala-Sefoni; mi ta yimisa mitsonga ku langutana na kona, ekusuhi ni lwandle.

Esaya 19:13

Tindhuna ta Sowani ti hungukile, tindhuna ta Nofu ti lahlekeriwile; ti hambukisa Egipta, tona ma nga masungulo ya tinxaka ta vona.

Ezekiele 30:18

Loko a ri Tahapanese, nhlekanhi wu ta hundzuka munyama, siku ndzi tshovaka joko ra Egipta kona, ku tikukumuxa ka kona loka matimba ku ta hela eka yena. Papa lera ntima ri ta funengeta muti wolowo, kutani vanhwanyana va rona va ta ya evukhumbini.

Ezekiele 30:16

Ndzi ta tshivela ndzilo Egipta; Sini u ta va ni ku vaviseka lokukulu, na No u ta handzuriwa na Nofu u ta ngheniwa ninhlekanhi hi valala.

Ezekiele 30:14

Ndzi ta endla Patroso rhumbi, ndzi veka ndzilo eSowani, ndzi endla ku avanyisa eNofu.

Ezekiele 29:14

ndzi ta landza Vaegipta lava yisiweke evukhumbini, ndzi va vuyisa etikweni ra Patroso, etikweni leri va tswariweke eka rona; kutani kona va ta va ku fuma loku tsongahaleke.

Yeremiya 46:19

U tilunghisele nhundzu ya ku ya eku bohiweni, wena muaki, n'wana wa wansati wa Egipta! Hikuva Nofu u ta endliwa swahava, a hundzuka mananga, a va a pfumala muaki.

Yeremiya 2:16

Hambi va ri vana va Nofu ni va Tahapanese, va ta ku fayetela rhavarhava.

Ezekiele 29:10

Hikwalaho, vona, mina ndzi le ka wena, ni le milambyeni ya wena, ndzi ta endla tiko ra Egipta ku onhaka ni rhumbi, ku suka eMigidolo, ku ta eSeyene, ni ku fika enkoveni wa Kuxi.

Genesa 10:14

na Vapatroso, na Vakasiluhi, (hi vona ku nga humelela Vafilista eka vona), na Vakafitoro.

Yeremiya 24:8

“Kutani kukotisa sweswi endliwaka eka makuwa layo biha, lama nga dyiwiki hikuva ma bihile, ku vula Yehovha, ndzi ta endla sweswo eka Sedekiyasi, hosi ya Yuda, ni ka tindhuna ta yena, ni ka nsalo wa Yerusalema, lowa ha seleke etikweni lero, ni ka lava akeke etikweni ra Egipta.

Yeremiya 43:13

U ta tshovelela swifaniso swa Beta-Xemexe etikweni ra Egipta, ni tindlu ta swikwembu swa Egipta a ti hisa hi ndzilo.’ ”

Ezekiele 30:13

“Hosi Yehovha u ri: Ndzi ta lovisa ni swifaniso, ndzi herisa swikwembu swahava eNofu; a ku nga ha vi na hosi ya tiko ra Egipta; na swona ndzi ta veka ku chava etikweni ra Egipta.

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.

Yeremiya 44:15

Kutani vavanuna hinkwavo lava nga tiva leswaku vasati va vona va hisele swikwembu swimbe mirhi ya risuna, ni vavasati hinkwavo lava nga yima kona, yi ri nhlengeletano leyikulu, ni tiko hinkwaro leri akeke etikweni ra Egipta, ePatroso, va hlamula Yeremiya, va ku: