Yeremiya 43:7 - Xitsonga (Bibele)

⁷ va ya etikweni ra Egipta, hikuva a va yingisangi rito ra Yehovha, va ya fika eTahapanese.

BIBELE Mahungu Lamanene

⁷ Yeremiya na Baruku va rhurhela etikweni ra Egipta hikwalaho ka varikwavo lava aleke ku yingisa marito ya HOSI Xikwembu, kutani va ya fika emutini wa Tahapanese.

Yeremiya 43:7 Referans Kwoze

Yeremiya 44:1

Rito leri nga ta eka Yeremiya hikwalaho ka Vayuda hinkwavo lava akeke etikweni ra Egipta, lava akeke eMigidolo, na Tahapanese, na Nofu, ni le tikweni ra Patroso, ri ku:

Yeremiya 2:16

Hambi va ri vana va Nofu ni va Tahapanese, va ta ku fayetela rhavarhava.

Yeremiya 46:14

“Tivisani Egipta, mi byela Migidolo; mi byela Nofu, na Tahapanese, mi ku: ‘Yima, u tilunghisa, hikuva fumu ri dya hi matlhelo ya wena.

Esaya 30:4

Vakulu va Yuda va fikele eSowani, ni varhumiwa va yena va le Hanesi.

Ezekiele 30:18

Loko a ri Tahapanese, nhlekanhi wu ta hundzuka munyama, siku ndzi tshovaka joko ra Egipta kona, ku tikukumuxa ka kona loka matimba ku ta hela eka yena. Papa lera ntima ri ta funengeta muti wolowo, kutani vanhwanyana va rona va ta ya evukhumbini.

2 TIKRONIKA 25:16

Kakuloko a vulavula na yena, Amasiya a ku eka yena: “Xana va ku vekile wa huvo ya hosi-ke? Suka wena! Va ta ku dlayela yini-ke?” Kutani muprofeta a suka, a ku: “Ndza vona leswaku Yehovha u kanerile ku ku lovisa, hikuva u endlile mhaka leyi, kutani a ku yingisanga marito ya mina.”

Esaya 30:2

Va xikela eEgipta, va nga si vutisa nomu wa mina, va tsutsumela xisirhelelo xa Faro, va tisirhelela hi ndzhuti wa Egipta!

Yeremiya 44:24

Yeremiya a engeta a ku eka tiko hinkwaro ni ka vavasati hinkwavo: “Yingisani rito ra Yehovha, n'wina hinkwenu va Yuda lava nga etikweni ra Egipta:

2 TIHOSI 25:26

Kutani tiko hinkwaro, ku suka eka lontsongo, ku fika eka lonkulu, ni tindhuna ta nyimpi va suka va ya eEgipta, hikuva a va chava Vakalediya.

Yeremiya 41:17

Kutani va famba va ya tshama endlwini ya vaendzi ya Kimihama ku langutana na Betlehema, va ta ya eEgipta, hi ku chava Vakalediya;

Yeremiya 42:21

Kunene ndzi mi tivisile swona namuntlha kambe a mi yingisi rito ra Yehovha, Xikwembu xa n'wina, ni hinkwaswo leswi a ndzi rhumeleke swona eka n'wina.