Yeremiya 43:11 - Xitsonga (Bibele)

¹¹ U ta ta onha tiko ra Egipta: Lava lulameleke rifu a va ye eku feni, lava lulameleke ku khotsiwa a va ye ekhotsweni lava lulameleke tlhari a va ye etlharini.

BIBELE Mahungu Lamanene

¹¹ Ú ta fika a hlasela tiko ra Egipta: Lava faneleke ku fa hi ntungu, va ta dlawa hi wona; lava faneleke ku yisiwa evukhumbini, va ta yisiwa kona; ni lava faneleke ku dlawa hi tlhari, va ta dlawa hi rona.

Yeremiya 43:11 Referans Kwoze

Yeremiya 44:13

Ndzi ta ba lava akeke etikweni ra Egipta, kukotisa loko ndzi bile Yerusalema, hi matlhari, ni ndlala ni ntungu.

Yeremiya 15:2

Kambe, kutakuloko va ku eka wena: ‘Xana hi ta ya kwihi?’ U va hlamula, u ku: ‘Yehovha u vula a ku: Lava lulameriwaka hi rifu a va ye eku feni, lava lulameriwaka hi tlhari, etlharini; lava lulameriwaka hi ndlala, endlaleni; ni lava lulameriwaka hi vukhumbi, evukhumbini.’

Zakariya 11:9

Kutani ndzi ku: “A ndzi nga ha mi risi! Leyi faka, a yi fe; ni leyi lovaka, a yi love; loko ti ri leti salaka, a ti dye yin'wana ni yin'wana nyama ya yin'wana.”

Yeremiya 25:19

na Faro, hosi ya Egipta, ni malandza ya yena, ni tindhuna ta yena, ni tiko ra yena hinkwaro;

Ezekiele 5:12

Ku avanyisa ka vunharhu ka vaaki va n'wina ku ta lova hi ntungu ni ndlala; ni ku avanyisa kun'wana ka vunharhu ku ta lova hi tlhari ekusuhi na wena, kutani ku avanyisa ka vunharhu kun'wana, ndzi ta ku hangalasa hi matlhelo hinkwawo, ndzi va hlongorisa hi tlhari.

Ntirho 20:29

Hi kona ku averiwa ka mbabva loku humaka eka Xikwembu, Ni ndzhaka leyi yi vekeriweke yona hi Xikwembu.”

Nhlavutelo 13:10

Loyi a yisaka van'wana evukhumbini, u ta ya evukhumbini; loyi a dlayaka hi tlhari, na yena u ta fanela ku dlawa hi tlhari, Hilaha ku nga vonakalaka ku tiyisela ni ku pfumela ka vakwetsimi.

Yeremiya 25:15

Hikuva Yehovha Xikwembu xa Israele, u ndzi byerile, a ku: “Teka xinwelo lexi xa vhinyo ya ku kariha xa le vokweni ra mina, u xi nwisa matiko hinkwawo lawa ndzi ku rhumeke eka wona,

Yeremiya 42:22

Sweswi-ke, swi tiveni leswaku mi ta fa hi matlhari, ni ndlala ni ntungu, exivandleni lexi mi tirhandzelaka ku ya aka eka xona.”

Ezekiele 29:11

A ku nga ha kandziyi nenge wa munhu kona, a ku nga ha kandziyi nenge wa xifuwo kona, a ku nga akiwi kona hi malembe ya mune wa makume.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.