Yeremiya 42:22 - Xitsonga (Bibele)

²² Sweswi-ke, swi tiveni leswaku mi ta fa hi matlhari, ni ndlala ni ntungu, exivandleni lexi mi tirhandzelaka ku ya aka eka xona.”

BIBELE Mahungu Lamanene

²² Hikokwalaho swi tiveni namuntlha leswaku mi ta dlawa hi matlhari ni tindlala ni mintungu, mi fela endhawini leyi mi navelaka ku ya tshama eka yona.”

Yeremiya 42:22 Referans Kwoze

Yeremiya 42:17

Vanhu hinkwavo lava phikelelaka ku ya eEgipta ni ku aka kona, va ta fa hi matlhari, ni ndlala, ni ntungu, a ku nga ha poni munhu emahlweni ka ku biha kuloku ndzi nga ta va humesela kona.

Hosiya 9:6

Hikuva va ta rhurha hikwalaho ka ku onhaka; Egipta u ta va hlengeleta; Memfisi a va yimbela. Swilo leswinene swa vona swa silivhere, swi ta funengetiwa hi swigatlu, mahlwehlwe ma mila ematendeni ya vona.

Ezekiele 6:11

Hosi Yehovha u ri: “Bana hi swandla swa wena, u raha hi nenge wa wena, u ku: Yo! Hikwalaho ka manyala hinkwawo lama chavisaka ya yindlu ya Israele, leyi nga ta wa hi fumu ni ndlala ni ntungu.

Yeremiya 43:11

U ta ta onha tiko ra Egipta: Lava lulameleke rifu a va ye eku feni, lava lulameleke ku khotsiwa a va ye ekhotsweni lava lulameleke tlhari a va ye etlharini.

Esaya 30:3

Hikuva xisirhelelo xa Faro xi ta va hundzukela tingana, ni ku tiveka endzhutini wa Egipta ku ta va hundzukela xisandzu.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Ezekiele 33:27

U nge eka vona: Hosi Yehovha u ri: Ndza hanya, hakunene lava nga emarhumbini va ta wa hi fumu, lava nga etikweni, ndzi ta va nyiketa swivandza swi va swakudya swa swona; va le makhokholweni ni le mabakweni va ta fa hi ntungu.

Yeremiya 24:10

Ndzi ta rhuma matlhari exikarhi ka vona, ni ndlala, ni ntungu; va ta hela etikweni leri ndzi tshamaka ndzi ri nyika vona, ni vatata wa vona.”

Ezekiele 6:12

La nga ta va ekule u ta fa hi ntungu, la nga ta va ekusuhi u ta wisiwa hi fumu, la nga ta sala u ta lovisiwa hi ndlala. Hi mukhuva lowo ndzi ta hetisa ehenhla ka vona vukari bya mina.