Yeremiya 42:18 - Xitsonga (Bibele)

¹⁸ Hikuva, ku vula Yehovha wa mavandla, Xikwembu xa Israele, a ku: Kukotisa loko ndzi chulurile vukari bya mina, ni ku leva ka mina, ehenhla ka vaaki va Yerusalema, ndzi ta chulula ku leva ka mina ehenhla ka n'wina loko mi yile eEgipta, mi ta endliwa xisandzu, ni ku chaviwa, ni ndzhukano ni ku sandziwa kutani mi nga ka mi nga tlheli mi vona xivandla lexi.

BIBELE Mahungu Lamanene

¹⁸ Mina HOSI ya matimba hinkwawo, Xikwembu xa Israele, ndzi vurisa sweswo ndzi ri: Loko mo ya etikweni ra Egipta, vukari bya mina ni ku hlundzuka ka mina swi ta mi wela, tani hilaha swi weleke vanhu va Yerusalema. Vanhu va ta mi rhuketela va mi nyenya, va ta mi sandza va mi hlekula, kutani tiko leri ra n'wina, mi nga ka mi nga ha ri voni!’ ”

Yeremiya 42:18 Referans Kwoze

Yeremiya 7:20

Hikwalaho, ku vula Hosi Yehovha: Langutani, vukari bya mina ni ku holova ka mina ku ta halatiwa endhawini leyi ehenhla ka vanhu, ni tihomu, ni mirhi ya tiko, ni mihandzu ya misava; kambe ka ha ta hisa, ku nga ka ku nga timiwi.”

Yeremiya 29:18

ndzi ta va phalalela hi matlhari ni ndlala ni ntungu ndzi va nyiketa ku xanisiwa eku fumeni hinkwako ka misava, ni le ku rhukaniweni, ni le ku onhakeni, ni ku va xihlamariso ni xisandzu ematikweni hinkwawo lawa ndzi nga ta va hlongola exikarhi ka wona.

Yeremiya 18:16

kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

Yeremiya 22:27

Loko ri ri tiko lero timbilu ta vona ti nga ta ri navela ku vuyela kona, va nga ka va nga vuyeli kona.”

Esaya 65:15

Vito ra n'wina ri ta sala ri va ndzhukano exikarhi ka vahlawuriwa va mina; kutani Hosi Yehovha u ta ku dlaya kambe u ta thya vahlawuriwa va yena vito rin'wana.

Nhlavutelo 14:10

na yena u ta nwa vhinyo ya vukari bya Xikwembu, leyi cheriweke yi nga hlanganisiwanga exinwelweni xa ku kariha ka xona; kutani u ta xanisiwa endzilweni ni le xivavuleni, emahlweni ka tintsumi leto kwetsima, ni le mahlweni ka Xinyimpfana.

Zakariya 8:13

Kukota leswi ngi mi ri xisandzu ematikweni, n'wina, yindlu ya Yuda, na n'wina, yindlu ya Israele, ndzi ta mi hanyisa sweswi, mi va ku kateka. Mi nga chaveni, mavoko ya n'wina a ma tiye!”

Nahume 1:6

Vukari bya yena byi nga yimela hi mani, naswona i mani la nga tiyaka eku pfurheni ka vukari bya yena? Vukari bya yena byi halaka ku fana ni ndzilo, hi yena a wisaka tintshava ta maribye ehansi.

Daniele 9:27

Kutani hosi yoleyo yi ta endla xinakulobye lexa matimba ni lavo tala hi vhiki rin'we, kutani exikarhi ka vhiki u ta herisa gandzelo ni nhlengo; kutani muonhi u ta tirha mitirho ya manyala ku kondza vuheriso ni leswi tiyisiweke swi wela ehenhla ka muonhi.”

Daniele 9:11

Kutani Vaisraele hinkwavo va tlurile nawu wa wena, va hambukile leswaku va nga ti yingisa rito ra wena; kutani ku rhuketeriwa ni ku hlambanyiseriwa leswi tsariweke enawini wa Muxe, nandza wa Xikwembu, swi cheriwile ehenhla ka hina, hikuva hi xi dyoherile.

Ezekiele 22:22

Kukotisa leswi silivhere yi n'okisiwaka efulweni, na n'wina mi ta n'okisiwa exikarhi ka wona, mi ta swi tiva leswaku hi mina Yehovha ndzi cheleke vukari bya mina ehenhla ka n'wina.”

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Swirilo 2:4

U kungile vurha bya yena kukotisa nala, A yima a tshambuluta voko ra yena lera xinene tanihi nhenha, Kutani a dlaya hinkwaswo leswi rhandzekaka loko swi voniwa; Entsongeni wa nhwanyana wa Siyoni, u chulurile vukari bya yena kukotisa ndzilo.

Yeremiya 29:22

Ku ta tekiwa rito ra ndzhukano eka vona hinkwavo lava bohiweke va Yuda lava nge Babilona, va ta ku: “Yehovha a a ku endle kukota Sedekiyasi, ni kukota Akabu, lava hosi ya Babilona yi va hiseke hi ndzilo.”

Yeremiya 26:6

ndzi ta endla yindlu leyi kukotisa Xilo, ni muti lowu, ndzi wu endla eXilo lexo rhukaniwa hi matiko hinkwawo ya misava.’ ”

Yeremiya 25:9

vonani, ndzi rhuma ku vitana tinxaka hinkwato ta n'walungu, ku vula Yehovha, na yena Nebukadnetsara, hosi ya Babilona, nandza wa mina, ndzi ta va tisa ku lwa etikweni leri ni vaaki va rona, ni matiko hinkwawo ya matlhelo; ndzi va veka anathema, ndzi va endla xisolo, ni xisandzu ni ku onhaka hilaha ku nga heriki.

Yeremiya 6:11

Ndzi tele hi mahlundzu ya Yehovha, ndzi karhele ku ma sivela. “Ma halatela eka vana va entsendzeleni, ni le nhlengeletanweni ya majaha; hikuva wanuna u ta khomiwa swin'we ni nsati; la dyuhaleke ni la heteke masiku ya yena.

2 TIKRONIKA 34:25

Hikuva va ndzi tshikile va hisele swikwembu swin'wana mirhi ya risuna, va ta ndzi pfuka hi mitirho hinkwayo ya mavoko ya vona; hikwalaho vukari bya mina byi pfurhela ndhawu leyi, byi nga ka byi nga timeki.”

Tinhlayo 5:27

Kutakuloko a n'wi nwisile mati lawa, ku ta humelela leswaku loko a tinyamisile, ni loko a dyohele nuna wa yena hi ku endla vuoswi, mati ya ndzhukano ma ta nghena eka yena ku n'wi luma; khwiri ra yena ri ta kukumuka, matsheve ya yena ma ta ondza, kutani nsati loyi, u ta va ndzhukano etikweni ra yena.

Esaya 30:3

Hikuva xisirhelelo xa Faro xi ta va hundzukela tingana, ni ku tiveka endzhutini wa Egipta ku ta va hundzukela xisandzu.

Yeremiya 23:40

Ndzi ta veka ehenhla ka n'wina xisandzu lexi nga heriki, ni tingana leti nga heriki leti nga tiki rivaleriwaka.”

Yeremiya 33:5

Va ta nghena eka tona; ku lwa ni Vakalediya, kambe ti ta tala mitsumbu ya vanhu lava ndzi nga ta va ba eku kariheni ka mina, ni ku leva ka mina, lava ndzi fihleleke muti lowo mombo wa mina hikwalaho ka vumbabva bya vona.

Yeremiya 44:6

Kutani ku kariha ka mina, ni ku leva ka mina ku tlhandluka ku pfurhela miti ya Yuda, ni mitsendzele ya Yerusalema, swi hundzuke rhumbi ni mananga, hilaha swi vonakaka namuntlha hakona.

Yeremiya 44:8

Mi ndzi pfukela yini hi ku endla ka mavoko ya n'wina, hi ku hisela; swikwembu swimbe timhamba etikweni ra Egipta, laha mi teke ku aka kona leswaku mi susiwa, mi va ndzhukano, ni xisolo, exikarhi ka matiko hinkwawo ya misava?

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Ezekiele 20:34

Ndzi ta mi humesa evanhwini, kutani ndzi ta mi hlengeleta ematikweni lawa mi hangalasiweke ka wona, hi xandla lexi nga ni matimba, ni voko leri tshalambutiweke, ni vukari lebyi chuluriweke.

Swirilo 2:6

U hahlurile rirhangu ra yena kukotisa loko ngi wu ri ntanga; U herisile xivandla xa tinhlengeletano ta yena; Yehovha u va rivarisile Siyoni, mikhuvo ni Tisavata, Kutani a sandza hi vukari byo leva bya yena tihosi ni vaprista.

Hosiya 7:16

Va tlhela, kambe ku nga ri ku ya eka La nge henhla. Va fana ni nseve lowu nga tshembekiki. Tihosi ta vona ti ta wisiwa hi tlhari hikwalaho ka ku tidzunisa ka tindzimi ta vona. Va ta sandziwa hakona etikweni ra Egipta.