Yeremiya 42:14 - Xitsonga (Bibele)

¹⁴ mi ku: ‘E-e, kambe hi ta ya etikweni ra Egipta laha hi nga tiki vona matlhari, laha hi nga tiki yingisa mpfumawulo wa mhalamhala, laha hi nga tiki twa ndlala, hi ta aka kona,’

BIBELE Mahungu Lamanene

¹⁴ kutani mi vula leswaku mi lava ku ya titshamela etikweni ra Egipta, laha mi nga ta ka mi nga ha voni tinyimpi kumbe ku twa timhalamhala kumbe ku xanisiwa hi tindlala.

Yeremiya 42:14 Referans Kwoze

Yeremiya 41:17

Kutani va famba va ya tshama endlwini ya vaendzi ya Kimihama ku langutana na Betlehema, va ta ya eEgipta, hi ku chava Vakalediya;

Yeremiya 4:19

Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

Yeremiya 4:21

Ndzi ta vona mujeko ku yisa kwihi? Ndzi ta twa mpfumawulo wa mhalamhala ku ri kangani xana?

Esaya 31:1

Khombo eka lava rilelaka Egipta ku lava ku pfuniwa, va titiyisa hi tihanci, va tshemba tigolonyi, hikuva ti tele va tshemba vakhandziyi va tihanci hikuva va ni matimba kasi a va languti Mukwetsimi wa Israele, a va lavi Yehovha!

Eksoda 16:3

Vana va Israele va ku: “Nge hi dlayiwe hi voko ra Yehovha etikweni ra Egipta, hi ri karhi hi titshamele xikarhi ka timbita ta nyama, hi dya ni vuswa, hi xurha. Hikuva mi hi humesile hi fika la mananga leswaku mi dlaya tiko leri hinkwaro hi ndlala.”

Yeremiya 43:7

va ya etikweni ra Egipta, hikuva a va yingisangi rito ra Yehovha, va ya fika eTahapanese.

Esaya 30:16

A mi ku: “Hi ta baleka hi khandziye tihanci!” Kwalaho mi ta tsutsumisiwa! Kambe mi ku: “Hi to khandziya tihanci leta matsambo! Kwalaho va ta mi hlongorisa hi matsambo.

Duteronoma 29:19

kambe ku nga tshuki ku va ri munhu, kutakuloko a yingisile marito ya ndzhukano, a miyeta mbilu ya yena, a ku: ‘Ndzi ta va ni ku rhula, hambi ndzi nga famba eku tirhandzeleni ka mbilu yanga,’ leswaku la xurheke a kokela la nga ni torha.

Tinhlayo 16:13

Xana i mhaka leyitsongo eka hina leswi u hi humeseke etikweni leri pfelelaka ntswamba ni vulombe, ku hi dlaya emananga u engeta u tiveka hosi ehenhla ka hina-ke?

Eksoda 17:3

Tiko a ri ri ni torha hi ku pfumala mati, kutani ri holovela Muxe, ri ku: “U hi humesele yini Egipta ku ta hi dlaya hi torha, hina ni vana va hina ni tihomu ta hina?”

Tinhlayo 14:3

Xana Yehovha u hi yisela yini etikweni leri leswaku hi ya wa kona hi tlhari, ni leswaku vasati va hina, ni vananyana va hina va khomiwa? Xana a swi nga hi sasekeli loko hi tlhelela eEgipta-ke?”

Tinhlayo 14:4

Kutani va byelana, va ku: “A hi tivekeleni hosi, hi ta tlhelela eEgipta.”

Duteronoma 17:16

Ntsena a nga tshuki a va ni tihanci leto tala, kambe a nga tshuki a tlherisela tiko eEgipta leswaku a ta kuma tihanci leto tala; hikuva Yehovha u te eka n'wina: Mi nga ka mi nga ha tlheli hi ndlela leyi!

Esaya 30:2

Va xikela eEgipta, va nga si vutisa nomu wa mina, va tsutsumela xisirhelelo xa Faro, va tisirhelela hi ndzhuti wa Egipta!