Yeremiya 42:1 - Xitsonga (Bibele)

¹ Tindhuna hinkwato ta mavandla, ti ri na Yohanani, n'wana Kariyaka, na Yezaniya n'wana Hoxaya, ni tiko hinkwaro lavatsongo ni lavakulu, va tshinelela, va ku eka muprofeta Yeremiya:

BIBELE Mahungu Lamanene

¹ Vafambisi hinkwavo va mavuthu, na Yohanani n'wana Kariyaka, na Yezaniya n'wana Hoxaya, ni vanhu lavan'wana hinkwavo va swiyimo swa le henhla ni swa le hansi, va ta eka muprofeta Yeremiya,

Yeremiya 42:1 Referans Kwoze

Yeremiya 41:11

Kambe Yohanani, n'wana Kariyaka, ni tindhuna hinkwato ta mavandla lawa ingi ma ri na yena va twa ku endla hinkwako loko biha loku Iximaele, n'wana Netaniya, a ku endleke.

Yeremiya 40:13

Kambe Yohanani, n'wana Kariyaka ni tindhuna hinkwato ta mavandla lawa ngi ma ri enhoveni, va ta eka Gedaliya eMispa, va ku eka yena:

Yeremiya 6:13

“Hikuva va tinyiketile ku navela ka ku fuwa hinkwavo, lontsongo ni lonkulu, muprofeta ni muprista, un'wana ni un'wana va endla e vunwa.

Yeremiya 44:12

Ndzi ta khoma lava seleke va Yuda, lava phikelelaka ku ya etikweni ra Egipta, ku ya aka kona, va lova hinkwavo, va ta wa etikweni ra Egipta; va lovisiwa hi matlhari ni ndlala; ku sungula hi lontsongo ku fikela eka lonkulu, va ta fa hi matlhari ni ndlala; va endliwa ndzhukano, ni xisandzu, ni manyala, ni xisolo.

Yeremiya 42:8

Kutani a vitana Yohanani, n'wana Kariyaka, ni tindhuna hinkwato ta mavandla lawa ingi a ri na wona, ni tiko hinkwaro, lavatsongo ni lavakulu,

Yeremiya 40:8

va ta eka Gedaliya eMispa, a ri Iximaele, n'wana Netaniya, na Yohanani na Yonatani, vana va Kariyaka, na Seraya, n'wana Tanahumeti, ni vana va Efayi, wa Netofa, na Yezaniya, n'wana wa Mumaaka, va ri ni vanhu va vona.

Timhaka 8:10

A va n'wi namarhela hinkwavo, ku sungula hi lontsongo ku fikela eka lonkulu, va ku: “Loyi, i matimba lamakulu ya Xikwembu.”

Yeremiya 8:10

“Hikwalaho ndzi ta nyika van'wana vasati va vona, ni vaphangi masimu ya vona; hikuva hinkwavo va tinyiketile ku navela ka rifuwo, ku sungula eka lontsongo ku yisa eka lonkulu, muprofeta ni muprista, va endla hi vunwa.

Matewu 15:8

‘Tiko leri ra ndzi chava hi milomu ya rona: kambe timbilu ta vona ti le kule na mina ngopfu.

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Ezekiele 11:1

Moya wu ndzi tlakusela ehenhla, wu ndzi yisa enyangweni ya le vuxeni bya Yindlu ya Yehovha, leyi langutaka tlhelo ra le vuxeni; kutani, maswivo, enyangweni a ku yimile vavanuna va 25; exikarhi ka vona ndzi vona Yaazaniya n'wana Azuri, na Pelatiya n'wana Benaya, tihosana ta tiko.

Ezekiele 8:11

A ku yimile emahlweni ka swona vavanuna va 70 va ri vakulukumba va yindlu ya Israele; exikarhi ka vona a ku yimile Yaazaniya, n'wana Xafani, va yimile emahlweni ka swona un'wana ni un'wana a tamele mbita ya yena ya mirhi ya risuna, kutani musi wa mirhi ya risuna wu tlhandluka.

Yeremiya 42:20

Hikuva ma tixisa emimoyeni ya n'wina, kasi mi ndzi rhumile eka Yehovha Xikwembu xa n'wina, leswaku ndzi mi khongelela eka Yehovha, Xikwembu xa hina, kutani hinkwaswo leswi Yehovha, Xikwembu xa hina, a nga ta hi byela, u ta hi tivisa swona, hi ta swi endla.

Yeremiya 41:16

Kutani Yohanani, n'wana Kariyaka, ni tindhuna ta mavandla hinkwawo lava ngi va ri na yena, va teka masalela hinkwawo ya tiko, lawa Iximaele n'wana Netaniya ingi a ma susile eMispa loko a a dlayile Gedaliya, n'wana Ahikama, va ri vavanuna va matimba eku lweni, ni vavasati, ni vana, ni vatsheniwa, va va tlherisela eGibiyoni.

Esaya 48:1

Yingisani, n'wina va yindlu ya Yakobo, lava mi thyiweke hi vito ra Israele, lava mi humeke exihlobyeni xa Yuda; n'wina lava mi hlambanyaka hi vito ra Yehovha, lava mi dzunisaka vito ra Xikwembu xa Israele, lava mi nga ni ku kanganyisa ni ku pfumala ku lulama,

Esaya 29:13

Hosi yi te: “Loko tiko leri, ri titshinetile eka mina hi milomu, va ndzi chava hi nomu, kasi timbilu ta vona ti le kule na mina, ni xichavo lexi va ndzi chavaka ha xona, wu ri nawu ntsena wa vanhu lowu va wu dyondzeke.

2 TIHOSI 25:23

Tindhuna hinkwato ta nyimpi, ni vanhu va tona, kuteloko va swi twile leswaku hosi ya Babilona yi vekile Gedaliya, va ta eka Gedaliya eMispa, a ri Iximaele, n'wana Netaniya, na Yohanani, n'wana Kariyaka, na Seraya, n'wana Tanahumeti, wa Netofa, na Yaazaniya, n'wana wa munhu wa Maaka, va ta ni vanhu va vona.

Yeremiya 37:3

Hosi Sedekiyasi a rhuma Yuhukali n'wana Xelemiya, na Sofoniya n'wana Maaseya, muprista, eka muprofeta Yeremiya a ku: “U hi khongelela eka Yehovha Xikwembu xa hina.”

Yeremiya 41:18

a va va chava, hikuva Iximaele n'wana Netaniya, a dlayile Gedaliya, n'wana Ahikama, loyi hosi ya Babilona ingi yi n'wi vekile ku risa tiko.

Yeremiya 43:2

Azariya n'wana Hoxaya, na Yohanani n'wana Kariyaka, ni vanhu va ku tikukumuxa hinkwavo va byela Yeremiya, va ku: “U vulavula vunwa. Yehovha, Xikwembu xa hina a nga ku rhumanga leswaku u ku eka hina: ‘Mi nga yi eEgipta, mi ya aka kona.’