Yeremiya 41:9 - Xitsonga (Bibele)

⁹ Khele rolero Iximaele a lahleke eka rona mitsumbu hinkwayo ya vanhu valavo a va dlayeke swin'we na Gedaliya, hi leri hosi Asa a ri endleke hi ku chava Baaxa, hosi ya ka Israele, hi rona khele leri Iximaele n'wana Netaniya a nga ri tata hi mitsumbu.

BIBELE Mahungu Lamanene

⁹ Khele leri Iximaele a hoxeke ka rona mintsumbu hinkwayo ya vavanuna lava a va dlayeke, a ri ri rikulu; khele leri a ri kovotliwile khale eribyeni hi hosi Asa, enkarhini lowu a a lwa na Baaxa hosi ya Israele. Kutani Iximaele n'wana Netaniya a tata khele ra kona hi mintsumbu.

Yeremiya 41:9 Referans Kwoze

2 SAMIELE 17:9

Waswivo, u tumberile sweswi ekheleni rin'wana, kumbe endhawini yin'wana; kutani kutakuloko van'wana va dlayiwa eku sunguleni, mahungu ma ta hangalaka kutani va ta ku: ‘Tiko leri landzaka Abixalomu ra hluriwa.’

1 SAMIELE 13:6

Vanhu va Israele va tivona leswaku va le khombyeni lerikulu, hikuva tiko ri susumetiwa swinene; kutani va tumbela emabakweni, ni le swihlahleni, ni le maribyeni, ni le makhokholweni, ni le makheleni.

Vaavanyisi 6:2

Vamidiyani va xanisa Vaisraele ngopfu, vana Vaisraele va ko va chavela emabakweni ya tintshava ni le timhakweni, ni le makhokholweni hi ku chava Vamidiyani.

Vaheveru 11:38

vona misava a yi nga va fanelanga, va tsendzeleka emananga, ni le tintshaveni, ni le mabakweni, ni le miceleni ya misava.

1 SAMIELE 24:3

Kavaloko Sawulo a teka vanhu va 3 000 lava hlawuriweke eIsraeleni hinkwawo, kutani a ya lava Davhida ni vanhu va yena emaribyeni ya tintshembe.

1 SAMIELE 14:22

Kutani vanhu va Israele lava tumbeleke entshaveni ya Efrayimi, loko va twa leswaku Vafilista va chavile, va chivirika na vona ku va hlongorisa va ri karhi va lwa.

1 SAMIELE 14:11

Kavaloko va tikombisa havambirhi ekhokholweni ra Vafilista, kutani Vafilista va ku: “Vaheveru hi lava, va huma emakheleni lawa va tumbeleke eka wona.”

Esaya 14:19

kambe wena u cukumetiwile ekule ni sirha ra wena, tanihi hluke lero biha leri sandziwaka, tanihi nguvu ya vanhu lava dlayiweke hi fumu, lava cukumetiweke exikarhi ka maribye ya sirha, tanihi ntsumbu lowu kandziyeriwaka hi mikondzo.