Yeremiya 41:18 - Xitsonga (Bibele)

¹⁸ a va va chava, hikuva Iximaele n'wana Netaniya, a dlayile Gedaliya, n'wana Ahikama, loyi hosi ya Babilona ingi yi n'wi vekile ku risa tiko.

BIBELE Mahungu Lamanene

¹⁸ va balekela Vakalediya. A va va chava, hikuva Iximaele n'wana Netaniya a a dlele Gedaliya n'wana Ahikama, kasi Gedaliya loyi a a vekiwile hi hosi ya Vakalediya leswaku a va mulanguteri wa tiko ra Yuda.

Yeremiya 41:18 Referans Kwoze

Yeremiya 40:5

Kakuloko a ha hlwela ku hlamula a ku eka yena: Tana u tlhelela eka Gedaliya, n'wana Ahikama n'wana Xafani, loyi hosi ya Babilona yi n'wi vekeke ku risa tiko ra Yuda, u tiakela na yena exikarhi ka tiko; kumbe hinkwako laha u ku vonaka leswaku ku sasekile eka wena ku ya kona, u nga famba.” Kutani ndhuna ya valanguteri, yi n'wi, nyika timbuva ni tinyiko, yi n'wi ha ndlela.

Yeremiya 42:16

matlhari lawa mi ma balekelaka ma ta ya mi kuma kona etikweni ra Egipta ni ndlala leyi mi yi chavaka, yi ta mi namarhela eEgipta, mi fela kona.

Yeremiya 42:11

Mi nga chavi hosi ya Babilona, leyi mi yi chavaka; mi nga yi chavi, ku vula Yehovha hikuva ndzi na n'wina, ku mi hanyisa ni ku mi lamulela emandleni ya yena.

Esaya 57:11

A wu tshukisiwa, a wu chavisiwa hi mani ku ndzi landzula, hi ku ka u nga ndzi tsundzukanga, u nga vulanga nchumu ha mina? Xana a ndzi miyelanga ni khale, kasi a ku ndzi chavanga.

2 TIHOSI 25:25

Kambe, hi n'hweti ya ntlhanu na timbirhi, Iximaele, n'wana Netaniya, n'wana Elixama wa rixaka ra hosi, a ta a ri ni vavanuna va khume, va tlhava Gedaliya, kutani a fa swin'we ni Vayuda, ni Vakalediya, lava ngi va ri na yena eMispa.

Yeremiya 42:1

Tindhuna hinkwato ta mavandla, ti ri na Yohanani, n'wana Kariyaka, na Yezaniya n'wana Hoxaya, ni tiko hinkwaro lavatsongo ni lavakulu, va tshinelela, va ku eka muprofeta Yeremiya:

2 TIHOSI 25:22

Loko va ri vanhu lava seleke etikweni ra Yuda, lava siyiweke hi Nebukadnetsara, hosi ya Babilona, hosi yi veka ehenhla ka vona Gedaliya n'wana Ahikama, n'wana Xafani.