Yeremiya 41:10 - Xitsonga (Bibele)

¹⁰ Kutani Iximaele a famba ni lava seleke va tiko va le Mispa, ni vanhwanyana va hosi, ni va tiko lava ngi va sele eMispa, lava Nebuzaradani ndhuna ya valanguteri, ingi a va vekile eku tiyiseni ka Gedaliya, n'wana Ahikama; Iximaele, n'wana Netaniya a famba na vona va bohiwile, a suka kona, a kongoma tiko ra vana va Amoni.

BIBELE Mahungu Lamanene

¹⁰ Iximaele a khoma ni vanhu hinkwavo lava a va sele eMispa, va nga vaaki va muti lava Nebuzaradani ndhuna ya vasirheleri a a va vekile ehansi ka Gedaliya n'wana Ahikama, a khoma ni vanhwana va le ntsindza, kutani a suka na vona hinkwavo a kongoma etikweni ra Vaamoni.

Yeremiya 41:10 Referans Kwoze

Yeremiya 40:14

“A hi ku, wa swi tiva leswaku Baalisi, hosi ya vana va Amoni, u rhumile Iximaele, n'wana Netaniya, ku ku dlaya xana?” Kambe Gedaliya, n'wana Ahikama, a nga pfumelanga.

Yeremiya 40:7

Tindhuna hinkwato ta mavandla lawa ngi ma ri enkoveni, ni vanhu va vona kuteloko va twa leswaku hosi ya Babilona yi vekile Gedaliya, n'wana Ahikama, ku risa tiko, ni leswaku a vekile emandleni ya yena vavanuna, ni vavasati, ni vana, ni swisiwana swa tiko swa lava nga yisiwangiki eku bohiweni eBabilona;

Nehemiya 2:19

Sanibalati, Muhoroni, na Tobiya nandza wa Muamoni, na Gexeme Muarabu, kuteloko va twile mhaka leyi, va tlanga ha hina, va hi hleka, va ku: “I xini lexi mi xi endlaka? Xana mi rhandza ku tiarisela eka hosi xana?”

Nehemiya 2:10

Sanibalati, Muhoroni, na Tobiya, nandza wa Muamoni, va va ni gome hi ku tlurisa, loko va twa leswaku ku fikile wanuna la nga ta endla vana va Israele vunene.

Yeremiya 39:6

Hosi ya Babilona yi dlaya vana va Sedekiyasi emahlweni ka yena eRibila; ni vakulukumba hinkwavo va Yuda, hosi ya Babilona yi va dlaya.

Yeremiya 22:30

Ku vula, Yehovha, a ku: “Tsalani munhu loyi la nga riki na vana munhu la nga tiki vaka na ku kateka emasikwini ya yena; hikuva ku nga ka ku nga vi na munhu wa nyimba ya yena ku tshama exiluvelweni xa Davhida, ni ku fuma va Yuda.”

Yeremiya 38:23

Vasati va wena hinkwavo, ni vana va wena va ta yisiwa eka Vakalediya, na wena u ta tsandzeka ku pona emavokweni ya vona, kambe u ta khomiwa hi voko ra hosi ya Babilona; kutani muti lowu, wu ta hisiwa hi ndzilo, hikwalaho ka wena.”