Yeremiya 41:1 - Xitsonga (Bibele)

¹ Hi n'hweti ya ntlhanu na timbirhi, Iximaele, n'wana Netaniya, n'wana Elixama, wa rixaka ra tihosi, ni ndhuna ya hosi, a ta eka Gedaliya, n'wana Ahikama, eMispa, a ri ni vanhu va khume, va tshama eswakudyeni swin'we eMispa.

BIBELE Mahungu Lamanene

¹ Hi n'hweti ya vu-7, Iximaele n'wana Netaniya wa Elixama, munhu wa yindlu ya vuhosi loyi a a ri un'wana wa tindhuna ta hosi Sedekiyasi, a teka vavanuna va khume, a ya na vona eka Gedaliya n'wana Ahikama le Mispa. Kutani Gedaliya a tshama na vona eswakudyeni kwale Mispa.

Yeremiya 41:1 Referans Kwoze

Yeremiya 40:8

va ta eka Gedaliya eMispa, a ri Iximaele, n'wana Netaniya, na Yohanani na Yonatani, vana va Kariyaka, na Seraya, n'wana Tanahumeti, ni vana va Efayi, wa Netofa, na Yezaniya, n'wana wa Mumaaka, va ri ni vanhu va vona.

Yeremiya 40:6

Kutani Yeremiya a ya eka Gedaliya, n'wana Ahikama, eMispa, a tshama kona eka yena exikarhi ka tiko leri seleke etikweni ra Yuda.

Pisalema 41:9

Na yena nakulorhi loyi ndzi n'wi tshembeke, Loyi a nga dya vuswa bya mina, u ndzi tlakusele xirhendze.

Yohane 13:18

A ndzi vuri n'wina hinkwenu, ndzi tiva lava ndzi va hlawuleke; kambe hileswaku Tsalwa ri ta endleka leri nge: ‘La dyaka vuswa na mina, u ndzi khadlanyile hi xirhendze.’

Ezekiele 17:13

Yi tekile n'wana un'wana wa hosi, yi endlile xinakulobye na yena, yi n'wi hlambanyisa, kambe yi susile vakulukumba va tiko,

Yeremiya 36:20

Kutani va ya eka hosi ehubyeni, va ya veka buku ekamareni ya Elixama mutsari, va byela hosi timhaka toleto hinkwato.

Yeremiya 36:12

a xikela endlwini ya hosi, ekamareni ya mutsari, kutani a vona vakulukumba va tshamile kona hinkwavo, a ri Elixama, mutsari, na Delaya n'wana Xemaya, na Elinatani n'wana Akibora, na Gemariya n'wana Xafani, na Sedekiyasi n'wana Hananiya ni vakulukumba hinkwavo.

Swivuriso 27:4

Ku kariha ku ni nsele, ku holova i ku tala ka nambu, Loko ma ri mavondzo i mani a nga ta yima emahlweni ka wona?

Swivuriso 13:10

Ku tikukumuxa ku humesa ku hambana; Kambe vutlhari byi le ka lava pfumelaka ku tsundzuxiwa.

Pisalema 109:5

Va ndzi rihisele vunene hi ku biha, Ni rirhandzu hi rivengo.

2 TIKRONIKA 22:10

Ataliya, mana wa Ahaziya, kuteloko a vonile leswaku n'wana wa yena u file, a pfuka, a heta rixaka hinkwaro ra yindlu ya tihosi ta Yuda.

2 TIHOSI 25:25

Kambe, hi n'hweti ya ntlhanu na timbirhi, Iximaele, n'wana Netaniya, n'wana Elixama wa rixaka ra hosi, a ta a ri ni vavanuna va khume, va tlhava Gedaliya, kutani a fa swin'we ni Vayuda, ni Vakalediya, lava ngi va ri na yena eMispa.

2 TIHOSI 11:1

Ataliya, mana wa Ahaziya, kuteloko a vonile leswaku n'wana wa yena a file, a pfuka, a dlaya vanhu hinkwavo va yindlu ya hosi.

2 SAMIELE 3:27

Kuteloko Abinere a vuyile eHebroni, Yowabu a n'wi vitana hitlhelo enyangweni ku vulavula na yena khwatsi; kavaloko a n'wi tlhava khwiri, a fa, ku ri hikwalaho ka ngati ya makwavo Asahele.

Yeremiya 39:14

va rhuma ku ya humesa Yeremiya erivaleni ra yindlu ya khotso, va n'wi veka emavokweni ya Gedaliya, n'wana Ahikama n'wana Xafani, a ta n'wi yisa endlwini ya yena, kutani Yeremiya a sala exikarhi ka vanhu va tiko.

Yeremiya 40:5

Kakuloko a ha hlwela ku hlamula a ku eka yena: Tana u tlhelela eka Gedaliya, n'wana Ahikama n'wana Xafani, loyi hosi ya Babilona yi n'wi vekeke ku risa tiko ra Yuda, u tiakela na yena exikarhi ka tiko; kumbe hinkwako laha u ku vonaka leswaku ku sasekile eka wena ku ya kona, u nga famba.” Kutani ndhuna ya valanguteri, yi n'wi, nyika timbuva ni tinyiko, yi n'wi ha ndlela.

Yeremiya 40:13

Kambe Yohanani, n'wana Kariyaka ni tindhuna hinkwato ta mavandla lawa ngi ma ri enhoveni, va ta eka Gedaliya eMispa, va ku eka yena:

2 TIHOSI 25:22

Loko va ri vanhu lava seleke etikweni ra Yuda, lava siyiweke hi Nebukadnetsara, hosi ya Babilona, hosi yi veka ehenhla ka vona Gedaliya n'wana Ahikama, n'wana Xafani.

Yeremiya 40:7

Tindhuna hinkwato ta mavandla lawa ngi ma ri enkoveni, ni vanhu va vona kuteloko va twa leswaku hosi ya Babilona yi vekile Gedaliya, n'wana Ahikama, ku risa tiko, ni leswaku a vekile emandleni ya yena vavanuna, ni vavasati, ni vana, ni swisiwana swa tiko swa lava nga yisiwangiki eku bohiweni eBabilona;