Yeremiya 40:11 - Xitsonga (Bibele)

¹¹ Kambe Vayuda hinkwavo lava ngi va ri etikweni ra Mowabu, ni le tikweni ra vana va Amoni, ni ra Vaedomu, ni lava ngi va ri ematikweni hinkwawo ya matlhelo, va twa leswaku hosi ya Babilona yi siyele Yuda masalela ni leswaku yi vekile Gedaliya, n'wana Ahikama, n'wana Xafani, murisi wa vona.

BIBELE Mahungu Lamanene

¹¹ Va ka Yuda hinkwavo lava nga tikweni ra Mowabu, ni le xikarhi ka Vaamoni, ni le tikweni ra Edomu, ni le matikweni man'wana, na vona va twa leswaku hosi ya Babilona yi tshikile vanhu van'wana va titshamela etikweni ra Yuda, ni leswaku yi vekile Gedaliya n'wana Ahikama wa Xafani ku va mulanguteri wa vona.

Yeremiya 40:11 Referans Kwoze

Esaya 16:4

Vabaleki va Mowabu a va luvele eka wena! U va xichavelo xa vona eka mulovisi! Hikuva fumu ri ta suka ku phanga ku ta hela, vaxanisi va ta sukela tiko.

Ezekiele 35:15

Kukotisa loko u tsakele rifu ra yindlu ya Israele, hilaha ingi ri onhake hakona, ndzi ta ku endla sweswo; u ta va mananga wena ntshava ya Seyira, ni tiko ra Edomu hinkwaro; va ta tiva leswaku hi mina Yehovha.

Ezekiele 35:5

“Hikuva u ve ni rivengo leri nga heriki, u nyiketele vana va Israele fumu hi nkarhi wa ku karhateka ka vona, hi nkarhi wa ku hela ka leswo biha swa vona.

Ezekiele 25:12

“Hosi Yehovha u ri: Hikwalaho ka ku endla ka va ka Edomu eku tlheriseleni loko nonon'hwa eka yindlu ya Yuda, va tiendlele nandzu ngopfu hi ku tirihisela eka yona.

Ezekiele 25:8

“Hosi Yehovha u ri: Leswi Mowabu na Seyira va nga te: Vonani, yindlu ya Yuda yi fana ni matiko hinkwawo;

Ezekiele 25:6

“Hikuva Hosi Yehovha u ri: Leswi u phakateke mandla ya wena ni ku raha hi nenge, kutani u tsakele xisolo xa tiko ra Israele hi moya wa wena hinkwawo;

Ezekiele 25:2

“N'wana wa munhu, langutisisa mombo wa wena eka vana va Amoni, u va profetela;

Ezekiele 5:12

Ku avanyisa ka vunharhu ka vaaki va n'wina ku ta lova hi ntungu ni ndlala; ni ku avanyisa kun'wana ka vunharhu ku ta lova hi tlhari ekusuhi na wena, kutani ku avanyisa ka vunharhu kun'wana, ndzi ta ku hangalasa hi matlhelo hinkwawo, ndzi va hlongorisa hi tlhari.

Ezekiele 5:3

U ta teka kambe misisi yin'wana, u yi phutsela engubyeni ya wena.

Yeremiya 24:9

Ndzi ta va nyiketa eku xanisekeni ni le makhombyeni, eku fumeni hinkwako ka misava, va ta va xisandzu, va soriwa, va va xikombiso ni ku rhukaniwa ematlhelweni hinkwawo, laha ndzi nga ta va hangalasela kona.

1 SAMIELE 12:12

Kuteloko mi vonile Nahaxi, hosi ya vana va Amoni, a ta ku lwa na n'wina, mi te eka mina: ‘E-e, kambe hosi yi ta hi fuma,’ kambe Yehovha, Xikwembu xa n'wina, a yi ri hosi ya n'wina.

1 SAMIELE 11:1

Kutani Nahaxi, wa ka Amoni, a ya dzima mixaxa kusuhi na Yabexe wa Giliyadi ku ya hlasela; kutani vanhu hinkwavo va Yabexe va ku eka Nahaxi: “Endla xinakulobye na hina, hi ta ku tirhela.”

Tinhlayo 25:1

Israele a a tshamile Xitimi, kutani tiko ri sungula ku tinyiketa vuoswi ni vanhwanyana va Mowabu.

Tinhlayo 22:1

Vana va Israele va suka, va ya gova erivaleni ra Mowabu, endzhandzheni wa Yordani, ku lavana na Yeriko.

Genesa 36:8

Kavaloko Esawu a ya aka entshaveni ya Seyira; Esawu hi yena Edomu.

Tinhlayo 25:2

Va vitana tiko emagandzelweni ya swikwembu swa vona, kutani tiko ri dya, ri khinsama emahlweni ka swikwembu swa vona.

Esaya 11:14

Va ta hahela ekhatleni ra Vafilista evupeladyambu, va ta hlasela kun'we vana va le vuxeni; va ta khoma Edomu na Mowabu, ni vana va Amoni, va ta va luva.

Yeremiya 9:26

Egipta, na Yuda, na Edomu, ni vana va Amoni, na Mowabu, hinkwavo lava byewulaka malebvu, lava akeke emananga: hikuva i matiko hinkwawo lama nga yimbangiki; kambe ni yindlu hinkwayo ya Israele a yi yimbisangi mbilu.”

Yeremiya 41:10

Kutani Iximaele a famba ni lava seleke va tiko va le Mispa, ni vanhwanyana va hosi, ni va tiko lava ngi va sele eMispa, lava Nebuzaradani ndhuna ya valanguteri, ingi a va vekile eku tiyiseni ka Gedaliya, n'wana Ahikama; Iximaele, n'wana Netaniya a famba na vona va bohiwile, a suka kona, a kongoma tiko ra vana va Amoni.

Yeremiya 43:5

Kambe Yohanani, n'wana Kariyaka, ni tindhuna hinkwato ta mavandla, va teka masalela hinkwawo ya Yuda, lava ngi va tlherile ematikweni hinkwawo lomu va nga hangalakela kona, ku ta aka etikweni ra Yuda,

Ezekiele 34:6

Tinyimpfu ta mina ti yingayinga etintshaveni hinkwato, ni le henhla ka swintshabyana hinkwaswo leswo tlakuka; tinyimpfu ta mina ti hangalaka emisaveni hinkwayo, ku nga ri na loyi a ti lavisisaka, ku nga ri na loyi a ti lavaka.

Yeremiya 43:6

vavanuna, ni vavasati, ni vana, ni vanhwanyana va hosi, ni vanhu hinkwavo lava Nebuzaradani, ndhuna ya valanguteri, ingi yi va siyile eka Gedaliya, n'wana Ahikama, n'wana Xafani, na yena muprofeta Yeremiya, na Baruku n'wana Neriya,