Yeremiya 40:10 - Xitsonga (Bibele)

¹⁰ Loko ndzi ri mina vonani, ndzi ya aka eMispa, ku yima emahlweni ka Vakalediya lava nga ta ta eka hina; kutani n'wina hlengeletani vhinyo, ni mihandzu, ni mafurha, mi swi veka etimbiteni ta n'wina, kutani mi aka emitini leyi mi nga eka yona.”

BIBELE Mahungu Lamanene

¹⁰ Mina ndzi ta tshama kwala Mispa, ndzi mi yimela emahlweni ka Vakalediya loko va tshuka va ta eka hina. N'wina mi ta hlengeleta vhinyo, ni mihandzu leyi vupfeke, ni mafurha, mi swi chela eswibyeni swa kona, kutani mi ya titshamela emitini leyi mi yi tekeke.”

Yeremiya 40:10 Referans Kwoze

Yeremiya 40:12

Kutani Vayuda hinkwavo va tlhelela etindhawini hinkwato leti ngi va hangalakile eka tona, va tlhelela etikweni ra Yuda eka Gedaliya eMispa, va hlengeleta vhinyo, ni mihandzu ya ku tala ngopfu.

Yeremiya 48:32

Hi mikosi ya Yazere, ndzi ta ku rilela, wena vhinya ya Sibima, wena loyi marhavi ya wena ma nga pela lwandle ku ya fika elwandle ra Yazere! Muonhi u wele emihandzwini ya yena, ni le ku tshoveleni ka yena.

Yeremiya 39:10

Kambe loko swi ri swisiwana swa tiko, lava nga riki na nchumu, Nebuzaradani, ndhuna ya valanguteri, a va siya etikweni ra Yuda, a va nyika siku lero tivhinya ni masimu.

Yeremiya 35:19

hikwalaho, ku vula Yehovha, Xikwembu xa Israele, ku nga ka ku nga pfumaleki ntukulu wa Yonadabu, n'wana Rekaba, la yimaka emahlweni ka mina, ni siku ni rin'we.”

Esaya 16:9

Ndza rilela hi swirilo swa Yazere tivhinya ta Sibima; ndzi ku tsakamisa hi mihloti ya mina, wena Hexiboni, na wena Eleyale; hikuva huwa ya mukhuvuti yi wele ehenhla ka mihandzu ni tinhulu ta wena.

2 SAMIELE 16:1

Davhida, kuteloko a hundzanyanile nhlohlorhi, ku ta Siba, nandza wa Mefiboxete, emahlweni ka yena, a ri ni timbhongolo timbirhi leti rhwaleke swinkwa swa madzana mambirhi, ni mabuwu ya dzana ya vhinya leyi omeke, ni dzana ra mabuwu ya mihandzu ya hlovo, ni nghotsa ya vhinyo.

Duteronoma 1:38

Yoxuwa, n'wana Nuni, la yimaka emahlweni ka mina, u ta nghena kona; n'wi tiyise, hikuva hi yena loyi a nga ta nyika Vaisraele tiko, yi va ndzhaka ya yena.

Luka 21:36

Hitekani-ke, mi khongela hi mikarhi hinkwayo, leswaku mi ta tiva ku pona eka swilo hinkwaswo leswi nga ta humelela ni ku yima emahlweni ka N'wana wa Munhu.”

Mikiya 7:1

Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.

Yeremiya 40:6

Kutani Yeremiya a ya eka Gedaliya, n'wana Ahikama, eMispa, a tshama kona eka yena exikarhi ka tiko leri seleke etikweni ra Yuda.

Swivuriso 22:29

Xana u tsundzukile munhu la gingiritekaka emitirhweni ya yena-ke? U ta yima emahlweni ka tihosi, A nga ka a nga yimi emahlweni ka vanhu ntsena.

Duteronoma 16:13

“U ta va ni nkhuvo wa mitsonga hi masiku ya ntlhanu na mambirhi; kutakuloko u hlengeletile mihandzu ya xivuya xa wena, ni ya xikhuvuto xa wena,

1 TIHOSI 10:8

Ku katekile vanhu va wena, ku katekile malandza ya wena lama yimaka hi masiku emahlweni ka wena, lama yingisaka vutlhari bya wena!

Swivuriso 27:25

Byanyi bya susiwa, rihlaza ra humelela, Ku laviwa byanyi etintshaveni.

Yeremiya 43:5

Kambe Yohanani, n'wana Kariyaka, ni tindhuna hinkwato ta mavandla, va teka masalela hinkwawo ya Yuda, lava ngi va tlherile ematikweni hinkwawo lomu va nga hangalakela kona, ku ta aka etikweni ra Yuda,