Yeremiya 4:4 - Xitsonga (Bibele)

⁴ Yimbelani Yehovha, kutani mi yimbisa timbilu ta n'wina, n'wina vanhu va Yuda, na n'wina lava akeke eYerusalema, swi nga ri leswaku ku kariha ka mina ku nga humi kukotisa ndzilo, kutani ka mi hisa, ku nga timiwi, hikwalaho ka ku biha ka timbilu ta n'wina.

BIBELE Mahungu Lamanene

⁴ N'wina vanhu va tiko ra Yuda, na n'wina mi akeke eYerusalema, tinyiketeni eka mina hi mbilu hinkwayo, mi tshika ku tinonon'hwisa. Loko swi nga ri tano, mi ta hisiwa hi vukari bya mina hikwalaho ka mintirho ya n'wina leyo biha; a ku nga vi na loyi a nga ta tima ndzilo wa kona!”

Yeremiya 4:4 Referans Kwoze

Duteronoma 10:16

Yimbisani timbilu ta n'wina, mi nga ha nonon'hwisi mikolo ya n'wina;

Vakolosa 2:11

Na swona, mi yimbisiwile eka yena hi ngoma leyi nga endliwangiki hi mavoko, eku suseni ka miri wa nyama, yi nga ngoma ya Kriste;

Duteronoma 30:6

Yehovha, Xikwembu xa wena, u ta yimbisa mbilu ya wena, ni timbilu ta vatukulu va wena leswaku u rhandza Yehovha, Xikwembu xa wena, hi mbilu hinkwayo ya wena, ni moya hinkwawo wa wena, leswaku u hanya.

Yeremiya 9:26

Egipta, na Yuda, na Edomu, ni vana va Amoni, na Mowabu, hinkwavo lava byewulaka malebvu, lava akeke emananga: hikuva i matiko hinkwawo lama nga yimbangiki; kambe ni yindlu hinkwayo ya Israele a yi yimbisangi mbilu.”

Yeremiya 21:12

n'wina yindlu ya Davhida! Yehovha u ri: “Avanyisani hi ku lulama ka ha ri mixo; mi lamulela xisiwana emavokweni ya loyi a n'wi xanisaka, leswaku vukari bya mina byi nga pfurhi kukotisa ndzilo, kutani wu hisa ku nga ri na loyi a wu timhaka hikwalaho ka vumbabva bya ku endla ka n'wina.” ’

Amosi 5:6

Lavani Yehovha, mi ta hanya, leswaku a nga tshuki a wela yindlu ya Yosefa tanihi ndzilo, kutani ndzilo wolowo wu herisa Betele, ku nga ri na munhu la wu timaka.

Sofoniya 2:2

ku nga si ta siku lero kukotisa mungu lowu hahisiwaka vukari bya ku pfurha ka Yehovha byi nga si ta eka n'wina hi siku ra vukari bya Yehovha.

Ezekiele 20:33

Ndza hanya, ku vula Hosi Yehovha, hi xandla lexi nga ni matimba, ni voko leri tshalambutiweke, ni vukari lebyi chuluriweke, ndzi ta fuma ehenhla ka n'wina.

Ezekiele 24:13

Ku biha ku kona ethyakeni ra wena, kasi ndzi ku hlantswile, hambiswiritano, a ku tenganga; a ku nga ha hlantswiwi thyaka ra wena ku fikela loko ndzi korwise vukari bya mina ha wena.

Swirilo 4:11

Yehovha u hetisile vukari bya yena; U halatile vukari lebyi pfurhaka bya yena. Kutani u tshiverile ndzilo eSiyoni, Lowu nga dya masungulo ya yena.

Ezekiele 24:8

Hileswaku vukari byi humelela, leswaku ndzi byi hetisa eka wona, hilaha ndzi vekeke hakona ngati ya wona etambeni leri omeke, leswaku yi nga tshuki yi funengetiwa.

Ezekiele 16:38

Ndzi ta ku avanyisa hilaha nsati wa vuoswi ni loyi a halataka ngati va avanyisiwaka hakona. Mina ndzi ta halata ngati ya wena hi rilondzo ni vukari.

Ezekiele 8:18

Loko ndzi ri mina, ndzi ta endla hi vukari bya mina; tihlo ra mina ri nga ka ri nga tsetseleri, ri ta pfumala tintswalo. Hambi va ta huwelela etindleveni ta mina hi rito lero tlakuka, ndzi nga ka ndzi nga va yingisi.”

Ezekiele 6:12

La nga ta va ekule u ta fa hi ntungu, la nga ta va ekusuhi u ta wisiwa hi fumu, la nga ta sala u ta lovisiwa hi ndlala. Hi mukhuva lowo ndzi ta hetisa ehenhla ka vona vukari bya mina.

Yeremiya 36:7

Kumbe va ta veka xikhongelo xa vona emahlweni ka Yehovha, va hundzuka un'wana ni un'wana emikhuveni ya yena leyo biha, hikuva ku kariha ku kurile, na kona ku leva kukulu loku Yehovha a ku vuleke ehenhla ka tiko leri.”

Yeremiya 23:19

Vona, xihuhuri xa Yehovha hi xolexo; vukari lebyi hisaka byi humile ehandle, xihuhuri lexi huhutelaka xi ta huhutela etinhlokweni ta lavo biha.

Yeremiya 21:5

Kutani mina hi xiviri, ndzi ta lwa na n'wina hi voko leri tlakukeke, ni voko ro nonon'hwa, hi ku hlunama, ni ku kariha, ni ku leva lokukulukumba.

Esaya 51:17

Pfuka, pfuka, Yerusalema, la nweke evokweni ra Yehovha ndzheko wa vukari bya yena, la nweke, a va a heta ndzheko wa ku pyopyisa!

Levhitika 26:28

ndzi ta lwa na n'wina hi matimba, ndzi mi ba kambe kantlhanu na kambirhi, hikwalaho ka ku dyoha ka n'wina.

Ezekiele 21:17

“Rila, u huwelela, n'wana wa munhu, hikuva fumu ri ta va ehenhla ka vanhu va mina, ri ta va ehenhla ka tihosana hinkwato ta Israele; ti nyiketiwa fumu kun'we ni vanhu va mina. Loko swi ri tano, phakata endzhumbini wa wena!

Ezekiele 18:31

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?

Duteronoma 32:22

Hikuva ndzilo wa vukari bya mina wu tshiveriwile, Wu ta pfurha ku fikela endhawini ya lava feke, Wu ta hisa misava ni mihandzu ya yona, Wu hisa ni masungulo ya tintshava.

Varhoma 2:25

Kunene ku yimba ka pfuna loko u hlayisa nawu, kambe loko u ri mutluri wa nawu, ku yimba ka wena ku ta va ku hundzukile vukhuna.

Levhitika 26:41

(kambe na mina ndzi lwile na vona, kutani ndzi va nghenisile etikweni ra valala va vona); kutakuloko timbilu ta vona leta ku ka ti nga yimbanga ti titsongahata, ni loko va amukela ku biwa ka milandzu ya vona,

Esaya 10:17

Ku vonakala ka Israele ku ta hundzuka ndzilo, ni Mukwetsimi wa yena ri ta va langavi leri hisaka, ri va ri heta mitwa ni swigatlu swa yena hi siku rin'we.

Esaya 30:33

Hikuva khale, tlhelo leri fanaka ni ra Tofete ri lunghisiwile, ku lunghiseriwele hosi xi ri xikhele lexi ahlameke, ni nhulu ya tihunyi leti nga ta n'wi hisa hi ndzilo, ni tihunyi to tala; ku hefemula ka Yehovha ku hisa ku kota nambu wa xivavula.

Yeremiya 9:25

“Vonani, ma ta masiku walawo,” ku vula Yehovha, “ndzi nga ta tshinya ha wona lava yimbeke hinkwavo ni lava nga yimbangiki.

Yeremiya 44:22

Yehovha a nga kotanga ku ya emahlweni ku swi rhwala hikwalaho ka vudyoho bya mitirho ya n'wina ni manyala lawa mi ma endleke; kutani tiko ra n'wina ri hundzukile mananga, tiko leri onhiweke, leri soriweke, leri nga akiwiki hilaha swi voniwaka namuntlha.

Ezekiele 44:7

lawa mi nga nghenisa ha wona vamatiko lava va makhuna etimbilwini, ni le nyameni, evukwetsimelweni bya mina, va tshama eka byona ku nyamisa yindlu ya mina, loko mi humesa vuswa bya mina, ni mafurha, ni ngati; hi sweswo va tlurile ntwanano wa mina hikwalaho ka manyala hinkwawo ya n'wina.

2 TIKRONIKA 34:25

Hikuva va ndzi tshikile va hisele swikwembu swin'wana mirhi ya risuna, va ta ndzi pfuka hi mitirho hinkwayo ya mavoko ya vona; hikwalaho vukari bya mina byi pfurhela ndhawu leyi, byi nga ka byi nga timeki.”

Yeremiya 15:14

Kambe ndzi ta va heta kun'we ni lava nga valala va wena etikweni leri u nga ri tiviki, hikuva ndzilo wu pfurhile eku kariheni ka mina, wu mi pfurhelile.”