Yeremiya 4:31 - Xitsonga (Bibele)

³¹ Hikuva ndzi twa nkosi wo nge i wa la velekaka, mikosi ya wansati la nga ekhombyeni ra ku veleka n'wana wa mativula; i nkosi wa nhwanyana wa Siyoni, a hefemuteka, a ri karhi a tshambuluta mavoko a ku: “Yo! Yowee! Moya wa mina wu tikeriwile hi vadlayi.”

BIBELE Mahungu Lamanene

³¹ Ndzi twa munhu la konyaka ku fana ni wansati loyi a nga ku velekeni ka n'wana wa yena wa mativula. I Siyoni la heleriwaka hi moya; ú tshambuluta mavoko a ku: “Ndzi lamuleleni! Valala va lava ku ndzi dlaya!”

Yeremiya 4:31 Referans Kwoze

Swirilo 1:17

“Siyoni u tshambulutile mavoko, Ku hava la n'wi chavelelaka. Yehovha u lerisile valala va Yakobo leswaku va n'wi rhendzela: Yerusalema, u hundzukile xisandzu exikarhi ka vona.

Esaya 1:15

Loko mi tshambuluta mavoko ya n'wina, ndzi mi sirhelela mahlo ya mina; loko mi andzisa mikhongelo ya n'wina, a ndzi yingisi; mavoko ya n'wina ma tele ngati.

Yeremiya 13:21

“U ta ku yini, siku ku vekiwaka ehenhla ka wena ku ku fuma, lava u va toloveteke rirhandzu ra wena xana? Xana u nga ka u nga khomiwi hi ku vaviseka, kukotisa wansati la velekaka-ke?

1 Vatesalonika 5:3

Hikuva siku va nga ta ku: “Ku rhurile, ku tsakiwile!” Hilaha ku onhaka loku nga languteriwangiki ku nga ta va wela ehenhla, kukota mbeleko loko yi humelela la tikeke, va nga ka va nga poni.

1 Vakorinto 9:16

Hikuva hambi ndzi vula Evhangeli, kwalaho a ndzi na lexi ndzi nga tidzunisaka ha xona, hikuva nawu wu kona lowu ndzi boheke; kutani ku ni khombo eka mina loko ndzi nga vuri Evhangeli!

Matewu 21:5

“Byelani N'wana Siyoni, mi ku: Waswivo, Hosi ya wena hi yona leyi taka eka wena yi olovile, yi khandziyile mbhongolo, n'wana wa mbhongolo.”

Mikiya 7:1

Yo mina! Ndzi kotisa nsimu loko ku tshoveriwe mihandzu ya yona, ni nsimu ya tivhinya leyi nkun'hurisiweke; a ka ha ri na xidzumba xa vhinya lexi nga dyiwaka, ni swingana swa nkuwa leswi rhandziwaka hi moya wa mina.

Hosiya 13:13

Ku vaviseka ka mbeleko ku ta n'wi humelela. Yeloyi i n'wana wa xihunguki, hikuva a nga tihumelerisi enkarhini wa kona, leswaku a tswariwa.

Swirilo 2:21

Lavantshwa ni lava kuleke va latene ehansi etimbaleni, Vanhwana ni majaha va mina va wele ehansi hi fumu; Kunene u dlele siku ra vukari bya wena, U dlayile, kutani a wu vanga u tsetselela.

Swirilo 1:20

“Yehovha, languta mahlomulo ya mina! Marhumbu ya mina ma pfuma, Mbilu ya mina yi hundzukile endzeni ka mina, Hikuva ndzi tiarisile ngopfu. Ehandle tlhari ri dlayile vana va mina; endzeni, i rifu ntsena.

Yeremiya 50:43

Hosi ya Babilona yi yingisa mhaka ya vona, kutani mavoko ya yona ma hela matimba; khombo ri yi khomile, ni ku vava loku fanaka ni ka wansati loko a veleka.

Yeremiya 49:24

Damaska u tsanile, u tilunghisele ku baleka, kambe wa rhurhumela; khombo ni ku vaviseka ku n'wi khomile kukotisa loyi a velekaka.

Yeremiya 49:22

Vonani, wa tlhandluka kukota gama, u haha, u andlala timpapa ta yena hitlhelo ra Bosira, kutani hi siku lero timbilu ta tinhenha ta Edomu ti ta kota mbilu ya wansati la velekaka.”

Yeremiya 48:41

Keriyoto u khomiwile, ni makhokholo ma ngheniwile. Esikwini leri, timbilu ta tinhenha ta Mowabu ti ta kotisa mbilu ya wansati la velekaka.

Yeremiya 45:2

“Ku vula Yehovha, Xikwembu xa Israele, eka wena, Baruku:

Yeremiya 30:6

Ma nga vutisa mi ta vona xana wanuna a nga veleka xana? Ndzi vonisile ku yini mavoko ya wanuna un'wana ni un'wana loko ma le xisutini xa yena, kukotisa wansati la velekaka; kutani mombo wa un'wana ni un'wana wu hundzukele yini?

Yeremiya 22:23

Wena, muaki wa Lebanoni, la akeke emarhavini ya tikedari, u ta kolorisa ku yini, siku khombo ri ku humelelaka, ri ri khombo leri fanaka ni ra muveleki!”

Yeremiya 18:21

Hikwalaho, nyiketa ndlala vana va vona, u va tshiketela fumu; vasati va vona a va feriwe hi vana va ve tinoni, kutani vanuna va vona a va dlawe hi rifu, ni majaha ya rikwavo a ma tlhaviwe hi fumu enyimpini!

Yeremiya 15:18

Kambe ku vaviseka ka mina ku kona hilaha ku nga heriki, ni mbanga ya mina a yi ongoriwi ha yini xana? Yi alela yini ku hola? Xana eka mina u ta va xihlovo lexi kanganyisaka, kumbe mati lama phyeke xana?

Yeremiya 14:18

Loko ndzi humela ehandle, ku vonaka lava tlhaviweke hi fumu; ni loko ndzi nghena emutini, ku vonaka lava faka hi ndlala. Kambe loko a ri muprofeta ni muprista, va tsendzeleka etikweni leri va nga ri tiviki.’ ”

Yeremiya 10:19

Yo! Yowee! Ndzi tshovekile! Mbanga ya mina ya pandza! Kambe ndzi ri: “Hakunene, hi rona khombo ra mina, swi ndzi fanele ku swi yingisela.”

Yeremiya 6:2

Ndzi ya onha n'wana Siyoni, la sasekeke, la hanyaka hi leswo nandziha.

Esaya 42:14

U ri: “Ndzi miyerile khale, ndzi ku ntsee, ndzi va ndzi tikhoma; sweswi ndzi ta rila tanihi wansati la velekaka, evukarini bya mina ndzi ta tlhakama; ndzi onha tintshava ni switsunga,

Esaya 21:3

Hikwalaho swisuti swa mina swi tele ku vaviseka; ku lun'wa ku ndzi khomile tanihi loko wansati a veleka; ndza solovanya loko ndzi n'wi twa, ndzi tshukile loko ndzi n'wi vona.

Esaya 13:8

Va tlhakamile, gome ni mapfalo swi va khomile; va hlalavandzeka tanihi wansati la velekaka, va langutana va huwelela; mimombo ya vona yi tshwukile tanihi ndzilo.

Esaya 6:5

Kutani ndzi ku: “Yo mina! Ndzi lovile! Hikuva ndzi munhu wa milomu ya thyaka, ndzi akile exikarhi ka tiko ra milomu ya thyaka, kutani mahlo ya mina ma vonile Hosi, Yehovha wa tinyimpi!”

Pisalema 120:5

Khombo ra mina loko ndzi akile Mexeke, Loko ndzi tshamisa emitsongeni ya Kedari.

Ntirho 10:1

“Mbilu ya mina yi phiriwile hi vutomi bya mina! Ndzi fanela ku nyika ku dzumadzuma ka mina nkarhi, Ndzi vulavula eku vavisekeni ka moya wa mina.

Genesa 27:46

Kutani Rhaveka a ku eka Isaka: “Ndzi nyenya vutomi hikwalaho ka vana va Vahiti; kungakuloko Yakobo a teka exikarhi ka vanhwana va Vahiti nsati la kotisaka volavo, exikarhi ka vanhwana va tiko leri, vutomi byi nga ndzi pfuna yini xana?”

Esaya 26:17

Tanihi wansati la tikeke loko a ri eku velekeni, a solovanya, a ba huwa eku vavisekeni ka yena, na hina a hi rhurhumerisa sweswo emahlweni ka wena, oho Yehovha!

Mikiya 4:9

Kasi hi leswo yini loko u huwelela hi matimba? Xana a ka ha ri na hosi, kumbe mutsundzuxi wa wena u lovile, leswi ku vaviseka ku ku khomeke hi matimba, kukotisa wansati loko a veleka.

Mikiya 4:10

Khuna, u twa ku vaviseka, n'wana Siyoni, kukotisa muveleki; hikuva u ta huma emutini, u ta tshama enhoveni, u ya fika ni le Babilona. Hi kona u nga ta tshunxiwa, Yehovha u ta ku kutsula emavokweni ya valala va wena.