Yeremiya 4:3 - Xitsonga (Bibele)

³ Hikuva, Yehovha u vula eka vanhu va Yuda ni va Yerusalema, a ku: “Halulani mafusi ya n'wina, kambe mi nga byari exikarhi ka mitwa!

BIBELE Mahungu Lamanene

³ HOSI Xikwembu xi vulavula ni lava akeke etikweni ra Yuda ni le Yerusalema, xi ku ka vona: “Lulamisani masimu ya n'wina mi sungula ku rima, mi nga haxi mbewu emitweni.

Yeremiya 4:3 Referans Kwoze

Hosiya 10:12

Mi tibyalela hi ku lulama, mi tshovela hi vunene; mi tirimela vuhalulo lebyintshwa; hikuva i nkarhi wa ku lava Yehovha, a kondza a ta, a mi nisela ku lulama.

Luka 8:14

Leswi weleke emitweni, hi lava yingiseke rito, kambe va famba, va ri tshika ri funengetiwa hi ku vilela, ni ku rhandza ku fuwa, ni ku titsakela ka vutomi lebyi, kutani va nga ha veki mihandzu leyi vupfaka.

Luka 8:7

Tin'wana ti wela emitweni, kutani mitwa yi mila swin'we na tona, yi ti hungela, ti fa.

Matewu 13:7

Tin'wanyana ti wela exikarhi ka mitwa; kutani mitwa yi kula, yi ti kama.

Marka 4:7

Tin'wana timbewu ti wela emitweni, yona mitwa loko yi kula yi ti dlaya kutani ti tsandzeka ku veka mavele.

Matewu 13:22

Loko a ri loyi a byariweke emitweni, i munhu la yingisaka rito, kambe a tikarhatela swilo swa misava, ni ku kanganyisiwa hi xuma; kutani swi tsondziyela rito, ri ko ri nyumba.

Genesa 3:18

yi ta ku mirisela mitwa ni mahlwehlwe, u ta dya byanyi bya nhova.

Eksoda 23:11

kambe hi lembe ra vuntlhanu na mambirhi, u ta yi tshika yi etlela; kutani swisiwana swa tiko ra rikwenu swi ta dya mihandzu ya yona, kutani leswi salaka, swi ta dyiwa hi swiharhi. U ta endlisa sweswo hi vhinya ya wena ni mitlhwari ya wena.