Yeremiya 4:27 - Xitsonga (Bibele)

²⁷ Hikuva Yehovha u vurile, a ku: “Tiko hinkwaro ri ta hundzuka mananga kambe ndzi nga ka ndzi nga ri heriseli makumu.

BIBELE Mahungu Lamanene

²⁷ HOSI Xikwembu xi vurisa sweswo xi ri: “Tiko hinkwaro ri ta hundzuka mananga (hambileswi ndzi nga ta ka ndzi nga ri heriseli makumu),

Yeremiya 4:27 Referans Kwoze

Yeremiya 46:28

Wena u nga chavi nandza wanga, Yakobo, ku vula Yehovha, hikuva ndzi na wena; hikuva ndzi ta herisa matiko hinkwawo lawa ndzi ku hangalaseleke exikarhi ka wona; loko u ri wena ndzi nga ka ndzi nga ku herisi, ndzi ta ku holovela hi mpimo; hikuva ndzi tsandzeka ku ku tshika u nga layiwi.”

Yeremiya 5:18

Hambiswiritano, hi siku rero, ku vula Yehovha, ndzi nga ka ndzi nga mi heriseri makumu.

Yeremiya 5:10

“Khandziyani emarhangwini ya yena, mi mbundzuxa, kambe ku nga vi ku ya herisela emakumu; tsuvulani vhinya ya yena; hikuva a hi vhinya ya Yehovha.

Yeremiya 30:11

Hikuva, ndzi na wena ku ku ponisa, ku vula Yehovha; hikuva ndzi ta heta hinkwako matiko hinkwawo lawa ndzi ku hangalaseke ka wona; kambe wena ndzi nga ka ndzi nga ku herisi, ndzi ta ku laya hi ku lulama, a ndzi nga ku tshiki ntsena u nga avanyisiwanga.

Ezekiele 11:13

Loko ndzi ri karhi ndzi profeta, Pelatiya, n'wana Benaya, a fa; kutani ndzi wa hi mombo wa mina, ndzi huwelela hi rito leri tlakukeke, ndzi ku: “Yo! Hosi Yehovha! Xana u ta lovisa lava seleke Vaisraele xana?”

Levhitika 26:44

Kambe, hambi va nghenile etikweni ra valala va vona, ndzi nga ka ndzi nga va cukumeti, ndzi nga ka ndzi nga va tshiki ndzi ko ndzi va heta, ndzi va ndzi tlula ntwanano wa mina na vona: hikuva hi mina Yehovha, Xikwembu xa vona.

Ezekiele 33:28

Ndzi ta endla tiko emananga ni rhumbi, ku tikukumuxa ka matimba ya rona ku ta hela, tintshava ta Israele ti ta onhaka, a ku nga vi na un'we la nga hundzaka eka tona.

Ezekiele 6:14

Ndzi ta va tshambulutela voko ra mina, ndzi onha tiko ra vona, ri ta tlula mananga ya Ribila hi ku biha ka rona, hinkwako laha va tshamaka kona; kutani va ta tiva leswaku hi mina Yehovha.”

Yeremiya 18:16

kutani va endla tiko ra vona xihlamariso ni xisandzu hilaha ku nga heriki; hileswaku un'wana ni un'wana la nga ta hundza eka rona a hlamala, kutani a nikinisa nhloko ya yena.

Yeremiya 7:34

Emitini ya Yuda ni le mitsendzeleni ya Yerusalema, ndzi ta miyeta rito ra ku tsaka ni rito ra ku tlanga, ni rito ra muteki ni ra mutekiwa; hikuva tiko ri ta va ri hundzukile mananga.

Yeremiya 4:7

Nghala yi humile exihlahleni xa yona, kambe muonhi wa matiko u hlomile, u hume exivandleni xa yena ku ya onha tiko ra wena; miti ya wena yi ta herisiwa yi pfumala muaki.

Esaya 24:1

Vonani, Yehovha u ta onha tiko ri hundzuka mananga; u ta onha nghohe ya rona, a hangalasa vaaki va rona.

2 TIKRONIKA 36:21

leswaku ku hetiseka rito ra Yehovha leri nga vuriwa hi nomu wa Yeremiya, tiko ri ko ri tsakela Tisavata ta rona; ri wisa hi nkarhi hinkwawo lowu, ku ko ku hela malembe ya 70.

Nehemiya 9:31

Kambe hi mitsetselelo ya wena ya ku tala, a ku va hetanga, a ku va fularhelanga, hikuva u Xikwembu xa tintswalo ni vunene.

Yeremiya 4:20

Ku onhaka ku vita ku onhaka kun'wana, hikuva ku ta onhiwa tiko hinkwaro; matende ya mina ma onhiwa kan'we, na yona mitsonga ya mina.

Yeremiya 9:11

“Ndzi ta endla hi Yerusalema, tinhulu ta maribye ni ndhawu ya timhungubye; ni miti ya Yuda, ndzi ta yi endla rhumbi leri pfumalaka muaki.”

Yeremiya 25:11

Matiko lawa hinkwawo ma ta endliwa ku onhaka, ni xihlamariso, kutani matiko lawa ma ta tirhela hosi ya Babilona hi malembe ya 70.

Yeremiya 44:6

Kutani ku kariha ka mina, ni ku leva ka mina ku tlhandluka ku pfurhela miti ya Yuda, ni mitsendzele ya Yerusalema, swi hundzuke rhumbi ni mananga, hilaha swi vonakaka namuntlha hakona.

Ezekiele 20:17

Kambe tihlo ra mina ri va tsetselela leswaku ndzi nga va lovisi, kutani a ndzi va hetanga emananga.

Levhitika 26:31

Ndzi ta onha miti ya n'wina, ma va marhumbi ndzi hlanhla vukwetsimelo bya n'wina; ndzi nga ka ndzi nga nun'hweteli mirhi ya risuna ya mihlengo ya n'wina.

Esaya 17:6

Ku ta sala nkun'hulo tanihi loko va hlakahla mutlhwari, loko ku sala mihandzu mimbirhi, kumbe minharhu eswicapilweni, hambi mune kumbe ntlhanu emarhavini ya murhi lowu vekaka ngopfu,” ku vula Yehovha, Xikwembu xa Israele.

Swirilo 2:7

Hosi yi phirhekile hi alitari ya yena, ni vukwetsimelo bya yena byi va manyala eka yena; U nyiketile emavokweni ya nala makhumbi ya tindlu ta yena ta vuhosi. Va tlakusile marito ya vona endlwini ya Yehovha, Kukota leswi endliwaka hi siku ra nkhuvo.

Sofoniya 1:18

Na yona silivhere ya vona, hambi wu ri nsuku wa vona, swi nga ka swi nga koti ku va lamulela esikwini ra vukari bya Yehovha; kambe tiko hinkwaro ri ta hisiwa hi ndzilo wa rilondzo ra yena; hikuva u ta herisa, a va a lovisa vaaki hinkwavo va misava hi xipuku.