Yeremiya 4:22 - Xitsonga (Bibele)

²² “Kunene tiko ra mina ri hungukile; a ri ndzi tivi; i vana va vuhunguki lava nga riki na ku anakanya; va tlharihile ku endla leswo biha; kambe a va tivi ku endla leswinene.”

BIBELE Mahungu Lamanene

²² HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Yeremiya 4:22 Referans Kwoze

1 Vakorinto 14:20

Vamakwerhu, mi nga tshuki mi va swihlangi eku twisiseni, kambe mi va swihlangi elunyeni, loko ku ri ku twisiseni mi va lava hetisekeke.

Varhoma 16:19

Kambe hinkwavo va tiva ku yingisa ka n'wina. Ndzi mi tsakela kwalaho; kambe ndzi rhandza leswaku mi valavo tlhariha eku sasekeni, ni lavo tenga eku biheni.

Yeremiya 5:21

‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Varhoma 3:11

A ku na la nga ni ku twisisa, a ku na la lavaka Xikwembu.

Hosiya 4:6

Vanhu va mina va hela hi ku pfumala ku tiva. Leswi wena u sandzeke ku tiva, ndzi ta ku sandza, u nga ha vi muprista wa mina; leswi u riveleke nawu wa Xikwembu xa wena, na mina ndzi ta rivala vana va wena.

Varhoma 1:22

Va ri va tlharihile, kasi va hundzuke va rihuhu;

Hosiya 5:4

Swiendlo swa vona a swi va pfumeleli ku tlhelela eka Xikwembu xa vona, hikuva moya wa vuoswi wu le xikarhi ka vona, kutani Yehovha, a va n'wi tivi.

Yohane 16:3

Va ta mi endla hinkwaswo leswi, hikuva a va tivi Tatana na mina.

Mikiya 2:1

Va ni khombo lava anakanyaka ku homboloka, lava tsundzukaka swo biha emasangwini ya vona! Va swi endla eku humeni ka dyambu, hikuva swi le mavokweni ya vona.

Duteronoma 32:28

“Hikuva i tiko leri pfumalaka ku anakanya, A ku na ku twisisa ka vona.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Yeremiya 13:23

“Xana Muetiyopiya a nga tihundzula nhlonge ya yena, kumbe yingwe yi nga tihundzula mavala ya yona-ke? Loko swi ri tano, mi nga swi tiva ku endla swinene, n'wina lava mi titoloveteke ku endla leswo biha.

Esaya 27:11

Loko marhavi ma omile va ma tshova; vavasati va ta ma tshivela, hikuva i tiko leri nga tlharihangiki; hikwalaho muvumbi wa rona a nga ri tweli vusiwana.

Yeremiya 10:8

Hinkwavo va hungukile va rivele; dyondzo ya swifaniso swa vona i murhi ntsena, ni silivhere leyi furiweke leyi pfaka Tarxixi, ni nsuku lowu humaka eUfazi;

Esaya 1:3

Homu yi tiva mufuwi wa yona, ni mbhongolo yi tiva xidyelo xa n'wini wa yona; Israele a nga tivi nchumu, tiko ra mina a ri twisisi nchumu.

Yeremiya 5:4

Kambe mina ndzi ri: “Valavo hi lavatsongo ntsena; va hungukile hikuva a va tivi ndlela ya Yehovha ni nawu wa Xikwembu xa vona.

Luka 16:8

Kutani n'wini wa yena a dzunisa mulanguteri lowo biha, hikuva a a endlile hi vutlhari. Hikuva vana va misava leyi, va tlurisa vana va ku vonakala hi vutlhari erixakeni ra vona.

Hosiya 4:1

Twanani rito ra Yehovha, n'wina vana va Israele! Hikuva Yehovha u tengisa vaaki va tiko, hikuva a ku na vunene, ni ku tsetselela, ni ku tiva Xikwembu etikweni.

Duteronoma 32:6

Xana mi tlherisela Yehovha leswo tano xana? N'wina mi nga tiko ro hunguka, leri pfumalaka vutlhari A hi yena tata wa wena, ni muendli wa wena La ku endleke, ni la ku tiyiseke xana?

2 SAMIELE 13:3

Aminoni a a ri ni nakulobye, vito ra yena a a ri Yonadabu, n'wana Ximeya, makwa Davhida, kambe Yonadabu a a ri munhu wa ku tlhariha ngopfu.

Pisalema 36:3

Marito ya nomu wa yena i ku homboloka ni ku xisa; U tshikile vutlhari ni ku endla leswinene.

Pisalema 53:4

Xana a va na ku twisisa, lava endlaka leswo biha? Lava dyaka tiko ranga kukotisa loko ingi byi ri vuswa, Lava nga khongeliki Xikwembu.

Pisalema 82:5

A va na ku tiva ni ku twisisa, va famba emunyameni; Masungulo hinkwawo ya misava ma tsekatseka.

Yeremiya 2:8

Vaprista a va vulanga, va ku: ‘U kwihi Yehovha?’ Ni vatameri va nawu a va ndzi tivanga; varisi va ndzi hundzukela, ni vaprofeta va profeta ha Baali, kambe va landza lava nga pfuniki nchumu.

Yeremiya 4:21

Ndzi ta vona mujeko ku yisa kwihi? Ndzi ta twa mpfumawulo wa mhalamhala ku ri kangani xana?

Yeremiya 9:3

“Va kongile tindzimi ta vona kukotisa vurha ku copa vunwa; kambe a hi hikwalaho ka ku lulama loko va ri ni matimba laha emisaveni, hikuva loko va huma eku dyoheni kun'wana, va hundzela eku dyoheni kun'wanyana, kutani a va ndzi tivi,” ku vula Yehovha.

Ezekiele 16:30

“Yo! Vutoya bya mbilu ya wena ku vula Hosi Yehovha, leswi u endleke hinkwaswo leswiya swa vuoswi lebyi kulukumba ngopfu!

Amosi 3:10

“A va tivi ku endla leswi lulameke, ku vula Yehovha; va hlengeleta etindlwini ta vona leswi phangiweke hi vona hi ku dlaya ni ku onha.”

Genesa 39:16

Kutani a hlayisa nguvu ya Yosefa ekusuhi na yena, nuna wa yena a kondza a vuya ekaya.

Pisalema 36:4

U anakanya swo homboloka emasangwini ya yena. U famba hi ndlela leyi nga riki leyinene; A nga fularheli leswo biha.

Swivuriso 28:5

Lavo biha a va twisisi swo lulama, Kambe lava lavaka Yehovha, va twisisa timhaka hinkwato.

Yeremiya 9:2

Loko ngi ndzi ri ni xitsongana xa ku hambukela emananga, ingi ndzi tshika tiko ra mina, ndzi ya ekule na rona, hikuva i vaoswi hinkwavo, i huvo ya timbabva.

Yeremiya 9:5

Un'wana ni un'wana u kanganyisa xaka ra yena, kutani a va vulavuri leswi tiyeke, va dyondzisile tindzimi ta vona ku hemba, va tikarhata eku hombolokeni.

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.