Yeremiya 4:19 - Xitsonga (Bibele)

¹⁹ Marhumbu yanga! Marhumbu yanga! Yowee! Ku vaviseka ka mbilu yanga! Mbilu ya pandza, ndzi nga ka ndzi nga miyeri; hikuva moya wa mina wu twa mpfumawulo wa mhalamhala ni wa nkosi wa nyimpi.

BIBELE Mahungu Lamanene

¹⁹ Ndza tshwa, ndza tshwa! Ndzi twa ku vava! Mbilu ya mina a yi na ku rhula, ya ba hi ku hatlisa, ndzi tsandzeka ku yi miyeta, hikuva ndzi twa mhalamhala, ni mpfumawulo wa tinyimpi.

Yeremiya 4:19 Referans Kwoze

Habakuku 3:16

Ndzi swi twile, kutani miri wa mina wu rhurhumela; eritweni rolero, milomu ya mina yi tsekatseka, ku bola ku nghena emarhambyini ya mina, ndzi ri karhi ndzi rhurhumela, loko ndzi fanekele ku languta ndzi wisile siku lero ra khombo, siku leri tiko ri nga ta hlomeriwa hi la nga ta ta ri hlasela.

Esaya 22:4

Hikwalaho ndzi nge: Susani eka mina mahlo ya n'wina, ndzi ta tiva ku rila hi xivitwana! Mi nga hatliseni ku ndzi chavelela hikwalaho ka ku onhaka ka wanhwana wa tiko ra mina!

Esaya 16:11

Hikwalaho marhumbu ya mina ma pfuma ehenhla ka Mowabu, tanihi xitendze, ni mbilu yanga yi endlisa sweswo ehenhla ka Kiri-Herexe.

Yeremiya 9:10

Ndzi ta tlakusa swirilo, ndzi vovola etintshaveni, ni le madyelweni ya mananga, hikuva ma hisiwile; a ka ha ri na munhu la hundzaka kona, kutani a ka ha twakari ku rila ka tihomu; tinyanyana ta matilo ni swiharhi swi balekile, swi fambile.

Yeremiya 9:1

Loko ngi nhloko ya mina yi ri mati, ni mahlo ya mina ya ri miseledyana ya mihloti, vusiku ni nhlekanhi, a ndzi ta rilela vanhwanyana va tiko ra mina lava dlayiweke!

Esaya 21:3

Hikwalaho swisuti swa mina swi tele ku vaviseka; ku lun'wa ku ndzi khomile tanihi loko wansati a veleka; ndza solovanya loko ndzi n'wi twa, ndzi tshukile loko ndzi n'wi vona.

Vagalatiya 4:19

Vana vanga, n'wina lava ndzi mi velekaka eku vavisekeni, Kriste a ko a vumbiwa endzeni ka n'wina!

Daniele 8:27

Kutani mina, Daniele, ndzi wa ndzi titivala, ndzi vabya masikunyana, kutani ndzi pfuka, ndzi khoma ntirho wa hosi, ndzi ri karhi ndzi hlamala hi xivono xolexo; kambe a ku nga ri na munhu loyi ngi a xi tiva.

Daniele 7:15

“Mina, Daniele, ndzi twe mbilu ya mina yi ri ni nhlomulo exikarhi ka mina, ni swivono swa nhloko yanga swi ndzi tshukisa.

Esaya 15:5

Mbilu ya mina yi rilela Mowabu; vabaleki va yena va fika eSowara ni le Egilata-Xelixiya; hikuva va tlhandlukela va ri karhi va rila entsungeni wa Luhiti; endleleni ya Horonayimi va ba mikosi.

Pisalema 116:7

Moya wa mina, tlhelela eku wiseni ka wena, Hikuva Yehovha u ku katekisile.

Varhoma 10:1

Vamakwerhu, ku navela ka mbilu ya mina ni mikhongelo leyi ndzi yi endlelaka Vaisraele eka Xikwembu, hileswaku va ponisiwa.

Amosi 3:6

Nanga loko yi yimbiwa emutini, xana vanhu a va tshuki hinkwavo xana? Xana khombo ri nga humelela emutini ri nga humesiwi hi Yehovha?

Daniele 7:28

Timhaka toleto ti helela kwalaho. Mina, Daniele, ndzi tshuka ngopfungopfu hi leswi ndzi swi voneke, ndzi hundzuka vala, kambe ndzi hlayisa timhaka teto embilwini ya mina.”

Swirilo 2:11

Mahlo ya mina ma vava hi ku rila, marhumbu ya mina ma pfuma, Xivindzi xa mina xi halakela ehansi Hikwalaho ka mbanga ya nhwanyana wa tiko ra mina, Loko vana ni lava an'wisaka va titivala erivaleni ra muti.

Swirilo 1:16

“Hi swona leswi ndzi ririsaka, tihlo ra mina ri halaka mihloti; Hikuva muchaveleri la pfuxaka moya wa mina u le kule na mina. Ndzi ta hanyisiwa hi mani? Vana va xinuna va mina va khunarhile, hikuva nala u hlurile.

Yeremiya 23:9

Mbilu yanga yi tshovekile exikarhi ka mina; marhambu ya mina hinkwawo ma karhi ma ngundzangundza, ndzi kotisa munhu la pyopyiweke ni munhu la hluriweke hi vhinyo, hikwalaho ka Yehovha, ni hikwalaho ka marito ya ku kwetsima ka yena.

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Yeremiya 4:21

Ndzi ta vona mujeko ku yisa kwihi? Ndzi ta twa mpfumawulo wa mhalamhala ku ri kangani xana?

Yeremiya 4:5

“Byelani Yuda, mi tivisa Yerusalema, mi ku: ‘Yimbani mhalamhala etikweni, huwelelani,’ mi bongosa, mi ku: ‘Hlengeletanani, hi nghena emitini ya makhokholo.’

Pisalema 146:1

Dzunisani Yehovha! Moya wanga, dzunisa Yehovha!

Pisalema 119:136

Mahlo ya mina ma huma milambu ya mati lama khulukaka, Hikuva a va hlayisi nawu wa wena.

Pisalema 119:53

Ndzi khomiwa hi nhlamalo wa vukari Loko ndzi vona lavo biha va tshika nawu wa wena.

Pisalema 103:1

Moya wanga, khensa Yehovha! Na swona hinkwaswo leswi nga eka mina A swi khense vito ra ku kwetsima ka yena!

Pisalema 16:2

Ndzi te eka Yehovha: “Hi wena hosi yanga, A ndzi na rifuwo leri ku tlurisaka!”

Vaavanyisi 5:21

Nambu wa Kixoni wu va kukurile, Nambu wa khale, nambu wa Kixoni. Oho! Moya wanga, u kandziyela va matimba ehansi.

Tinhlayo 10:9

“Kutakuloko mi huma nyimpi etikweni ra n'wina ku ya lwa ni valala va n'wina, loko va mi pfuka mi ta yimba tinanga hi matimba kutani mi ta tsundzuxiwa emahlweni ka Yehovha, Xikwembu xa n'wina mi va mi ponisiwa emavokweni ya valala va n'wina.

Genesa 49:6

Moya wanga wu nga tshuki wu nghena exihundleni xa vona! Ku twala ka mina ku nga tshuki ku hlangana ni makungu ya vona! Hikuva eku kariheni ka vona, va dlaye vanhu; Eku titsakeleni ka vona, va tsemile misiha ya tinkunzi.

1 Vakorinto 14:8

Kutani loko mhalamhala yi ri ni mpfumawulo lowu nga tivikaniki, i mani la nga ta tsutsumela enyimpini?

Yeremiya 6:24

Hi twile mpfumawulo wa rona, kutani mavoko ya hina ma herile matimba; khombo ri hi khomile, hi vaviseka kukotisa la velekaka.

Yeremiya 8:21

Ndzi vaviseka hikwalaho ka mbanga ya n'wana wa tiko ra mina, ndzi ni khombo, ndza rila, ndzi khomiwe hi ku chava.

Yeremiya 42:14

mi ku: ‘E-e, kambe hi ta ya etikweni ra Egipta laha hi nga tiki vona matlhari, laha hi nga tiki yingisa mpfumawulo wa mhalamhala, laha hi nga tiki twa ndlala, hi ta aka kona,’

Yeremiya 49:2

Hikwalaho ma ta ta masiku lawa, ku vula Yehovha, ndzi nga ta ba ha wona nkosi wa nyimpi ehenhla ka Rhaba wa vana va Amoni, u ta endla rhumbi; kutani miti ya vona yi ta hisiwa hi ndzilo; kutani Israele u ta fuwa ndzhaka ya lava ngi va n'wi fuwile, ku vula Yehovha.

Yeremiya 50:22

Nkosi wa nyimpi wu kona etikweni ra ku dlayiwa lokukulu.

Daniele 4:19

Kutani Daniele, vito ra yena a nga Beltexatsara, a sala a kayakayeka hi nkarhi, a pfulunganyiwa hi mianakanyo ya yena. Hosi yi tlhela yi vulavula, yi ku: “Beltexatsara, norho ni nhlamuselo ya wona swi nga tshuki swi ku pfulunganya.” Beltexatsara a hlamula, a ku: “Hosi yanga, norho lowu, a wu humeleli eka lava ku vengaka, ni nhlamuselo ya wona eka lava lwaka na wena!

2 TIHOSI 4:19

Kavaloko a ku eka tata wa yena: “Nhloko yanga! Nhloko yanga!” Yena a ku eka nandza wa yena: “N'wi tlakule, u n'wi heleketa eka mana wa yena.”

2 TIHOSI 8:11

Kavaloko munhu wa Xikwembu a n'wi honolela hi mahlo, a ko a phirweka. Kutani munhu wa Xikwembu a rila.

Esaya 21:4

Mbilu ya mina ya titivala, gome ra ndzi khoma; vusiku lebyi ndzi nga byi navela, byi tele ku chavisa.

Yeremiya 8:18

Ku chaveleriwa ka mina eku vavisekeni ka mina ku kwihi?

Swirilo 1:20

“Yehovha, languta mahlomulo ya mina! Marhumbu ya mina ma pfuma, Mbilu ya mina yi hundzukile endzeni ka mina, Hikuva ndzi tiarisile ngopfu. Ehandle tlhari ri dlayile vana va mina; endzeni, i rifu ntsena.