Yeremiya 4:14 - Xitsonga (Bibele)

¹⁴ Yerusalema, tihlantswe ku biha ka mbilu ya wena, leswaku u ta ponisiwa; mianakanyo leyo biha yi ta tshama ku ri kungani embilwini ya wena xana?

BIBELE Mahungu Lamanene

¹⁴ HOSI Xikwembu xi ri: “We Yerusalema, hlantswa mbilu ya wena u tshika leswo homboloka, leswaku u ta pona. Xana u ta namarhela miehleketo ya wena leyo biha ku ya fika rini xana?

Yeremiya 4:14 Referans Kwoze

Yakobo 4:8

Tshinelelani Xikwembu, kutani xi ta mi tshinelela. Hlambani mandla, n'wina vadyohi; na n'wina va timbilu timbirhi hlantswani timbilu ta n'wina.

Timhaka 8:22

Hikwalaho, hundzuka eku biheni ka wena, u khongela Hosi leswaku kumbexana u nga khomeriwa ku anakanya ka mbilu ya wena;

Esaya 55:7

Lowo biha a a tshike ndlela ya yena, ni wa lunya miehleketo ya yena; a a tlhelele eka Yehovha, la nga ta n'wi twela vusiwana; ni ka Xikwembu xa hina, lexi rivalelaka, ku nga ri hi mpimo.

1 Vakorinto 3:20

Hilaha ku tsariweke leswaku: “Xi phasa vavutlhari emanweni ya vona.” Kambe va te: “Hosi yi tiva mianakanyo ya lavo tlhariha, leswaku i swahava.”

Varhoma 1:21

Hikuva, hambi va tivile Xikwembu, a va xi dzunisanga leswaku i Xikwembu, naswona a va xi khensanga; kambe va hundzukile swahava emiehleketweni ya vona; ni timbilu ta vona leti pfumalaka vutlhari ti nyamisiwile.

Luka 11:39

Kutani Hosi yi ku eka yena: “Kunene n'wina, Vafarisi, mi hlantswa ndzheko ni nkambana ehandle, kasi endzeni mi tele hi ku yiva ni lunya.

Yeremiya 13:27

Ndzi vonile vuoswi bya wena, ni ku navela ka wena lokukulu, ni vugangu bya wena lebyi tlurisaka, ni manyala ya wena etintshaveni, ni le switsungeni!

Swivuriso 1:22

“N'wina, varivali, mi ta rhandza ku rivala ku yisa kwihi? Xana vasandzi va ta tsakela ku sandza, Ni va rihuhu va ta venga vutivi ku yisa kwihi xana?

Pisalema 66:18

Loko a ndzi anakanyile ku homboloka embilwini ya mina, Hosi a yi nga ta ndzi yingisanga,

Matewu 12:33

Kumbe vulani leswaku murhi wunene, na vona vana va wona vanene; kumbe vulani leswaku murhi wu bihile, ni mihandzu ya wona yi bihile, hikuva murhi wu tiviwa hi vana va wona.

Ezekiele 18:31

Cukumetani swidyoho swa n'wina hinkwaswo leswi mi dyoheke ha swona, mi va ni timbilu letintshwa ni mimoya leyintshwa. Mi ta lova ha yini, n'wina, va yindlu ya Israele?

Pisalema 119:113

Ndzi vengile miehleketo ya nsohensohe, Kambe ndzi rhandza nawu wa wena.

Pisalema 51:2

Ndzi hlantswe kunene, u susa ku homboloka ka mina, U ndzi basisa hi ku susa swivi swa mina,

Yeremiya 2:22

Hambi u nga tihlantswa hi nitra, kutani u teka xisibi lexo tala, ku biha ka wena ku nga ka ku nga suki emahlweni ka mina,” ku vula Hosi Yehovha.

Yeremiya 6:19

Wena misava, yingisa! Langutani, ndzi ta tisela tiko leri khombo, yi nga mihandzu ya miehleketo ya vona, hikuva a va yingisanga marito ya mina, kutani va sandzile nawu wa mina.

Yeremiya 17:1

“Xidyoho xa Yuda xi tsariwile hi rinhi ra nsimbhi, hi dayimani leyo kariha; xi tsariwile etimbilwini ta vona, ni le timhondzweni ta tialitari ta vona.

Zakariya 8:17

mi nga kungeleli vamakwenu khombo etimbilwini ta n'wina, mi nga rhandzi ku hlambanya ka vunwa, hikuva sweswo hinkwaswo ndzi swi vengile, ku vula Yehovha.”

Yeremiya 18:11

“Kutani sweswi, byela vavanuna va Yuda ni vaaki va Yerusalema, u ku: ‘Yehovha u ri: “Vonani, ndzi mi lunghiserile khombo, kambe ndzi mi endlele makungu layo biha; hundzukani un'wana ni un'wana emikhuveni ya yena leyo biha, kutani mi sasekisa ku famba ka n'wina ni ku endla ka n'wina.” ’

Yohane 13:9

Simoni Petro a ku eka yena: “Hosi yi nga vi milenge ntsena, kambe na wona mavoko ni nhloko.”