Yeremiya 39:4 - Xitsonga (Bibele)

⁴ Kuteloko Sedekiyasi, hosi ya Yuda ni tinhenha hinkwato va va vona, va tsutsuma, va huma emutini ni vusiku hi gondzo ra ntanga wa hosi, hi nyangwa ya le xikarhi ka marhangu mambirhi, va huma hi ndlela ya rivala.

BIBELE Mahungu Lamanene

⁴ Loko Sedekiyasi hosi ya Yuda ni masocha ya yena hinkwawo va vona leswi humelelaka, va baleka nivusiku hi ndlela leyi hundzaka hi le ntangeni wa hosi, va huma emutini hi nyangwa leyi nga xikarhi ka makhumbi mambirhi, kutani va tsutsuma va kongomile enkoveni wa Yordani.

Yeremiya 39:4 Referans Kwoze

Amosi 2:14

Wa matsamba, u ta tsandzeka ku tsutsuma, wa matimba a nga ka a nga tiyisi hi matimba ya yena; ni xihontlovila, xi nga ka xi nga hlayisi vutomi bya xona.

2 TIKRONIKA 32:5

Kavaloko a tiya mbilu, a lunghisa rirhangu hinkwako laha ri mbundzukeke kona, a lehisa makhokholo, kutani a aka rirhangu rin'wana ehandle, a tiyisa Milo emutini wa Davhida, a endla ni matlhari ya ku tala, ni switlhangu.

Ezekiele 12:12

Hosana leyi nga exikarhi ka vona yi ta rhwala nhundzu ya yona ekhatleni, emunyameni, kutani yi ta huma. Va ta boxa khumbi ku n'wi humesela ehandle, u ta funengeta mombo wa yena leswaku a nga voni misava hi mahlo ya yena.

Duteronoma 28:25

“Yehovha u ta endla leswaku u hlaseriwa emahlweni ka valala va wena: u ta huma ku lwa na vona hi ndlela yin'we, kambe u ta hlongorisiwa emahlweni ka vona hi tindlela ta ntlhanu na timbirhi, kutani u ta va xihlamariso ematikweni hinkwawo ya misava.

Levhitika 26:36

Loko va ri lava nga ta pona, ndzi ta va endla matoya etikweni ra valala va vona; pongo ra tluka leri tsekatsekisiwaka ri ta va hlongola va ta baleka kukotisa loko va baleka emahlweni ka matlhari; va ta wa va nga hlongorisiwi.

Levhitika 26:17

Ndzi ta mi languta hi vukari; mi ta tlhaviwa hi valala va n'wina; lava mi vengaka va ta mi fuma, kutani mi ta baleka mi nga hlongorisiwi hi munhu.

Esaya 22:11

Kutani mi endle tiva exikarhi ka makhumbi mambirhi, mi hlengeleta kona mati ya tiva ra khale. Kambe a mi langutisanga eka Muendli wa timhaka teto, a mi vonanga loyi a ti kungeleke khale.

Yeremiya 32:4

Kutani Sedekiyasi, hosi ya Yuda a nga ka a nga phonyoki emavokweni ya Vakalediya, kambe u ta nyiketiwa emavokweni ya hosi ya Babilona; a ta vulavula enon'wini wa yena, ni mahlo ya yena ma ta vona mahlo ya loyi.

Ezekiele 12:4

Humesa nhundzu ya wena yo rhurha ninhlekanhi, emahlweni ka vona; kambe wena, huma nimadyambu emahlweni ka vona, hilaha vakhomiwa va sukaka hakona.

Esaya 22:3

Tindhuna ta wena hinkwato ti balekile swin'we; ti khomiwile ku nga kongiwanga vurha, vanhu va wena hinkwavo va tshuka va khomiwa swin'we va ri karhi va tsutsuma ekule!

Esaya 29:2

kutani ndzi ta wela eAriele, ku ta va ku rila ntsena ni mikosi; kambe eka mina, u ta tshama a va kukotisa Ariele, (muti wa alitari ya Xikwembu).

Yeremiya 32:5

Kutani u ta teka Sedekiyasi, a n'wi yisa eBabilona a ya tshama kona, ndzi kondza ndzi n'wi endzela, ku vula Yehovha; loko mi lwa ni Vakalediya, a mi nga pfuni nchumu.’ ”