Yeremiya 39:14 - Xitsonga (Bibele)14 va rhuma ku ya humesa Yeremiya erivaleni ra yindlu ya khotso, va n'wi veka emavokweni ya Gedaliya, n'wana Ahikama n'wana Xafani, a ta n'wi yisa endlwini ya yena, kutani Yeremiya a sala exikarhi ka vanhu va tiko. Gade chapit laBIBELE Mahungu Lamanene14 va rhuma vanhu ku ya teka Yeremiya exivaveni xa varindzi, va vuya na yena. Kutani va kombela Gedaliya n'wana Ahikama wa Xafani leswaku a amukela muprofeta ekaya ka yena, a n'wi hlayisa. Kutani Yeremiya a tshama kona, exikarhi ka varikwavo. Gade chapit la |
Kakuloko a ha hlwela ku hlamula a ku eka yena: Tana u tlhelela eka Gedaliya, n'wana Ahikama n'wana Xafani, loyi hosi ya Babilona yi n'wi vekeke ku risa tiko ra Yuda, u tiakela na yena exikarhi ka tiko; kumbe hinkwako laha u ku vonaka leswaku ku sasekile eka wena ku ya kona, u nga famba.” Kutani ndhuna ya valanguteri, yi n'wi, nyika timbuva ni tinyiko, yi n'wi ha ndlela.
Tindhuna hinkwato ta mavandla lawa ngi ma ri enkoveni, ni vanhu va vona kuteloko va twa leswaku hosi ya Babilona yi vekile Gedaliya, n'wana Ahikama, ku risa tiko, ni leswaku a vekile emandleni ya yena vavanuna, ni vavasati, ni vana, ni swisiwana swa tiko swa lava nga yisiwangiki eku bohiweni eBabilona;